هلا حبيبتي...
انا اول شي لما رحت فحصت رحت البحر و اهما عطوني تحويل حق ابن سينا هناك رحت اخذت موعد
و لما صار يوم العمليه رحت ابن سينا صوب العمليات الصغرى
ولا مافي تحليل دم ولا شي
و اللفاف تظلين فيه جنا 3 ساعات مادري 4 يعني جم ساعه بس موو ايام و اهما راح يقولولج التوصيات يعني حتى عقب ما تشيلين اللفاف راح تحطين قطرات و يوصونج تسويلها مساج
انا جيس الدهن كان عندي كبير
و انا ترا كانو عيوني الثنتين فيهم وحده اللي فيها كبير والثانية صغير ف الدكتور عطاني قطرات و قالي انتي اخذي موعد حق العملية و من اليوم لي وقت العملية سويلهم كمادات وحطي القطرات اذا راحت خلاص لا تسوين العمليه و اذا ما راحت سويها ف الصغير راح و الكبير ظل ف سويت حق عيون وحده
عشان جذي اقولج اذا انتي صغير ترا يمكن تروح بالكمادات و انصحج تحطيلها مره ( كسريها و نقعيها و حطيها في بطل و بقطن حطي على عيونج ترا تساعد في وحده اعرفها كان فيها جيس دهن حطتله مره و راح )
و بالنسبة للخووف لا تخافين و تتحركين عشان لا لا يحوشون شي بالغلط و تتنرفز عليج الدكتوره
انا طبعا عفست الدنيا جنا ولادة مو عمليه ام خميس دقايق بس انا مو مقياس لاني خواافه بشكل فضيييييييييع توكلي على الله و ترا الوضع سهالات
و بس
و اذا عندج استفسارات اخرى احنا حاضرين
