- إنضم
- 29 أكتوبر 2007
- المشاركات
- 2,242
- مستوى التفاعل
- 3
- النقاط
- 0
بسم الله الرحمن الرحيم
إن شاء الله شرحي يكون واضح وبسيط ,,
حاولت أشرح بالتفصيل عشان الكل يفهمه بشكل أسرع ,,
وإن شاء الله شرحي راح يكون ابرنامج الواتس اب اللي بالآيفون ,,
وإذا تبون تنشرونه .. عادي .. عشان الكل يستفيد..
الواتس اب برنامج انتشر بشكل واسع وهذا اللي خلاه قوي و محبوب عند الكل .. كبار وصغار بعد ,,
الواتس اب نقدر ننزله على أجهزه وايد ومنها الايفون .. البلاك بيري .. نوكيا .. جلكسي .. وغيرهم
الواتس اب فيه ميزات وفيه عيوب مثل أي برنامج .. بس اللي سووه مو مهتمين بجوانب وايد..على انه مشهور بشكل كبير .
واهم هذي العيوب .. مافيه بن اللي اهو ارقام اواحرف يشكلها البرنامج نقدر نعطي البن للناس اللي نبي نتواصل معاهم بس من غير ما نعطيهم رقمنا ,,
اللي انا اشوفه .. الواتس اب صار قوي من انتشاره مو من ميزاته .. والناس ما تبي تروح لبرامج يديده و تتعود عليهم مثل ما تعودو على الواتس اب .. لاني اشوف في برامج ثانيه افضل منه بس مو منتشره مثل الواتس اب.
بس هم نرد ونقول الواتس اب يمعنا ومالنا غنى عنه ^_^
أهلنا..ربعنا..قروبات..وسوالف,,,
بسم الله
اللي قاعد يقرا موضوعي من الكمبيوتر او الايباد او غير الفون يفتح الواتس اب معاي ويتابع...
^_^
الـ واتس اب whatsapp
^Favorites^
المفضله .. تشوفونها تحت اول وحده ع اليسار .. فيها كل جهات اتصالج اللي عندهم واتس اب .. وتحت كل جهة اتصال الستاتس ( واهو عباره عن جمله يكتبها صاحب الاسم اللي موجوده تحته..وتطلع عندنا ) .
والخانه البيضا اللي فوق هذي خانة البحث عن اسم بالمفضله.
*Edit
تعديل .. موجوده فوق ع اليسار.. لما نختارها :
1.يطلع جدام الاسامي دائره حمرا و اذا اخترنا هالدائره راح تطلع كلمة
Delete .. واذا اخترنا هالكلمه راح تنحذف جهة الاتصال الموجوده بالمفضله بالواتس اب بس..يعني ماراح تنحذف من جهات الاتصال الاساسيه.
2. نقدر بعد نرتبهم يعني نخلي الاسم اللي نبيه أول شي وجذي.. هالطريقه تصير لما نختار المستطيلات الصغيره اللي تحت بعض وطالعه على جهة اليمين من الاسم .. نحط صبعنا عليهم ونحركه فوق او تحت واحنا ماسكينه وما نخليه الا اذا اخترنا ترتيبه.
بعد ما نسوي أي تغيير بالمفضله نختار كلمة Done فوق ع اليسار.
*علامة الزائد
اللي موجوده فوق ع اليمين..اذا اخترناها راح تطلع لنا جهات الاتصال الخاصه فينا كلها .. نقدر ندز حق اللي ماعندهم واتس اب عن الواتس اب عشان ينزلونه بأجهزتهم ونتواصل معاهم.
* pull down to *******
نسحب صوب خانة البحث ننزلها تحت .. راح تطلع لنا جملة
pull down to ******* يعني اسحب تحت للتحديث.. وهالطريقه راح تسوي رفريش حق كلشي..الستاتس, الاسماء راح ترجع اللي حذفناها.. نسحب لي تحت لما السهم يأشر لي فوق ونخليه .. راح يبدي يسوي تحديث حق المفضله.
*علامة السهم بالدائره اللي لونها ازرق
موجوده جدام الاسامي..اذا اخترناها راح تطلع لنا بيانات الاسم :
الاسم و يمه الصوره .. وطريقة وضع الصوره من جهات اتصالج الاساسيه يعني مو من الواتس اب ( نروح برا برنامج الواتس اب وندش هاتف وبعدين جهات الاتصال وبعدين تحرير فوق ع اليمين وبعدين في مربع ع اليسار مكتوب إضافة صوره .. نختاره ونختار الصوره ونختار تم فوق ع اليمين ) وبجذي راح تطلع الصوره بالواتس اب.. ونقدر مثلا نطلب الصوره من اللي عندنا بالواتس اب يعني كل وحده تعطينا صوره ونحطها لها.
.Message
هذي راح تدخلنا على صفحة محادثه مع صاحب الاسم.
.View All Media
ويطلع يمه عدد الصور والفيديو اللي فيه .. وهذولا اللي دزهم لج صاحب الاسم ودزيتيهم له.. نقدر ندخل عليهم ونشوفهم .. ونقدر من كلمة Edit فوق ع اليمين نحذفهم نحدد اللي نبي نحذفه وبعدين نختار سلة المهملات فوق ع اليسار.
.Mobile
الرقم .
.status
التعليق اللي يكتبه صاحب هالاسم.
.Email Chat History
هذا اذا نبي ندز المحادثه مع هالاسم بالايميل.
^Status^
اللي راح تكتبينه هني راح يشوفونه كل اللي عندهم واتس اب وعندهم رقمج.
*علامة الزائد
فوق ع اليمين .. هذي عشان نكتب ستاتس يديد وبعد ما نكتبه نختار
save .. وراح يطلع تحت اسمج عند الكل.
*your current status is
الستاتس اللي حاطته الحين..واذا اخترناه راح يدخلنا على الستاتس نفسه ونقدر نسويله تعديلات.. وبعدها نختار
save .
*select your new status
اختر استاتس يديد.. هذولا الستاتس اللي كنتي كاتبتهم قبل..وتقدرين تحطينهم مره ثانيه.. وفي ملوت الواتس اب الاساسيين بعد.
*clear status
هذي بآخر صفحة الستاتس .. اذا اخترناها راح تمسح كل الستاتس الموجود بالصفحه.
*Edit
تعديل..فوق ع اليسار..راح تدخلنا ع الستاتس كلهم و جدامهم دائره حمرا ع اليسار اذا بنحذف الستاتس وع اليمين مستطيلات حق ترتيب الستاتس.. اذا خلصنا نختار
Done فوق ع اليسار.
^contacts^
جهات الاتصال كلها اللي عندنا..الخانه البيضا حق البحث واللي فوقها رقمج.
واللي تحتهم ستاتس اهما اللي عندهم واتس اب.. واذا اخترنا اسم راح تطلعلنا بياناته مثل بيانات المفضله.. ونقدر ندز حق اللي ما عندهم واتس اب من هني لما ندش على بياناتهم و نختار Invite to get WhatsApp
^Chats^
المحادثات.. اللي صارت بينج وبينهم سوالف تلقينهم هني..و الخانه البيضا للبحث..
*Edit
تعديل..اذا بنحذف محادثه او نحذف كل المحادثات.
*علامة القلم
فوق ع اليمين..نختار اسم .. وراح يدخلنا معاه بصفحة محادثه.. نقدر نسولف هني معاه.
*Broadcast Message
تحت خانة البحث..هذي عشان ندز البرودكاست ( البرودكاست اهو عباره عن رسائل ندزها للي عندنا او يدزونها لنا .. مثل رسائل اخبار او رابط صوره او فيديو وغيرهم )..اذا دشينا عليها نختار اللي نبي ندزلهم البرودكاست بعدين نختار
Broadcast..او cancelإلغاء.
اذا اخترنا Broadcast راح يطلع لنا مربع ابيض فيه مؤشر..نضغط ع المؤشر فتره لما تطلع كلمة لصق نختارها وراح يسوي لصق حق البرودكاست اللي سويناله نسخ..أو نكتب اللي نبيه .. او نختار share Mediaاذا نبي نصور صوره او فيديو وندز Take Photo or Video..او ندز صوره وفيديو من البوم الصور بالايفون Choose Existing..او نسجل صوت Audio Note..او ندز بيانات جهة اتصال Share Contact..او موقعج بالخريطه Share Location.
نختار send إرسال أوcancelإلغاء.
New Group*
قروب جديد.. هذي موجوده تحت خانة البحث بالجات..اذا اخترناها راح يطلع لنا :
subject..اسم القروب
participants (10/0: المشاركون..اللي بتضيفينهم بالقروب..والرقم عدد اللي نقدر نضيفهم .. وعلامة الزائد تضيفين الاسم حق القروب.
اذا نبي نحذف اسم ..نختاره ونختار علامة اكس x اللي بالكيبورد.
بعدين نختار كلمة Done أو cancel إلغاء.
*خلونا ندش المحادثه و أشرحها
إذا كانت المحادثه آخرها ما تطلع الخيارات اللي فوق نطق على ساعة الايفون فوق عشان نوصل حق اول الصفحه بالمحادثه..فوق يطلع اسم جهة الاتصال اللي قاعد نسوي معاها هذي المحادثه .. وتحت الاسم اذا طالعه كلمة online يعني موجود بالواتس اب ..
واذا تاريخ و وقت يعني مو موجود واخر دخول له للواتس اب بهالتاريخ وهالوقت.
واذا طلعت كلمة typing يعني قاعد يكتب لج ألحين.
اذا كنا حاطين صوره لجهة الاتصال هذي راح تطلع يم الاسم.
بنفس المحادثه فوق :
info..بيانات هالشخص مثل ما شرحتها قبل.
Edit..اذا بنحذف البرودكاست او نسويله إعادة إرسال..نقدر نحدد اللي نبيهم من الدوائر اللي جبال البرودكاست وتحت كلمتين :
Forward..إعادة إرسال.
Delete..حذف.
وفوق Load Earlier Messages..هذي راح تظهر لنا البرودكاستات اللي قبل.
وفوق ع اليمين cancel إلغاء و ع اليسار Clear All حذف الكل.
نرد للمحادثه:
Call..اتصال عادي خارج الواتس اب على جهة الاتصال.
إذا نبي نكتب نختار الخانه اللي تحت .. ويمها ع اليمين كلمة send إرسال.. والسهم اللي على اليسار اذا اخترناه راح تطلع لنا هالخيارات :
Take Photo or Video..نصور صوره او فيديو وندزهم.
Choose Existing..ندز صوره من ألبوم الصور الخاص فينا.
Audio Note..تسجيل صوت..تسجلين صوتج او اي صوت تبينه وتدزينه.
Share Contact..تدزين جهة اتصال من جهات اتصالج.
Share Location..تدزين موقعج بخريطه..بدال لا تدلينهم تدزينها واهما يشوفونها وايينوج.
خلونا نروح حق الاعدادات قبل لا نشرح شغلات ثانيه بالمحادثه و محادثة القروب...
^Settings^
اعدادات الواتس اب ..
Help*
مساعده..عباره عن أسئله عن برنامج الواتس اب .. واذا اخترتي السؤال يفتح تحته الجواب.
About*
حول..عن اصدار (version) الواتس اب..اذا بنطلع منه نختار كلمة Done فوق ع اليمين.
Tell a Friend*
راح يطلع لنا خيارات :
Tell a Friend via E-Mail.
اخبار صديق عن طريق الايميل
Tell a Friend via sms.
اخبار صديق عن طريق رساله
وفي خيار لتويتر حق اللي فاتحينه.
^Chat settings^
اعدادات المحادثه :
Name*
الاسم..هذا النك اللي يطلع برا بشاشة الايفون لما تدزين برودكاست حق اللي عندج.. تكتبين النك وبعدين كلمة
save فوق ع اليمين.
Font size*
حجم الخط :
small..خط صغير.
Medium..خط متوسط.
Large..خط كبير.
Extra Large..خط كبير جدا.
Chat Wallpaper*
خلفيات المحادثه :
Wallpaper Library..مكتبة خلفيات الواتس اب.
Camera Roll..راح تطلع لنا كل الصور اللي بألبوم الصور الخاص فينا.
photo Library..راح تطلع الصور اللي بألبوم الصور بس مقسمين اذا احنا مقسمينهم.
Reset Wallpaper..استعادة الخلفيه..ترد الاعدادات الاساسيه لخلفية المحادثه.
Message Timestamp*
اذا فتحناه ع الازرق راح يطلع الوقت يم المسج اللي ندزه او نستقبله..اذا سكرناه ماراح يطلع الوقت.
Save in coming Media*
اذا فتحناها على الازرق راح تنحفظ الصور اللي يدزونهم لج بألبوم الصور تلقائياً بدون لا انتي تسويلهم حفظ.. واذا سكرتيه راح تحفظين اللي تبين.
Blocked*
بلوك..حظر..نقدر هني نسوي حظر حق الناس اللي عندنا ارقامهم وعندهم واتس اب مانبيهم يكلمونا ولا نكلمهم.
اذا نبي نسوي بلوك حق رقم غريب بالواتس اب..ندش المحادثه نفسها مع الرقم الغريب و نختار كلمةBlock.
والطريقه اللي بنفس مكان البلوك بالستنق..ندش عليه ونختار علامة الزائد وبعدين نختار اللي نبي نسويله بلوك وراح ينضاف بقائمة البلوك..واذا نبي نشيل البلوك عن احد نختار كلمة Edit فوق ع اليسار ونطق الدائره الحمرا اللي جدام الاسم اللي نبي نشيل عنه البلوك راح تطلع كلمة Delete بعدين نختار كلمة Done فوق ع اليسار..في طريقه ثانيه من المحادثه نفسها تطلع فوق كلمة unblock نختارها وراح ينشال الحظر.
*My Phone
يطلع هني رقمج.
Change My Number*
نغير الرقم.
Delete My Account*
حذف حسابج بالواتس اب مال هالرقم.
^Notifications^
الاشعارات :
New Message..تختارين النغمه اللي تبينها حق المسجات اليديده اللي توصلج..وفوق النغمات في كلمة No sound بدون صوت .. بعدها تختارين كلمة save فوق ع اليمين.
Alerts..هزاز..اذا فتحناها على الازرق راح يصير ايفونج هزاز مع نغمة المسجات اليديده ونقدر نختار الهزاز مع No sound.
Group Message..نغمة المسجات للقروب.
Alerts..هزاز حق نغمة مسجات القروب.
هذولا وانتي داخل برنامج الواتس اب :
In-App Vibrate..اذا تبين يصير هزاز اذا وصلج مسج.
In-App Sounds..اذا تبين صوت.
In-App Preview..هذا اذا تبين يطلعلج فوق وانتي بمحادثه عن محادثه ثانيه قاعدين يدزولج
بنفس الوقت.. واذا اخترتيه راح يدخلج عليها.
Show Preview..مسج خارجي بالشاشه الرئيسيه بالايفون لما تطلعين من الواتس اب.
Reset All Notifications..استعادة كل الاشعارات..يردهم حق وضعهم الاساسي.
^Network Status^
هني تطلع حالتج ..اذا متصله تطلع كلمة connected.
^System Status^
النظام..يطلع حساب الواتس اب بتويتر.
^Usage^
الاستعمال..يطلع هني معلومات عن استعمالاتج بالبرنامج من :
Messages sent..عدد المسجات اللي دزيتيهم.
Messages received..عدد المسجات اللي استلمتيها.
Media bytes sent..عدد الوسائط اللي دزيتيهم من صور وفيديو وصوت.
Media bytes received..عدد الوسائط اللي استلمتيهم.
Messages bytes sent..حجم المسجات اللي دازتهم.
Messages bytes received..حجم المسجات اللي استلمتيهم.
Total bytes sent..مجموع حجم كل اللي دزيناهم مسج وميديا.
Total bytes received..مجموع حجم كل اللي استلمناهم من مسج وميديا.
هني نعرف شكثر شايل البرنامج و اهو يأثر على بطئ البرنامج و يخليه مرات يعلق.
Reset Statistics.. إعادة تعيين الاحصائيات اللي فوق.. يعني يمسحهم كلهم ويرد يحسب مره ثانيه.. وتحته يطلع جم مره سوينا اعادة تعيين.
^Landscape Mode^
هذي حماية من الشركه مالت الواتس اب .. والافضل نخليه مفتوح ع الازرق.
^Email Chat History^
هذي نقدر نختار اللي نبيهم من عندنا وندز لهم محادثتنا معاهم بالايميل.
^Clear Chat History^
مسح المحادثه القديمه.
***
ألحين نرجع حق المحادثه من داخل..
^البرودكاست^
اذا وصلج تضغطين عليه فتره وراح تطلعلج ثلاث كلمات :
Copy..نسخ
Delete..حذف
Forward..اعادة ارسال وهني راح تدزين لشخص واحد.
اذا يتلج صوره راح تطلع يمها كلمة Download image تحميل الصوره.. واذا اخترتيها راح يبدا التحميل وبعدين تطلعلج كلمتين :
View..مشاهدة الصوره..ونقدر نطق ع الصوره نفسها وراح نشوفها.
Forward..اعادة ارسال الصوره.
اذا اخترنا View راح تطلع الصوره وفوق ع اليمين show All نشوف كل الصور والفيديو اللي بينا وبين هالشخص..وتحت ع اليمين سلة المهملات اذا بنحذفها..والسهم اللي تحت ع اليسار اذا اخترناه راح تطلع لنا خيارات :
Save Image..حفظ الصوره وهذا الاختيار يطلع اذا مسكرين الحفظ التلقائي.
Assign to Contact..احط الصوره حق جهة اتصال عندنا.
Use as Wallpaper..تحطينها خلفيه حق محادثات الواتس اب.
Forward via Email..اعادة ارسال بالايميل.
Forward via WhatsApp..اعادة ارسال حق اللي عندنا بالواتس اب.
اذا يالج فيديو..تسوينله دانلود بعدين بتطلع كلمتين :
play..يشتغل الفيديو.
Forward..اعادة ارسال الفيديو بالايميل او حق اللي عندج بالواتس اب.
اذا دشينا على قروب عندنا .. ودشينا Info فوق ع اليمين راح يطلع لنا :
الصوره .. ونقدر نغيرها..اذا اخترناها.
ويمها اسم القروب .. ونقدر نغيرها .
View All Media..الصور والفيديو اللي اندزو بالقروب.
Recent Locations..المواقع اللي اندزو بالقروب..مواقع الخريطه.
Custom Notifications..مواقع.
Mute..وهني نقدر نحدد الوقت اللي نبيه يصير القروب بدون صوت عشان ما ننزعج من المسجات .
وتحت يطلع اللي موجودين بالقروب.
Email Chat History..ارسال المحادثه بالايميل.
وتحت مكتوب اي تاريخ سوينا القروب ومنو اللي مسويه.
Delete and Exit Group..هني نحذف القروب ونطلع منه.
***
والحمدلله خلصنا ^_^.. صج تعبت ع الشرح ما بغيت إلا دعواتكم .. و يارب اكون فدتكم.
إن شاء الله شرحت كلشي بالضبط .. وأي سؤال أنا حاضره . :eh_s(7):
