اختي تبي تكمل تعليمها الجامعي ،، هل طافها القطار؟

ruwaishdawya قال:

انصحها تكمل في كليه التربيه الاساسيه حتى لو شهادتها قديمه يقبلونها بس الاهم تكون النسبه 80 والحين التقديم لكليه التربيه الاساسيه اعتقد بشهر 7 اذا ماني غلطانه وراح يحطون الاعلان في الجريده خليها تقدم فيها
واذا نسبتها اقل تكمل مسائي رابعه ثانوي وتجيب النسبه المطلوبه اعتقد بالسبعينات وتكمل في التربيه الاساسيه وتتتخرج وتشتغل مدرسه شكثر في كليه التربيه الاساسيه اجازات دراسيه وامهات وغيرهم قاعدين يكملون وظيفه المدرسه مطلوبه خاصه بعد الكادر وموفقه

أنقر للتوسيع...

طالبه مصدومه قال:

الدراسه مالها سن محدد اول لما كنت ادرس مسايي اغلب الطالبات كبار بالسن وجدات وعندهم احفاد ماشالله وحتي لما دخلت التربيه كان في طالبه مسجله معاي دايم تتكلم عن حفيدتها ماشالله عليهم عندهم طمووح

أنقر للتوسيع...

ام صمونة قال:

كلامك ميه بالميه يا طالبة

الدراسة مالها سن معين دامها عندها طموح و طاقة مافي شي يوقف قدامها بإذن الله

ربي يوفق أختك و يسهل و ييسر عليها دراستها امين

أنقر للتوسيع...

ruwaishdawya قال:

ما اعتقد في مشكله ابد ابس خليها تروح لمبنى التعليم التطبيقي في العديليه قسم القبول والتسجيل مبنى 3 اذا ماني غلطانه خل تسال واحد اسمه المطاوعه تروح له في مكتبه وتستفسر احسن وتاخذ اوراق مالت التسجيل اللي فيها الرغبات وتقدم واول ما ينزل الاعلان اظن بعد ما تطلع نتايج الثانويه تقدم وان شاء الله راح يقبلونها لان التطبيقي يقبل كل اللي متقدمين وانا نفس اختج تزوجت وجبت العيال وما قدرت اكمل الابعد سنين بس الحمد الله لان نسبتي مو اقل من 80 قبلوني بسرعه يعني ما عدت رابعه مع ان شهادتي قديمه والحين تخرجت وتعينت مدرسه من شهرين حتى بالتعيين ما تتاخر اذا تخرجت كورس اول تتعين كورس ثاني بالتوفيق لها وللجميع

أنقر للتوسيع...