بسم الله الرحمن الرحيم
بنات راح أكتب لكم تجربتي في ( عملية تجميل الانف ) ..
بس قبل هذا كله عندي مقدمة مهمة جدًا بالنسبة لي ..
أنا قبل لا أسوي عمليتي كنت أدخل للمنتدى أشوف كلام البنات عن عمليات تجميل الخشم ومنو أحسن دكتور وبأي مستشفى .. وشنو خطوات العملية و الخطوات اللي مابعد العملية . عشان أكون بالصورة قبل لا أسوي عمليتي وبنفس الوقت أشوف بنات مجربين العملية !
بس اللي صار معاي غير عن اللي قرأته من البنات هني !!
ما أذم بالبنات حشى والله لكن أعتقد إن ( البعض ) تكتب عن عملية تجميل الانف وتخوف العالم وهي ماتدري شالطبخه !
**
المهم : عمليتي كانت يوم السبت تاريخ 8 ديسمبر .. هالشهر .
العملية : تصغير لفتحات الانف وهي تحتاج لغرز .. و نحت لعظام الأنف . هو عريض شوي وطلبت ينحته .
طبعًا دخلت لغرفة العمليات .. جاني الدكتور سألني شنو تبين وووو إلخ . وشرحت له شنو أبي بالظبط .
طبعًا ملاحظة للبنات : لما تدشين غرفة العمليات اطلبي انج تقابلين الدكتور لأن الدكتور يوميا يشوف ألف بنت وماراح يحفظ شنو تبين انتي ! ف قولي له اللي تبينه قبل العملية بالضبط .
- طبعًا البنج ما أخذته عن طريق التنفس . حطوه لي عن طريق الدريب ( إبرة ) وهذا البنج الحمدلله كان خفيف علي حيل وماتعبت منه . لأن سابقا كنت مسوية عمليه وحطولي البنج اللي عن طريق التنفس وهذا جاب العيد فيني والله كنت 3 اسابيع ابجي من ألم راسي كله من هالبنج .
- التنفس كان عن طريق أنبوب يدخلونه بفمج و أظن يوصل لين بلعومج .
المهم .. دخلت للعمليات 8 ونص .. وطلعت 12 الظهر .
قعدتني الممرضه : مريم قومي قومي العملية انتهت .. الحمدلله على السلامة .
ولما قعدت ودوني فوق .
كنت أحس بدوخة وأحتاج للنوم .
المهم نمت ولما راحت الدوخة تقريبا بعد 4 ساعات من ودوني للغرفة .
طبعا خشمي مسكر و جبس ومادري شنو وفتايل .
اللي حابه اوضحه ان مااااااااافي ولا ألم !!
والله العظيم ماحسيت الا بألم في بلعومي من الانبوب اللي حطوه لي .
شربت شوربة وماي و حليب دافي .. اشربوا اشياء دافيه .. خلال يومين راح هالألم من المشروبات الدافيه .
- الاكل كنت آكل عادي بعكس البنات اهني خوفوني !
- التنفس من الفم .
- الألم مال الخشم حسيت فيه ثاني يوم بالليل .. وعطوني إبره مهدئه بالعضل ونمت وراح الألم .
- قعدت بالمستشفى 3 أيام .. ولا المفروض أطلع من أول يوم . بس انا احتياط قعدت لأن ابي احد يهتم فيني .
- الفتايل شالوها ثالث يوم .. كانت راح تطلع روحي منها :eh_s(11): هي الشي الوحيد اللي يعور .
أول ماشال الفتايل طلع دم 5 دقايق ووقف .
- وجهي ورم ثاني يوم من العملية .. وكان في مثل الكدمات فوق جفني و على خدي و فمي انتفخ شوي .
- الورم راح من ثالث يوم . أما الكدمات للحين باقي بس شوي ع خدي كدمة صغيرة.. وفوق جفني بس عادي انا معتبرته شدو :eh_s(22):
- الدكاترة اللي كانوا ع عمليتي 3 .
وبعد العملية كل شوي يتناوبون علي . الحمدلله كان اهتمام حلو منهم .
- أول ماشلت الفتايل قعدت ساعه وبعدين طلعت للبيت عطوني شاش حق خشمي عشان لما ينزل دم .
وأخذت منهم ماسك احطه ع خشمي وفمي لأن الهوا البارد كان ينشف فمي لما اتنفس ويعور خشمي .
- عطوني أدوية مهدئه عشان لو تألمت . والحمدلله ماستخدمتهم .
وعطوني بخاخ للخشم ينظفه .
- بعد 10 أيام رحت أشيل الغرز .. وطلبت يحط لي بنج عشان يشيلهم .. مابي أحس بألم .
واليوم راح أشيل الجبس ان شاء الله .
- مبدئيا شكل خشمي عاجبني .. الفتحات وطريقة رسمها :eh_s(15):.
- الطلعات كنت أطلع من رابع يوم عادي للسوق والممشى وجذي
وأمس رحت عرس عادي كنت لابسه نقاب بس في جبس ع خشمي :eh_s(22):
عاد أنا قلت الهيلق بيقولون هذي مطقوقه . و الناس الفاهمه بيدرون انها عملية تجميل :eh_s(22):
يعني ماعلي من أحد أطلع طبيعي وأروح .
حتى الكحل عادي تحطين :eh_s(22):
و أحلى شي إن الدكتور معاي عالواتساب يعني اي سؤال اسئله ويجاوب :eh_s(15):
أي سؤال بنات أنا حاضرة ..
بنات راح أكتب لكم تجربتي في ( عملية تجميل الانف ) ..
بس قبل هذا كله عندي مقدمة مهمة جدًا بالنسبة لي ..
أنا قبل لا أسوي عمليتي كنت أدخل للمنتدى أشوف كلام البنات عن عمليات تجميل الخشم ومنو أحسن دكتور وبأي مستشفى .. وشنو خطوات العملية و الخطوات اللي مابعد العملية . عشان أكون بالصورة قبل لا أسوي عمليتي وبنفس الوقت أشوف بنات مجربين العملية !
بس اللي صار معاي غير عن اللي قرأته من البنات هني !!
ما أذم بالبنات حشى والله لكن أعتقد إن ( البعض ) تكتب عن عملية تجميل الانف وتخوف العالم وهي ماتدري شالطبخه !
**
المهم : عمليتي كانت يوم السبت تاريخ 8 ديسمبر .. هالشهر .
العملية : تصغير لفتحات الانف وهي تحتاج لغرز .. و نحت لعظام الأنف . هو عريض شوي وطلبت ينحته .
طبعًا دخلت لغرفة العمليات .. جاني الدكتور سألني شنو تبين وووو إلخ . وشرحت له شنو أبي بالظبط .
طبعًا ملاحظة للبنات : لما تدشين غرفة العمليات اطلبي انج تقابلين الدكتور لأن الدكتور يوميا يشوف ألف بنت وماراح يحفظ شنو تبين انتي ! ف قولي له اللي تبينه قبل العملية بالضبط .
- طبعًا البنج ما أخذته عن طريق التنفس . حطوه لي عن طريق الدريب ( إبرة ) وهذا البنج الحمدلله كان خفيف علي حيل وماتعبت منه . لأن سابقا كنت مسوية عمليه وحطولي البنج اللي عن طريق التنفس وهذا جاب العيد فيني والله كنت 3 اسابيع ابجي من ألم راسي كله من هالبنج .
- التنفس كان عن طريق أنبوب يدخلونه بفمج و أظن يوصل لين بلعومج .
المهم .. دخلت للعمليات 8 ونص .. وطلعت 12 الظهر .
قعدتني الممرضه : مريم قومي قومي العملية انتهت .. الحمدلله على السلامة .
ولما قعدت ودوني فوق .
كنت أحس بدوخة وأحتاج للنوم .
المهم نمت ولما راحت الدوخة تقريبا بعد 4 ساعات من ودوني للغرفة .
طبعا خشمي مسكر و جبس ومادري شنو وفتايل .
اللي حابه اوضحه ان مااااااااافي ولا ألم !!
والله العظيم ماحسيت الا بألم في بلعومي من الانبوب اللي حطوه لي .
شربت شوربة وماي و حليب دافي .. اشربوا اشياء دافيه .. خلال يومين راح هالألم من المشروبات الدافيه .
- الاكل كنت آكل عادي بعكس البنات اهني خوفوني !
- التنفس من الفم .
- الألم مال الخشم حسيت فيه ثاني يوم بالليل .. وعطوني إبره مهدئه بالعضل ونمت وراح الألم .
- قعدت بالمستشفى 3 أيام .. ولا المفروض أطلع من أول يوم . بس انا احتياط قعدت لأن ابي احد يهتم فيني .
- الفتايل شالوها ثالث يوم .. كانت راح تطلع روحي منها :eh_s(11): هي الشي الوحيد اللي يعور .
أول ماشال الفتايل طلع دم 5 دقايق ووقف .
- وجهي ورم ثاني يوم من العملية .. وكان في مثل الكدمات فوق جفني و على خدي و فمي انتفخ شوي .
- الورم راح من ثالث يوم . أما الكدمات للحين باقي بس شوي ع خدي كدمة صغيرة.. وفوق جفني بس عادي انا معتبرته شدو :eh_s(22):
- الدكاترة اللي كانوا ع عمليتي 3 .
وبعد العملية كل شوي يتناوبون علي . الحمدلله كان اهتمام حلو منهم .
- أول ماشلت الفتايل قعدت ساعه وبعدين طلعت للبيت عطوني شاش حق خشمي عشان لما ينزل دم .
وأخذت منهم ماسك احطه ع خشمي وفمي لأن الهوا البارد كان ينشف فمي لما اتنفس ويعور خشمي .
- عطوني أدوية مهدئه عشان لو تألمت . والحمدلله ماستخدمتهم .
وعطوني بخاخ للخشم ينظفه .
- بعد 10 أيام رحت أشيل الغرز .. وطلبت يحط لي بنج عشان يشيلهم .. مابي أحس بألم .
واليوم راح أشيل الجبس ان شاء الله .
- مبدئيا شكل خشمي عاجبني .. الفتحات وطريقة رسمها :eh_s(15):.
- الطلعات كنت أطلع من رابع يوم عادي للسوق والممشى وجذي
وأمس رحت عرس عادي كنت لابسه نقاب بس في جبس ع خشمي :eh_s(22):
عاد أنا قلت الهيلق بيقولون هذي مطقوقه . و الناس الفاهمه بيدرون انها عملية تجميل :eh_s(22):
يعني ماعلي من أحد أطلع طبيعي وأروح .
حتى الكحل عادي تحطين :eh_s(22):
و أحلى شي إن الدكتور معاي عالواتساب يعني اي سؤال اسئله ويجاوب :eh_s(15):
أي سؤال بنات أنا حاضرة ..
