قواعد الأمن و السلامة في بيتي ...(( دعوة للنقاش ))...

تسلمين علي الوضوع المهم

موضوعك حلو

انا تقريبا نفسك

بس انا مجنونه بزيادة لووول اخاف مووت ع الاطفال

ولو فى طفل لازم يكون قدام عيني 24 ساعه

ماا اتركه نهااااااائي

بنتي للحين عمرها سنتين ونص ..لوبغيت اخد شاور اما باخدها معاى او ابوها يكون موجود ويخلي باله عليها

اسلاك الكهربا كلها معملاها ممنوع الاقتراب ومخلياهم بعيدعنها

درج السكاكين اعلي شي ومعلمتها ان السكين واوه ومخوفاها منها

وقت الطبخ ممنوع تتدش المطبخ .. وبكل الاوقات ممنوع تقرب على البوتجاز

اممممممممممممم ايش كمان؟؟

الحمام ماتتدشه لحالها

ماتاخد شاور الا وانا مرقباها ..وحاطه بالبانيو قطعه مالت البانيو عشان لا تتزحلق

ولوتبي تلعب بالبانيو بخلي الماي قليل عشان اخاف بعيد الشر تتزحلق وتغرق ..الله يحفظها لى قولوا امين


الشبابيك ممنوع تكون مفتوحه وفى اطفال كتير بالبيت

ولو مفتوحه ممنوع يقربوا

وممنوع احط اى شي يقدر الطفل يطلع عليه ويوصل للشباك

ممنوع الكبريت والولاعه والشمع وكل مايمكن انه يسوي حريق


لووول كله ممنوع عقدت العيال

ممنوع الاقلام للاطفال الى سنهم صغير اخاف يضربوا بعض وتتدخل بعينهم

ممنوع يطلع الدرج لحاله .. خصوصا ببيت اهل رييلي ..كل اطفال العائله وقعوا من فوق الدرج

بالشارع او بالملاهي ممنوع تختفي عن عيني

ممنوع اى حد غريب يلمسها او يقرب عليها الا لو انا معاها

ممنوع اى احد يغير لها ملابسها غيري انا او ابوها عشان تتعود من الحين

ممنوع احد يشوفها وهي بالحمام حتي لو اطفال من عمرها

ممنوع تتطلع من الشاور قدام احد

برب اكلم امي وارجع لك

الصراحه موضوع حلوووووووووو ومفيد


مشكورة حبيبتي

كات لووول على سالفه بات مان

شوفي تفكير الاطفال

ابن جارتنا هو واخوة كان عندهم بالبيت فاصل بين الصالون والسفره كان من الزجاج

قام العيال شافوا فيلم ماادري فاندام والا منو .. بينط داخل الزجاج ويكسره

كانت امهم بالدوام والعيال لحالهم مع اختهم الكبيره

قام نطوا نفس الفيلم ههههههههههههه الله ستر اتعوروا طبعا بس كانت جروح بسيطه

شوفي انا ممنوع الشباك يكون مفتوح ..بس لو مثلا ابي افتحه واهوي البيت لازم يكون فى احد يراقب

وكمان الافلام الى الاولاد بيتفرجوا عليها بكون معاهم ..مثلا ولاد اختي او خالتي

بحاول افهمهم ان دة فيلم ومايصير نسوي نفسه

ابن اختي مره كان عايز يطير هههههههههه نط من مكان عالى لولا ستر ربنا وقع على رمل ورجله انكسرت

طبعا يومها انا بهدلت اختي لانها هي الغلطانه كان المفروض تنتبه عليه اكتر

ااى نسيت اقول لك كمان

واحدة صحبتي اول ما اتجوزت كان كل الطاولات عندها زجاج ... مع اول بيبي شالت كل الطاولات

واشتريت بدالهم من ايكيا طاولات جلد شكلهم فخم ومبطنين

عشان الاولاد لو وقعوا او انخبطوا ..مايكون فيه خطورة

ام سوسو عقدتي اليهااال لوووووووووووول الله يخلي لج سوسو

مشكوره

موضوع وااااااايد مفيد
يعطيج العافية حبوبة

موضوع قيم تسلم الايادي......
قواعد الامن والسلامه في بيتي
حطيت صيدليه صغيره وفي مكان مرتفع فيها كل الاسعافات الاوليه
من خافض حراره وبلاستر ومعقم الجروح وكريم العضلات والبندول وطبعا الادويه الشعبيه المره والخوا جوا ضروري
وزيت الزيتون والفكس
على جوالشتاء البارد ماستغنئ عنهم لاعراض البرد للصغار والكبار..................

الساعه 9 لازم نايمين عيالي ..
مانطلع مشوار حتى لو قريب لازم معاي جنطة غيارات احتياط والمناديل المرطبه ماستغنى عنهم بالطلعه بعد ماياكلون بالسياره ولافي مكان عام والمغاسل بعيده المناديل تسوي الواجب.....

الخدامه مستحيل تنومهم اذا انا موجوده حتى لو عندي ضيوف استأذن واحط لهم تسالي واشغل التلفزيون واقول اخذو راحتكم برقد عيالي وبعدها اكمل الجلسه معاهم.....

مع زوجي لازم يطمني اذا سافر بوصوله او سبب تأخره عن الموعد ,,, وعندي جدول لاوقات دوامه عساس انسق لعب ونوم العيال مايجي يبي يرتاح من تعب الدوام والعيال يبي يلعبون أكون منومتهم قبل أو طالعين مع الوالده الله يخليها لي ولا عند خالتي ربي يطول بعمرها......

مع خدامتي النظافه الشخصيه وممنوع الاظافر الطويله والحجاب ضروري
ومكالمات التلفون بنقالها بعد ماتخلص شغلها الا اذا مكالمه من برا..
وااغراض البيت الثمينه من اطقم الضيافه والاستقبال والاجهزه الكهربائيه تراعي باستعمالها لانه اي خطا منها متعمد اصلحه من حسابها وطبعا تخويف بس عشان تحرص على اغراض البيت
واذا طلعنا مشوار ماينقص من الاغراض اللي طلعنا فيها شي مو تنسى الحذا تكرمون والفوطه اذا طلعنا البحر او شي لا تكون حريصه وطبعا اساعدها ومطارات واغراض ادا طلعنا البر لاتكون معاها جنطه تحط اي شي خاص لنا,,,,,,
واهم شي عدم الاسراف في الاكل الطبخ على قدنا اذا كنت طالعه او شي هي تطبخ حنا 5 انفار تطبخ حق 10 لا اهم شي الاعتدال معودنها جذي .....
ولها حقوقها كامله من معامله حسنه وراتب كامل وهدايا بين فتره والثانيه وبالمناسبات مانساها


وبس ولي عوده لاتذكرت واسمحيلي عالاطاله......

موضوعج حده عجيب قواج الله
بالنسبة لي ولدي اسم الله عليه توه كمل 9 شهور وحوسة 24 ساعة بالدراية
- أول شي ماكو ولا واير طايح بالأرض يا معلقين بعيد عنه أو ميمعتهم بمنظم الوايرات من إيكيا ترا حده روعة ويفيد
- بعدين ماكو فازات زرع بالأرض كلهم انرفعوا علشان لا يكسرهم
- يبت قطع بلاستيك تنلزق على زوايا الطاولات والكومودينات بالبيت موجودين بإيكيا ومذركير بحيث ما يتعور الطفل لو طاح على زاوية الطاولة
- باب المطبخ ركبت له الثقل ما أعرف اسمه بالضبط بس فايدته يثقل الباب ويخليه يتسكر بروحه فبجذي كلش ولدي ما يقدر يبطل باب المطبخ
- الأدوية كانوا بدرج الشوفونيرة الأخير فشلتهم كلهم وحطيتهم بأعلى درج يالله يعمر 7 سنوات إن شاء الله ممكن يوصل له ههههههههههه
- طبعا طفاية الحريق موجودة بالمطبخ وبمكان سهل الوصول له وقت الأزمات لا قدر الله
- ماكو تحف ولا أباجورات عالطاولات علشان لا يتل أي شي عالأقل لما يكبر ويفهم
- دزيت عطوراتي لداخل التسريحة شوي يعني لو يمد إيده ما يقدر يمسك شي
- بلاكات الطوفه غطيتها بغطا بلاستيك خاص فيها واللي ما نستعمله لزقته بتيب بشكل ذرب
- طبعا بالنسبة لخدامتي اللي أعتبر وجودها مؤقت حاليا لين ما أولد بالسلامة وأمشيها علمتها على شغلات ممنوع تشب فحم بخور بغيابي وممنوع تطفيه آنا المسئولة عن هالشي
- وحطيت عزكم الله ببانيو الاستحمام الربلة النايلون الكبيرة اللي تحمي من الانزلاق بحمامي وحمام الخدامة
- حوض السمك عندي محطوط على طاولة وأهو أصلا حجمه صغير فحطيت جدامه طاولة علشان ولدي ما يحوشه
- إحنا طول الوقت نبطل ليت الأباجورة البعيدة عن ولدي فعلمت خدامتي ليتات الغرف والصالة ما تتبطل إلا وقت التنظيف
- الرسيفر شي ضروري دزيته لداخل الطاولة علشان ولدي ما يحوشه لأن لو تلاحظون أغلب الرسيفرات من نمسكها تفتر شوي
- وطبعا عيني آنا والخدامة على ولدي طول الوقت لدرجة مرات لو عندنا شغل أربط درايته وأخليه يحوس بمنطقة محدودة
- وركبت باب سحب يفصل الصالة عن حمام وغرفة الخدامة والمطبخ هذا بعد طول الوقت مسكر ما يتبطل إلا بالدشه والطلعة علشان ولدي لا يدش لهالمنطقة
- والستاير كلها نظام الرول علشان أقدر أتحكم بطول الستارة وأرفعها شوي عن إيد ولدي أحسها أمان أكثر من الستارة العادية لأنه ما يقدر يتلها
- وطبعا من يبدي يفهم إن شاء الله بعلمه مو أي شي يمد إيده عليه
سوري عالقرقه الزايدة بس هذا اللي أتذكره بالوقت الحالي يعني بيتي الحمد لله صج صاير ثكنه عسكرية ههههههههههه بس ميخالف فترة مؤقته إن شاء الله كل هالشي لسلامة ولدي
وسلامتكم

والله احنا بالبيت ماعندنه يهال بس اذا يو عيال اختي مانغير ولاشي لانهم متعلمين على النظام فيعرفون شنو اللي يسوونه وشنو اللي مايصير يسوونه

الله يجزاج ألف خير على الموضوع المفيد
قواج الله حبيبتي