اسم مي ؟

اهوا اسم حلو وخفيف
بس معنآه موحلو وانصدمت من المعنى
لآتعقدون البنت بس شكثر اعرف بنآت اسماءهم مي وعآدي عندهم

ما أدري بصراحه احسه مو حلو ومعناه بعد مو حلو. اشرايج بما انتي بتسمينها حلو اسم ريان ومعناه الباب الي يدخل منه الصائمون يوم القيامه. واسم فرقان حلو ومذكور بالقرأن وغريب ماسمعت احد امسميه

الناس اذواق و انا ما احب هالاسم
و معناه الخمر و بنت القرده
مممم مادري شلون

بالعكس حلوو هالاسم خفيف

الناس اذواق لكن هالاسم ماحبه ومعناه موحلو كلش

معناه مو بنت القرده معناه مؤخرة القرده
مو حلو دوري اسم ثاني

يويويو معاناه يفشل
غيري الاسم
دامها تبيج تختارين الاسم
اختاري اسم له معنى حلو


احنا نحطلج اسماء وانتي اختاري




ريف , دانه , رذاذ , شهد , روز , ساره ,
ديما , ريتاج , رنا . ارجوان , لندا , ميرا .
مها , عنود , هاجر , جوري , جود , مريم ,
لما , لينا , رند , رزن , غيداء , لين ,
لانا , هنوف , عهود , يارا , لولوه ,
هيا , شيخه , رغد , غاده , ربا ,


هذي اسماء توها طرت على بالي..

حاولي تغيرين الاسم
معنا مو حلو

غيري مو حلو

لا موحلو ومكرر حتي معناها موشي
اختاري مثلا
اسم[ صبـآ] حييييل حلوو وجديد مومكررومميز
وعندج اسم [ لـولـو ]تحسين فيه دلع حييل حلو
وهم عندج اسم [حنيــنٓ ] حيل حلو وتحسين فيه نغمه
وعندج بعد اسم. [رگـآز ] غريب ومعناه حسل حلو نوع من انواع الفضه والالماس الغالي

أوراد حلو


مي انثى القرد

مي قريت له اكثر من معنى وكلهم XX

انثى القرد

مؤخرة الغزال

الخادمه المملوكه



اختاري اسم ثاني احسسن :\

مو حلو كلش

وانا بعد ابي اسم بنت مميز مو مكرر وخفيف ساعدوني

مي

اسم حلو
وفكرت فيه لبنتي
بس هونت لما اشكثر رددو معناه ومعناه

بس حلو
ميونة المزيونة

تقوووول اسمي مي .... صعبه معانيه

:::::::::::::: وماضنتي تلقى لاسمي معاني

قلت اسمعي ياللي في .... عيونك التيه

:::::::::::::: وبمبسمك يضيع فكري وكياني

المي من الما .... شي عرفتيه

::::::::::::: والما حياة الشي عبر الزماني


يقول بعض أصحاب المعاجم العربية المتفرقة القديم منها والجديد أنّ معنى اسم (ميّ) -هكذا بالتشديد - القرد الصغير ، أو الغزال الصغير أو هو صفةٌ في عين الغزال ، أو الجارية الصغيرة ، أو هو اسم الأفعى في حال ارتقاءها غصن شجرة صغيرة !!

في معاجم أخرى وَرَدَ : ميّ اسم امرأة ويقال ميّة ومنه قول الشاعر:



يا دار ميّة بالعلياء فالسند *** أقوت فطال عليها سالف الأبدي .






اما ماقااله سيدي الامير في قصيدته

( لا هي سَرابٍ ولا مَيّ راعي الهوى تفنى وراها سنينه )

فهو يعني ( الماء ) ولايعني ( مي ً ) كاسم علم .
والقصد في الشرح انها ضبابية غير مرئية بوضوح
فهي كالسراب مرة و كالماء مرة اخرى ..


من الخطأ
ومن الجهل
ان نقوم بعرض المفردات ونحن نجهل المعاني اصلا ..


ومن الجهل ايضا ان نقوم بشرح كلمة بالفصحى بنقيضتها من العامية ..



وحتى نكون اهلا للتفسير والتوضيح فلا بد ان نكون مؤهلين بكفاااية حتى لانقع في الحرج او نزود الاخرين بعلم زااااائف .
اسم مي له معاني اسمى واارفع مما ذكرت الكتب العربية القديمة


والاسم حلو وخفيف وماله داعي يفشل ومادري شنو الحمدلله شنو اللي يفشل
وعلى فكره الشخص اهو اللي يحلي الاسم مو الاسم يحليه

مو حلو بالمرا