معلمات اللغه الانجليزيه؟! الى متى هذا الصمت!

السلام عليكم
وعيدكم مبارك جميعاً قبل الزحمه

معلماتنا وتخصص اللغه الانجليزيه تحديداً .. الى متى هذا الصمت؟!
الى متى حقوقنا مهضومه! ونُعامل معاملة "ماكينه" و"آله"؟!
أبي افهم هل انا الوحيده اللي تشوف الوضع لا يُطاق!

تحضير اسبوعي + remedial + reactivation + ملف الضعيفات والفائقات + الاختبارات + تمارين ماقبل الاختبارات + خطط الواجبات للطالب + helping class
شغل ورق أكثر من شغل التدريس نفسه لييش!! غير النسب والاحصائيات والورق المستجد اللي يجينا من التوجيه!!
تصعيب وتعقيد وتطفيش
غير الشغل الاداري!! والإبداع اللي يطالبونا فيه!!
أي ابداع يرحم والديكم خليتوا فيها ابداع .. استنزفتوا كل الطاقه والله

احنا مالنا راي يامعلمات الانجليزي؟ مالنا كلمه؟ مالنا صوت؟ مالنا حقوق؟ الا اذا انا الوحيده اللي اعاني وشايله شغلي معاي البيت كل يوم!
فهموني اذا انا الوحيده بحذف الموضوع :\

لكن اذا احنا غالبيه أكيد صوتنا راح يوصل!! لازم تكون لنا وقفه بوجه التوجيه
لأن في تمادي كبير بحقنا .. في هياط قام يطلع على حسابنا
احنا مو مكلوفين بهالكم الهائل من الشغل
بليز بنات اللي تتفق معاي خل تنشر هالموضوع لكل معارفها تخصص انجليزي ونتصرررررف
نتصررررررررررف
واعيدها بعد: نتصررررف
ونوقف وقفه وحده
عشان نبين لهم احنا مو راضيييين
هُم شافوا ناس ساكته وخايفه خذوا راحتهم فينا بنات

أنتظر ردودكم وافكاركم
شنو ممكن نسوي عشان نوصل صوتنا
ترا والله مو نهاية الدنيا ولا راح يخصمون ولا راح يطردونا من الشغل بسكم خوف!!

طالبة1990 قال:

مشكلة تخصصنا

واللي مشيّخ التوجيه علينا

الوااافدااات

لانهم مايقولون لا كلللش

واحنا نبتلش تالي


انا معاج ووقفتنا مو شرط تكون باتحاد وحوسة وغيره

وقفتنا بان نقول لااا

ولااا

ولااا

توجيهنا كل يوم يطلع بشغلة

ببساطة لاننا مانقول لا

فلا تلومينهم باللي يسوونه فينا


لاتقولين ايد وحدة ماتصفق

انتي اليوم تقولين لا

باجر انا اقول لا

صدقيني مع الوقت حتى الوافدات بيقولون لا



وبعدين هالشغل شغلهم احنا مو مكفولين فيه

واذا تأخر او تعطل اهمه المسؤولين عنه

احنا محد يحاسبنا عليه

أنقر للتوسيع...

نبي نقول لا لكن بشكل واضح وتكون لا مسموعه
اذا انا بمدرستي قلت لا وانتي بمدرستج قلتي لا محد درا عنا
لكن لما نتفق احنا قسم الانجليزي بجميع المدارس على اننا نغيب كلنا بنفس اليوم اعتراضاً على الشغل
راح تتعطل أمورهم وراح يتلعوزون وراح يحسون الموضوع جد
اما وحده ثنتين قالوا لا ماراح يأثر ترا

معلمة_منكوبة قال:

عيزنا واحنا نتحجى .. كل هالبلاوي بحولي يعني السبب معروف والاخت الموقره سكينه علي ساكته عن حولي ولاتقول شي .. دام كل هالشقا قلتيه عيل انتي زميلتي بحولي

أنقر للتوسيع...

لا حبيبتي أبشرج الشقا مو بس بـ حولي
هم الشقا لاحقنا بالأحمدي
عشان جذي تكلمت عن تخصصنا وجمعت لأني عارفه مو بس انا اعاني
مانبي نتحجى نبي فعل
ونبي كلنا نجتمع عليه

انسام الكويت قال:

ليش معترضين هاذا شغلكم الاساسي يعني تبون بس تعطون حصص اي كلام وخلاص

ولا شحقه يتكم الزيادات الاخيرة عشان يشجعونكم عالوظيفه وتشتغلون بضمير

خلاص اللي موعاجبها الوضع تهد التدريس وتصير إداريه وتوفر التعب وتشتري راحتها

أنقر للتوسيع...

عفواً الموضوع خاص لمعلمات اللغه الانجليزيه!
لأن اللي ايده بالنار مو مثل اللي ايده بالماي
واحنا قاعدين نتكلم عن واقع تجربتنا العمليه اللي عايشينها .. انتي تتكلمين على اي اساس؟!
وهذا مو شغلنا الاساسي ياقلبي .. شغلنا الاساسي التدريييييس فقط ولا شيء غير التدريس
والزيادات جايتنا من مجهود دراستنا وشهادتنا بكالريوس ومجهود العمل الشاق: كاد المعلم أن يكون رسولا
مو عاجبنا الوضع ومن نحقنا نطالب لأننا مثل ماذكرت مو ماكينه احنا ولا آله
وبليز اذا مو عارفه شقاعد اتكلم عنه ولا عايشه اللي عايشينه لا تردين لو سمحتي

*مطبخ الذواقة* قال:

الله يكون بعونكم ....


انا بس قريت تعبت !!!

أنقر للتوسيع...

الله يكون بعون الجميع

مليحة الكويت قال:

اي و الله و انا ملاحظه هالشي على اختي مع اني رياض اطفال و احنا كرف بعد بس هي مسكينه كل يوم طالعه بشي العن من الي امس و ما ترتاح الا بالويك اند ....صراحه جنها بنت ثنويه عامه ...تعب تعب ..



و بالنسبه لكلام انسام الكويت ...ترا اهم يسون الي عليهم و زياده يعني يسون اشياء اغلبها ترا ما تفيد البنات و لا يتاسسون عدل ..

أنقر للتوسيع...

الحمدالله في أحد يلاحظ :"(
ياقلبي مو بس انتي تلاحظين .. هم احنا نشوف الاقسام الثانيه كلهم مرتاحين
معناته البلا كله من توجيهنا
وفعلاً والله أحس اني للحين طالبه كل يوم شايله ورق وفايلات وكتب التحضير
وماكو أحد يقدر في الأخير
الله كريم

ام حديجان قال:

التوجيه متعسف

الابلة تعيش بضغط و طول الوقت مقيدة بخطط و شغلات مامنها فايدة لكن تطبيقها الزامي

شلون يطلع الابداع اذا الشخص مقيد و محكور

حاليا انا تربية عملية و انصدمت من الوضع

كلش ما يشجع

نبي شوية حرية بالصف عشان نعطي عدل

مادري اذا المواد الثانية نفسنا ؟

أنقر للتوسيع...

نصيحه لوجه الله بعد ماتتخرجين بإذنه تعيني بأي وزاره ثانيه غير التربيه
لأن التعيين من البدايه سهل لكن إن دشيتي وزارة التربيه صعب تنقلين لوزاره ثانيه
روحي الأوقاف يمدحونهم ويبون تخصص انجليزي
طيعيني لأنج اذا دشيتي والله بتبتلشين واكلمج من واقع تجربه
ومحد من باقي المواد نفسنا يعتمد ع التوجيه الا العربي هم فيه تعب الله يعينهم ويعينا