سنـــــــــه اولــــــــى جامعــــــــه .. يا احلى سنه

وناااااسه انا توني متخرجه من الثانوي وبدش الجامعه بس يوم التسجيل صج حسيت نفسي ضايعه بس لولا الله ثم اخوي ماسويت شي
بس مايندرى شبسوي اذا داومت بروحي
حيل حيل متحمسه لبداية الدوامات
ومن الحين كل ماشفت شي بالسوق قلت هذي حق الجامعه
اخلص اول سنه واكتب شعوري هني ان شاءالله

ذكرتيني بما مضى صار لي سنتين من تخرجت والله ولهت عالجامعه وعلى كل زاويه فيها فديتها كلية الاداب

كل كلمة كتبتيها ذكرتني بنفسي لووول بس قويه من الدكتور هالكلمه !!!!

بس اهم شي تعلمته ان في فرق بين كوني طالبه بالثانويه وطالبه بالجامعه

ودايما اكرر على طالباتي كوني مدرسه عن هالشي عشان ما يغلطون غلطتي

كنت على بالي الجامعه نفس الثانويه رفيجات واكل وملابس وطلعات بس بعد ما خذيت طراق قوي اهني توعيت

وعرفت ان الدراسه بالجامعه شي مهم واهم من الثانويه

موفقه حبيبتي وان شاء الله نشوفج خريجه وتكتبين لنا يومياتج

حلو الموضوع موفقات يارب

...

وآآآي شوقتيني
انا خريجة ثنوي هالسنة وتخيلي رفيجآتي الي حيل معآي مو معآي بالجآمعة
بس اعرف جم بنية معرفة أكثر من سطحية يعني عآدي بيني وبينهم سوآلف بس محد يصك على رفيجآتي " عشرة عمر على قولتج "
..والله يكتب الي فيه الخير لآن حتى اهمآ مآ معآهم احد كلش (=
حيييل شوقيتيني ادش سنة اولى جآمعة واحسها بتكون احلى سنة لآن بكون يديدة ومو عارفة شي فيمكن تصيرلي مواقف تظل بذآكرتي على طول لآن بيكون تجربة يديدة مآ عشتها من قبل

الله يوفقنا ان شاء الله

تآثرت. بكل كلمه انا توني متخرجه من الثانويه وان شالله يارب ادش الهندسه
الحمدلله اغلب رفيجاتي حاطينها رغبه اولى
بس انا مشكلتي حيييييييل حساسه يوم كنت ب12 بجيت حيل اكثر سنه بجيت فيها
لان انا اجتماعيه وحيل مع ابلاتي وفصله بالصف وفيني شويه هبال
يعني اكيد بفقد كل هذا بالكلاس
ماتخيل بقعد بمكاني بدون ماقول الكلمه اللي تعودت عليهاا 12 سنه
بدون لا اقول " ابله "
انا ابلاتي اهم خواتي ورفيجاتي احبهم حيل
صعب علي فراقهم صعب علي اني اشوف احد يشرح مكانهم وباسلوب وطريقه ثانيه
انا ان شالله ان شالله انقبل بالهندسه وهذي هم ثاني
خايفه من التعب من الضغوطات خاصه باول كورس شلون بدرس شلون بسأل الدكتور شلون الامتحانات
انا لو الله يفكني من الحساسيه اللي فيني انا بخير بفقد الطابور وتحيه العلم
خلااااص حياه ثاني بتبدي من الوقت اللي بيطلع فيه قبولي
# مجرد فضفضه
دعواتكم وان شالله لاطلع القبول ببشركم

واااو يهبل الموضوع : )*

احم احم
الحمدلله عدت اول سنه على خير

طبعاً دخلت كلية كلش مو طموحي ( 3 رغبه ) ودراستها يبيلها ،*والحين ادور التحويل

^^ نسبتي كانت دخلني فوري للكلية اللي بحول لها ، بِــ̯͡سّ سبحان الله مَ كانت ع البال كلش ، خذيت مقرر بهالكلية وعجبتني تخصصاتها ومجالاتها ف قلت احول وابعد عن الشر وغني له*



طبعاً اول يوم ربكة حده
كنت قبلها رايحه للكلية وعرفوني عليها بنـْْ♡ــــات الاتحاد ، بِــ̯͡سّ من دخلت تنحت ونسيت اماكن كلاساتي*

ف شفت وحده من بنـْْ♡ــــات الاتحاد ودلتني

دخلت الكلاس ( تمهيدي انجلش ) والا مغيرين الدكتوره مالتي

بعد مَ سويت سيرش عنها وعرفتها وحبيتها قبل لا ادرسني ( إيمـان معرفي )
وعطونا لدكتوره ( سهام ) ، وزعت لنا امتحان تجريبي << توهقت

اذكر تبينا نكتب برزنتيشن اخر الامتحان
عاد ‏​ٱ‏​نـِْ♡̨̐ـِْا الله بالخير نسيت كل هالسوالف والله :krkrkr: بدعت فيه*

ومع الايام تعرفت على 3 بنـْْ♡ــــات نفس جدولي بالضبط
فديتهم يهبلون يهبلون عسسسل
معاي بكلاس الانجلش والكمستري*

محاضراتنا مع بعض ، وبالبريكات كله معاهم << اهما نفسي مستجدين


طبعاً بالمقرر الثاني ( الكيمياء ) كان شيء جديد عليّ ، ان ادرس كتاب كامل من الجلده للجلده باللغه الانجليزيه ،*والدكتوره هم تشرح بالانجلش ، وتناقشنا ، كان صج شي يخوف بِــ̯͡سّ ممتع << حسيت نفسي ادرس برا الكويت الله وكيلكم :krkrkr:

ودكتورتي الكيمياء كانت شي شي
عصبيه وتزف اللي يتأخرون وما تحب الطالبات البليدات*

بِــ̯͡سّ فكرها وكلامها حيل عجيب ، تخلي الواحد يجتهد ويفكر صح اهو شنو يبي

اذكر بهالكلاس مالها كلنا بنـْْ♡ــــات الا ولد واحد ،*وكانت حاطه عليه حطه مو طبيعيه*<< توهق حرام :eh_s(4):

يتأخر = تزفه جدامنا
يمسك فونه = تطرده

فيلم محاضرتها


اما الكورس الثاني وناسسسه ،*خذيت بعيد عن الخالديه ،*كل موادي بكيفان ويهبلون
ودكاترتي اغلبهم زينين وعسل وتعامل راقي :eh_s(15):

( الطبطبائي واحمد عوض وسليمان معرفي )

طبعاً*خذيت ب الاداب وبالشريعه ، لاني فكرت بالتحويل

كلش مالي خلق ادرس شي علمي ،*حسيت نفسي تشبعت منه بالثانوي ،*وبعدين بالنسبة لي حسيت مجالات الكلية اللي ‏​ٱ‏نـِْ♡̨̐ـِْا فيها مَ تناسبني ودراستها يبيلها طولة بال*
وتعبت حيل بسالفة اني ادرس مقرر كامل وعلمي بحت بالانجلش*

ف قررت التحويل للشريعه او التربيه ( تخصص اسلامية ) < حسب معادلة المواد

وبكيفان كنت كله ببريكاتي مع خالاتي واختي او اروح المكتبه اقرى كتب بروحي

واروح لابات التربيه اخلص بحوث الاستاذه امل :eh_s(2): << حسيت نفسي اني طالبة ماستر او دكتوراه على هالبحوث


وعرفت بنت معانا بالمنتدى ، خووش بنيه

والحمدلله قريداتي زينه بهالسنه

وييييييه وين رديتي فيني الزمن لين الحين أتذكر اول محاضره عندي واعرف مكان الكلاس واتذكر اول مادخل الدكتور لااراديا فزيت وقفت له خخخخخ وانتبهت لنفسي فسويت روحي اعدل تنورتي هههههه الله يذكرها بالخير كانت أيام حلوه والحين تدور السنين وبنفس كليتي ويمكن تكون بنفس قاعتي قاعده تدرس بنتي ، كل مامريت يم سور الكليه وشفت الكراسي اللي عالحديقه يتراوالي بشوف رفيجاتي قاعدين ينطروني :eh_s(22)::eh_s(22):

يعطيج العافيه

انا راح اكون مستجدة ان شاءالله و ناطرة قبولي

بس الله يعيني انا كلش مو اجتماعية و رفيجاتي مو معاي مو مثل رغباتي و ماعندي احد بالعايله كان بجامعة الكويت حدي راح اضيع بس الله يسهلها علينا يارب

وان شاءالله اليوم يطلع القبول و اعرف مستقبلي و مصيري

وخوش موضوع يهبل

يالبى عمممممممممرج

صديقتي الحبيبة انا نفسج بالضبط

كنت ضايعة والحين محد يصدق سنة اولى لوووووول

المهم عسى اخذ معاج مره ثانية صديقتي

فديت راسج

اول يوم كان لا يطاق مالي خلق حتى اقوله
كنت بيني و بين نفسي مو حابه الكليه ولا حابه هالجو اليديد احس عالم ثاني
بس مع التعود و بداية الكورس الثاني حبيت الدوام و الكليه

انا انقبلت بالاجتماعبه

وقليل اللي اعرفهم معاي

وحده ضايعه

بس موضوعج حمسني

الله يكتب اللي فيه الخير

الحمدلله طلع قبولي بالهندسه

نبض الجود قال:

انا مستجده بعد ..

الله يعين بنعيش جو جديد ..

والحمدلله معآي رفيجآتي

طواري ليل ؟ انتي بالعلوم ..

انا انقبلت علوم بيولوجيه الكورس الثاني

والمواد يقولون انجليزي ؟ همن الدكاتره يشرحون انجليزي مايترجمون ؟

​

أنقر للتوسيع...

هلآ جود
ع البركه القبول والله يوفقج
اذكر قلتي بتحولين اجتماعيه اذا مو غلطانه

‏​ٱ‏​نـِْ♡̨̐ـِْا دكاترتي مَ كانوا يترجمون كلش
شي بسيط بسيط يترجمون



بس اكو بنـْْ♡ــــات يقولون موادالعلوم اللي تنزل لطالبات التربيه بعد
فيه دكاتره يترجمون شوي
يعني شي بسيط مو كل المحاضره بيترجمون
‏​ٱ‏​نـِْ♡̨̐ـِْا مَ طحت عند هالدكاتره اللي يترجمون بِــ̯͡سّ عموماً الكلية امتحاناتها بالانجلش واللغة اللي يدرسون فيها الانجليزيه وهم فيه دكاتره مو عرب ، اجانب


بِــ̯͡سّ تتعودين مع الايام

موفقه حبيبتي ، اي استفسار دزي لي ع الخاص عشان موضوع البنت لا يخرب بسوالفنا

وانآ انقبلت بالشريعععه
بَـßÊـسّ حدي خآيفه ماعرف احد وموعارفه شي عن الكليه اللي تعرف تقولي