السلام عليكم ورحمة الله وبركاته
**الحمدلله الذي اطعمني هذا الطعام ورزقنيه من غير حول مني ولا قوة**
اشلونكم يا كويتيات يا غاليات..عساكم بخير وعافيه وراحة بال ..انتم ومن تحبوون..آمين
هالعيش الي راح تشوفونه..من اطباقي المفضله..طعمه مميز ونكهته حلوة.
وسهل..مايبيله شغل.
جربوه..عليكم بالعافيه مقدما..
وسهل..مايبيله شغل.
جربوه..عليكم بالعافيه مقدما..
نبتدي باسم الله.. سبحانه.
بجدر على النار نضيف حوالي ثلاث ملاعق اكل زيت..ونضيف بصلتين كبار مقصصين صغار
..واهم شي بالمكونات الي راح اذكرها عقب .انا نقصصها ناعم وصغيره حيل..نبي نكهتها بالعيش..مانبيها تبين معانا.
وعقب لا تشوقر وذبل البصل نضيف كميه زينه من الثوم والزنجبيل المدقوقين ناعم.
..واهم شي بالمكونات الي راح اذكرها عقب .انا نقصصها ناعم وصغيره حيل..نبي نكهتها بالعيش..مانبيها تبين معانا.
وعقب لا تشوقر وذبل البصل نضيف كميه زينه من الثوم والزنجبيل المدقوقين ناعم.
نحمس
ونضيف فليفله بارده مقصصه صغااار حييل..تعطي طعم مميز للعيش...ونستمر بالحمااس
..ونضيف حوالي طماطتين كبار مفرومين ناعم حيل واذا متوسط حجمهم حطي ثلاث..ونحمس..
ونضيف ملعقة اكل كركم..يعطي لون محبب للعيش.. لون ذهبي على اصفر+ نص ملعقة اكل فلفل اسود+ ملعقة اكل بهارات مشكله+ نص ملعقة اكل كزبره مطحونه+ ربع ملعقة اكل كمون مطحون+ نص ملعقة هيل مطحون+ حبة مكعب ماجي+ ملح وكميته حسب الرغبه..مع الاخذ بالاعتبار ان الماجي مالح.
ونضيف بطاط..تختارين البطاط الي حجمه يميل للصغر والمتوسط..وعقب ماتقشرينهم تضيفينهم
على الخلطه وتحمسين..ونضيف استكانة ماي على الحمسه
على الخلطه وتحمسين..ونضيف استكانة ماي على الحمسه
وعقب نضيف قطع الدجاج..وانا الدجاجه قطعتها لثمان قطع..
نحمس..نخلي الخلطه والبهارات تغلف الدجاجه وتتشربها..
نحمس..نخلي الخلطه والبهارات تغلف الدجاجه وتتشربها..
وتضيفين قلاص ماي..على الدجاج والخلطه وتستمرين بالتحريك..وطبعا على نار عاليه..
ونكون مجهزين ماي حار بجدر ثاني..نضيفه على جدر الدجاج..مع ثلاث حبات لومي اسود يابس
+ قوطي لبن المراعي الصغير..يعطي طعم عجيب للعيش..عن تجربه..نخلي الجدر يطبخ على نار عاليه.
+ قوطي لبن المراعي الصغير..يعطي طعم عجيب للعيش..عن تجربه..نخلي الجدر يطبخ على نار عاليه.
وبعد ساعه..نكت عيشنا على مروق الدجاج والخلطه..والعيش طبعا تكونين غاسلته عدل بالماي..ومنقعته لمدة ساعه بماي دافي لا حار ولا بارد.
واول عشر دقايق نعلي على النار..
وعقب تجيكين ..واذا شفتي وجه العيش تناشف من الماي..نقصر على الجوله حيييل..ونغمت وجه الجدر..بفوطه نظيفه او قطعة قماش ..او قصدير.
ونخليه لمدة عشرين دقيقه..وعقب تجيكين على العيش..اذا شفتيه جهز..انجبيه ..وعليكم بألف عااافيه..ان شاء الله
*وسويت لوجه العيش..حشو بسيط ولذيذ بنفس الوقت..
حوالي 6 ملاعق اكل زيت..نضيف عليهم بصل شرايح
ورشة فلفل اسود وملح..وتحركين بخفه كل فتره..وعلى نار متوسطه ..ليما يبتدي لون البصل يميل للبني ويتكرمل معاج ويجهز حشوج..
حوالي 6 ملاعق اكل زيت..نضيف عليهم بصل شرايح
ورشة فلفل اسود وملح..وتحركين بخفه كل فتره..وعلى نار متوسطه ..ليما يبتدي لون البصل يميل للبني ويتكرمل معاج ويجهز حشوج..
..هذا جدرنا نبي ننجب..والبصل على جنب
وتفضلواحبيبااتي..هني وعافيه
لو تكرمتوا عزيزاتي ..لحد يرد عالموضوع..بكمل الصور..
