<<تجمع مشتركات نادي سكاي البيرق>>

بنات جربو حصة جوي مالت العصاية عجيبة

توني مكلمتهم الاشتراك 55 دينار بالشهر من غير حمام سباحه
ويفتح من الساعه 9 الصبح الي 10 بالليل ما عدا الجمعه يفتح الساعه 12
بروح اشوفه يمكن اشترك

السلام عليكم شلونكم

باركولي اشتركت بنادي نادي سكاى البيرق

بسراحه يهبل وحلووو ولبنات اروووع ماشاء الله

بنسبة للمدربه جوي تهبل ماشاء الله تشتغل بضمير وكل وحده وشطارتهاااا

الله يوفقكم جميعا ودعولنا نوصل للوزن المثالى الى نحلم فيه

بنات شجعوناااا

ترا ذابحنا الكسل

السلام عليكم

اليوم رحت لنادي والمدربه جويا هلكتنا برياضه ماشاء الله عليها

وبكره رياضتنا بالعصا

بنات شرايكم بالغزال الطائر اوربت تراك

صج يضعف قريت انه ينسق الجسم ويضعف

رياضة العصا تطلع خصر حتي حق الي جسمها سيده

والغزال الطائر معروف محد عدل قخوذي وساقي غيره

وبنات كثر ماتقدرون رقصو

وسوو الرياضة مالت المؤخره عشان تنط وتشد

ومارلي بحصتها ساعات تسويها

احضر عند مارلي اكثر شي وجوي ساعات الصبح

بس انا اكثر اعتمادي على الاجهزه ماشالله وايد ضعفت

انا مو مشتركه
رحتله مره بروحي ومره مع اختي
صحيح فيه حمام سباحه بس صغير وكتمه وريحه
ومكان النادي ضيج عشان جذي يزدحم
والمصييييبه اللي تكلمت عنها الف مره ومايهمكم الا الجسم
ومافكرتوا بالنقال اللي كل وحده معاها
اقسم بالله. اقسم بالله دخلت وعلي نقابي وقمت افتر بالنادي ومحد سألني
يابنات ديربالكم. من التصوييييييييييير
والمفروض اللي تدخل عشان اتشوف الوضع لازم اتقط نقابها
الله يستر عليكم
وفيه نادي بالفحيحيل اول مادخلته يفتشوني
وياخذون النقال وما ادخل الا قاطه النقاب
نادي اسلامي
بس ماعندهم كلاس للرقص الشرقي والزومبا
بس المكان كبييييييير وحمام السباحه بعد كبيير
وياليت المشتركات يقول سالفة النقال. حرااااام
احنا بالعرس مانسمح. واشعاد النادي اللي كله تفصخ! !!!!!

السلام عليكم

شاونكم طيبين ان شاء الله

اختي جنتي نوف والله كلامج عاى العين وراس

الحين ماكو امان ولعياذ بالله وديرو بالكم

بنسبه لنادي سكاى في صندق للاقتراحات وشكاو بكره ان شاء الله بحط بصندوق

وان شاء الله مايقصرون

لا تبلعين شفايدة النادي عيل يبيلج زف

واذا عندج ظروف سوي نفسي انا ساعات ولدي اسم الله عليه يمرض فما اروح احاتيه شسويت الله يسلمج رحت شريتلي دامبل والغزال الطائر وجهاز البطن اقعد يم وليدي واسوي رياضتي ولا ساعات ارقص بعد

الله يسهل عليج حبيبتي