تشيز كيك البلوبيري من ايديني مميز نفس الجاهز واحلى

السلام عليكم ورحمه الله وبركاته

شلونكم حبيباتي
جبت لكم تشيز كيك سويته مرتين كلمه روعه بحقه شويه كل من ذاقه طلب طريقته ومااحد مصدق اني انا مسويته !!! نفس التشيز كيك الجاهز واللي عند الكوفيهات

اخذت هالوصفه من منتدانا الغالي وهذا الرابط

http://www.q8yat.com/t675292.html

المقادير ماكانت واضحه طبقتها بمقاديري وحبيت انقلها لكم بتصرف وبشكل جديد
(( ارجو من المشرفات انهم ماينقلون الموضوع تعبت بالتصوير ))

اول شي المقادير :



علبه بسكوت دايجستف العاديه
اصبع زبده طريه
4 حبات جبن فيلادلفيا
4 كريمه حامضه
كوب ونص سكر
3 بيضات
رشه فانيلا
ربع كوب طحين

الطريقه

تفرك الزبده مع البسكوت الدايجستف عدل ونحرص ان كل البسكرت انفرك مع الزبده عدل بس ماتكون الزبده واجد ويصير البسكوت مثل العجينه لا يصير البسكوت مبثوث بس لونه صار غامج
نضغط البسكوت بصينيه اللي تنفتح قاعتها نضغطه عدل ونحطه بالثلاجه لين نخلط باقي المقادير

*
نحط اربع حبات جبن فيلادلفيا ونخلطهم بالخلاط لين تنعم الجبنه وتصير مثل الكريمه


الجبن بعد ماانخلط

نضيف السكر شوي شوي على دفعات ونستمر بالخلط
نضيف البيض بالتدريج وحده وحده لين تنخلط كل وحده عدل
نضيف شويه فانيلا
نضيف الكريمه الحامضه وحدددددده بسسسسس ونشيل ثلاث حبات كريمه حامضه على صوب
ونستمر بالخلط
نضيف الطحين بالتدريج ونستمر نخلط





يتبع لاااااااااااحد يرد

هذي خلطه التشيز بعد مااخلصنا منها



الحين نطلع الصينيه اللي فيها طبقه البسكوت من الثلاجه ونصب فوقها الخلطه



ندخلها الفرن ويكون الفرن حاااار نخليها عشر دقايق بعد ماندخلها الفرن على نار عاليه
بعدين نقصر عالفرن ونخليه على نار هاديه
تحتاج تقريبا ٤٠ دقيقه

واثناء التشيز كيك بالفرن نخلط هالخلطه السحريه

٣ كريمه حامضه مع نص كوب سكر بالخلاط لين تنفش

*

هذي التشيز كيك بعد ماخلصت وجمبها الكريمه الحامضه



نحط الكريمه الحامضه فوق التشيز كيك بخفه ونساويها من فوق عدل



نرد ندخلها الفرن مده ربع ساعه بعد
وطبقه الكريمه الحامضه ماراح تصك عدل بالعكس راح تذوب بس ماعليه نطلعها من الفرن
وهذا شكلها



ندخلها الثلاجه بعد ماتبرد
تقريبا ٦ ساعات او اكثر يكون احسن

نطلعها قبل التقديم ونزينها بالپاي فيلينغ انا زينتها بابلوبيري
وانتي حره اي نوع تختارين

وهذا شكلها النهائي








ملاحظه
الافضل تطلعينها من الثلاجه قبل التقديم بنص ساعه على الاقل عشان تقدين تقطعينها عدل وماتكون طبقه البسكوت اللي تحت صلبه


ماااحلل اي وحده تنقل الصور لمنتدى ثاني
والله عليها شهيد

وعليكم بالعافيه

ام الحلوين

شكرا طبقيها وورينها ابداعاتك

اللي رديتوا يعطيكم العافيه

وينكم حبيباتي الباقي مااعجبكم !!!!!!!!!

أحلى همبه كويتية قال:

حبيبتي
انتي مضاعفة المقادير صح ؟؟

أنقر للتوسيع...

لا ياحياتي مومضاعفتهم نفس المقادير اللي بالصوره
القالب اللي سويت فيه مو كبير وسط

اللي رديتواااا مشكورين والله يعافيكم

طبقوها وقولوا لنا رايكم

العفوووووو

تسلمين

الله يسلمكم
اسعدتني ردودكم 