رجيمي الخاص ( نص كيلو باليوم )

السلام عليكم

راح احطلكم رجيمي الي اتبعته ونزلني نص كيلو باليوم وترا مو ماخذته من مكان بالصدفه اكتشفت انه ينزل كل يوم نص كيلو .. فحبيت افيدكم فيه

وطبعا المشي ساعه او نص ساعه باليوم والافضل مايكون سريع


وكل يووم اول ماقوم اشرب جاي اخضر على الريج وبعده بساعتين اتريق .. وبين الوجبات اشرب وايد ماي وجاي القرفه بالعسل او جاي الزنجبيل


اليوم الاول :

الريوق : برتقاله + خوخه
الغداء : كوب حليب ( او لبن او روب ) + 7 حبات تمر
العشاء : تبوله


اليوم الثاني :

الريوق : كوب حليب + 7 تمر
الغداء : سلطه كبيره
العشاء : عصير الجزر ( مطاره كبيره من عصير الجزر الطبيعي )

اليوم الثالث :

الريوق : كوب لبن +8 تمر
الغداء : كمية كبيرة من العنب + حبتين مشمش + فاكهه
العشاء : موزه

اليوم الرابع :

الريوق : اناناس + عنب
الغداء : كوب حليب + 7 تمر
العشاء : اناناس

اليوم الخامس :

الريوق : سلطه كبيره ( بس بدون جبن بدون خبز )
الغداء : كوب حليب + 7 تمر
العشاء : تفاحه + بعض المكسرات النيه

وبس لاتنسون تشربون كميات كبيرة من الماي لانه وايد يسد الشهيه وان شاء الله عجبكم رجيمي

مجبورة احبك قال:

وايد حلو
راح اجربه بعد اسبوعين
بس ماله اثار جانبيه يعني تساقط شعر او شحوب بالبشرة؟
و اذا حسيت اني يوعانه في شي معين لازم اكله؟

أنقر للتوسيع...

لا ماله اثار جانبيه واذا حسيتي انج يوعانه اكلي خس او شربي ماي ودايما شغلي وقتج

ترا احلى تمر مال القصيم صج لذيييذ حتى النواة مالته متينه

لوول اكيد جربته لاني مو ماخذته من مكان

الله يعافيكم

بنات جربوه وقولولي

أشبـاهـ المطـر قال:

السكـري قصدج
فعلاً اطعم شي والذ بس يخليج تاكلين ما تشبعج وحده :d
بصراحه رجيمج يصلح لوحده طبيعتها مو أكوله
احسه متعب وانا بصراحه اكوله بس بحاول اطبق

جزء منه يعطيج العافيه والله يوفقج ويمدج بالصحه والعافيه :eh_s(7):​

أنقر للتوسيع...

اي السكري لو بمتن امتن منه ولو بضعف اضعف عليه صج اينن وانا امي ماتحب التمر بس هذا تحبه

وترا انا بعد اكل وايد بس لما اشرب وايد ماي احس بثقل وماشتهي شي

مانسيته قال:

كله فواكه والفواكه فيها سكريآت ماتساعد ع نزول الوزن
والبرتقال يثبت الدهون بالجسم ؟
هذا الي سمعته وانشالله يفيدكم وتنزلون بصحة وعافيه

أنقر للتوسيع...

بالعكس اصلا البرتقال مثل الملين يمشي البطن وايد مفيد حق الرجيم والفواكه والمكسرات حق تساقط الشعر والدوخه وعوار الراس

مشكورة على مرورج