فستان ترتر ناعم على قناة مسايا 2012 دشووو يابنات

ووووووووووووووووووي لا تبكيني
توني الاسبوع الي راح اشتريت لي فستان ترتر سترش لونه ذهبي نحاسي وانا ترى عمري 27 وبنت
طلع جناااان
لكن يدي كله تجرحت وتقطعت من الترتر
وااي قهر ابغا البسه حق عرس اخوي
هذي اول مره البس في حياتي شي في ترتر
ودريت ان اذا الوحده بتلبسه لازم يكون عليها اكمام طويله
والله اني اطالع الفنانات وقول ي القصاصات تسون ان اموركم زينه وانتوا تتالمون وراسمين الابتسامه على وجيهكم
شوفي هيفاء وهبي
كيف حاميه يدينها

وانا على فكره قصه فستاني قصه الحورية

هههه ضحكتيني
لا هو من الداخل مبطن
بس الترتر الي من برع هو الي قطعني
واصلا ناويه اشتريلي مشد سلم اند لفت وهو بيقوم بدور الحمايه الداخليه

وانا اكمامي نفس نجوى في هالصوره

اقول نور
لو نويتي تشترينه قوليلي اي تسريحه ناويه تسوينها
لان حاطه في بالي تسريحتين ومحتاره فيهم
فاذا اشتريتيه
خلينا نتشوار فاللوك البيرفكت هع

نتشاور *

تعلمي من اليوتوب شرح بالهبل

ظبيه ونور خاطري اشوف فساتينكم لان احب الترتر ومحتارة فية انا كمان زواج اخوي وعندي زواج خالتي وانتوا شجعتوني حتى لو ع الخاص ربي يسعدكم

ع حسب الجسم يكون يجننن
وانا ابغى اشوفه لو ع الخاص

انا نفس حالتكم محتاره كنت حاطه ببالي ترتر طافي لونه موف وحست بالسوق مالقيت الا غوامق وكنت حاطه ببالي كم طويل بس خواتي حطموني وقالوا افضل قصير وبعضهم قالوا لاتفصلينه اذا عرس اختج ماراح يكون فيه موديل ...رايكم بنات مابقى على عرس اختي شئ

صخب اليوم بنت عمو خذت قماش ترتر لون برتقالي وخذت معاه سترتش لون اوف وايت راح يكون من قدام ومن الخلف سترتش ومن الجنب الترتر مو يقص الترتر مستقيم لا يكون مثل المموج والاكمام قصير ترتر ومن ورى الرقبة ٧ومن قدام مرتفع كانه قصة الدمعه معاي صورته اوضح من الشرح بس للاسف مااعرف انزلها طالع جوناااان وناعم لزواج خالتو ) وعندك كمان قماش نثر السكر رووووعه انا بافصلة ان شاء الله

والله يا بنات م عندي اي مانع
بس انا جديده فالمنتدى ومب مسموح لي اكتب فالخاص الا بعد م توصل ردودي لقدر معين

وثانيا كنت بحط لكم الصوره هنا
بس لان شكله ما بيطلع حلو لان لازم يكون مجسم
وهذا م غير التصوير كثير غير من لون الفستان
وطلعه بايخ
بس بحط لكم صور توصف الفستان

اولا قصه فستاني نفس هذي بس فتحه الصدر غير لان اصلا مستره مب ستربليس
قصه النحر عندي جايه على شكل سبعه متوووسع و من ورى بعد

وثانيا اللون نحاسي مثل هاللون

بس لما البسه يفتح ويصير ضارب عالذهبي >> حشا سحر بس رهيببب طلع لون بشرتي وستغرب من اللي يلبسون فساتين ترتر ملون مب حلو ابصراحه الترتر كفساتين سهره بس حلو: الذهبي/ نحاسي والاسود والفضي
ونوع الترتر نفس هذا


والاكمام نفس هالصوره حتى فيها فصوص كبيره نفس نجوى بس بشكال مختلفه شي دمعه كبيره وصغيره وشي دائري وشي بيضاوي بس كبااار نفس حق نجوى


وصدق هالفتره موضه الفساتين الترتر ونثر السكر واي شي قلتري
وترى قصه السمكه/ الحوريه
م تناسب المعصقلات ولا المليانااات كثيررر
انا جسمي وسط / عادي

لا بيطلعع حححلو عليك
طآيحين فيه وصح يآگل عندي گيذآ فسستآن آكل يديني ههههههه