المصمم خالد المناع قابلته مع اختي العروس والوالده بمكتبه,رحب فينا وصج الريال اسلوبه راقي جدا في التعامل وجدا متواضع عكس باقي مصممي الكوش من غير ذكر اسماء,عرض لنا مجموعة كوش على الشاشه وطبعا كل كوشه احلى من الي قبلها ودخنا من كثر الكوش,عالعموم اخترنا 4كوش واحترنا بينهم,هو اختار لنا الكوشه وعيشنا بجو من الخيال بكل الوانها سواء من الكوشه و من التسكيره ومن المداخل وكل ديكورات القاعه وكانت ميزانيتنا 3500د.ك وبالامانه قال لنا راح اسويلكم العرس ب 3000توكلنا ووقعنا معاه العقد و دفعنا العربون..يا يوم العرس وصلت الباب وطبعا المداخل كانت صج صج روعه ودشيت القاعه وشفت الخيال الي عيشنا المصمم صار وااااااقع, الكوشة احلى من الصورة والاضاءة بكل مكان والديكورات,الكل الكل يسال عن الي سوا العرس,يعطيه الف الف عافيه واوجه له تحيه وانصح كل معرس و عروس يروحون له..لا تعتقدون اني قاعده اسوي دعايه حقه..لا حبايبي تعاملوا معاه لان في وايد مصممين كوش يطلبون فوق 5000 ويطلع العرس خايس ما يسوى 1000 اما هذاالمصمم المبدع يسويلكم العرس على حسب طلبكم..وسامحوني قرقت وايد (
