العطلة قربت شنو اهدافكم بالعطلة ؟

يهبل موضوعج :**
ويارب تتحقق كل اهدافج و اهداف البنات

العطلة الياية ان شاء الله بتكون عطلة مميزة بإذن الله لاني راح أكون خريجة , و راح ادش أولى جامعة ان شاء الله علشان جذي وااااااايد أشياء راح تتغير بحياتي وماني عارفة ساسي من راسي .. و متوترة بس ان شاء الله هاذي أهدافي الأولية مادري شنو بيصير بعدين ان شاء الله .. والله يكتبلنا اللي فيه الخير .. ويحقق كل أحلامنا

1- الأهم وسبب التوتر اهو اختيار التخصص والجامعة .. الله يستر ادعيلي =(
2- يكون عندي شغل تطوعي بمكان مثل دار الأيتام
3- أبي أصير ممتازة باللغة الإنجليزية ( راح أدش دورات ان شاء الله ) واتعلم بروحي عن طريق الكتب والنت شوية فرنسي ..
4- أغير غرفتي
5- جدول يديد لعلاقتي بربي راح اضيف قيام الليل وصلاة الضحى وصيام الأيام البيض و واايد اشياء لهتني عنها الدراسة
6- نيو لوك
7- أطور اشياء واااااايد بشخصيتي
8- أجرب اشياء يديدة ومختلفة عن اللي كنت اختارها من قبل .. حتى أبسط الاشياء مثلا باسكن روبنز دايم اخذ كريم كراميل هالمرة اخذ شي ثاني .. علشان شوي شوي ويتغير الروتين كله و اوسع دائرة اختياراتي و ما احدد نفسي بدائرة معينة
9- احفظ القرآن والله يقدرني على حفظه كامل
10- أطور كتاباتي و أطلع على كتابات علشان اقدر أطور نفسي ..

لي هني وهاذي اهدافي مادري شنو يصير ان شاء الله :*** مشكورة ياقلبي خليتينا نفضفض شوي​