تعبني وحرق دمي

السلام عليكم ورحمه الله وبركاته
بنات انا عندي مشكله مع زوجي واولها بدت صغيره والحين احس انها قاعده تكبر المشكله ولا قادره اسيطر عليها وابي مشورتكم اول انا اتكلم على زوجي انه حيل يغار وحيل عصبي لدرجه اني كنت مستفزه وبارده وهو يكسر و يصارخ وانا بارده المشكله يا بنات احس انه تغير صج انا كنت حيل اشتكي منه انه يلزق فيني حيل ويغار وصارت مشاكل بسبه اهله وبصراحه ما اجذب صار طويل لساني عليه حيل يعني كل ما اهله يسوون موقف اسفل بالدنيا كله وهو ياخذ حقي بس كم مره عايرته ادري غلط وادري انه كان يسكت بس بقولكم شغله زوجي حاله اهله الماديه وايد زينه بس زوجي ما كان جامعي ولا كان موظف قاعد جذي اول ما تعرفت عليه نفس هالشباب وعلى يدي لانه يحبني تغير وتوظف واعتمد على نفسه ودرس بره وخلص والحين ماستر يعني صار شي يشرف ومسك وظيفه محترمه حيل
والكل ما ينكر انه بسببي صار هالشي المشكله انه لما تغير كل شي فيه وحتى شكله واستايله حيل مهتمه فيه تخيلوا دلعته واااااااايد الحين صار العين عليه تخيلوا والله عمه يقوله تعال اخذ بنتي عادي حتى لو متزوج انا راضي والله يا بنات انا ما افتكيت من سالفه بنت خالته الي دق عليه وتحرش وقت ملجتنا والحين بنت عمه اقسم بالله زفيته مسخرتها اهي وابوها والله ابوها امها يشجعونها واهو تهاوش مع عمه قاله لا دق علي لا انت ولا بنتك وهذاك يقوله عادي بنت عمك وتسلم عليه ومسجات غرام طرش قاهرتني غير رقمه مافي فايده لما زفيت عمه يقولي عادي ولد اخوي ويزعل مني بس مرده لي ما ادري اشلون هذا جذي على فكره بنات هذا عمه من يدته يعني يدته متزوجه اثنين كانت يعني اخو ابوه من ام ثانيه المهم زوجي كله يحلف انه يحبني وما تهزه اي بنت ولو شنو بس بنات صارت تصرفاته غريبه يعني لما يطلع ادق عليه ميه مره ما يرد بعدين يقول مخلي تليفوني بالسياره البيت جنه فندق بالنسبه له طبعا بالليل يرد متأخر حيل 2 و 3 وقبل كان يرد الساعه 10 حده ولما اسأله يقول بالقهوه ومره حادث ومره ما ادري شنو والي يقهر اكثر كل ما اواجه واقوله ترا مضايقني وخلاص بخليك لاني ما استحمل ضغط الدم الي يصير فيني يقولي والله اتعدل والله احبج وما ادري شنو بنات خلاص بموت ماني عارفه شنو السالفه جد لما يكون جدامي كل شي يسويه واقدر عليه بس يطلع ما يرد علي حتى ما ادري سحر طبيعي ما ادري على فكره ترا اهو قالي انه متضايق مني لانه كنت اعايره كل كلمه والثانيه بس ممكن هذا يخليه يوخر عني مع العلم يعني الشي الوحيد الي ما تغير المعاشره لين الحين ما تغير فيها يعني يشتاق لي صج والله يا بنات افكر اطلق منه او اسوي شي علشان يعرف قيمتي تعبني وحرق دمي

مشكورين بنات كلكم على الرد بس انا عارفه اني غلطانه وسكتت بس ابي الحل الحين وتكفون يعني اذا انا غلطانه يوم رديت على عمه على فكره ترا عمه الي تهجم علي مو انا رحت ودقيت عليه انا دقيت على بنته لما شفت المسجات بتليفوني والي قالت من سوات عيال الاصل والله اني اصل وفصل عزاز القوم يفتخرون فيني المهم ما علينا الحين مو هذه مشكلتي انا مو بس انه تأخر يعني ليش تغير المفروض يقدر الي انا سويته له يا بنات ريلي اول ما تعدل مستواه بعد عني ما كنت لا احن ولا ازن بليز لا تخيلون وتسوون اضافات من عندكم انا قلت اني عايرته لما نسى وتكبر علي ذكرته انا شنو سويت له بعد ما تغير ياااااااااااااااااا بنااااااااااااااااات ترا لو اني ما احبه ما اتعب عليه واكبر اسمه في النهايه هو بو عيالي الي ترد علي الله يخليها تقرا الكلام كاااامل علشان تساعدني مو سطر وطوف سطر ولا فهمت شي

البارونــــه قال:

شوفي حبيبتي انا حاسه فيج
و انتي امبين انج حاره و ابسرعه تتنرفزين
شوفي اول شي لازم تتغيرين باسلوبج و طريقتج بالكلام
مو كل فرصه و الثانيه تتهاوشين لا
ارتقي رفعي نفسج لاتردين على احد
و اهم شي زوجج،، دامه زين معاج ليش اتسوين جذي معاه؟
ترا الرياجيل ماينسون عكسنا بالضبط
الحين لازم تسمعين لأي دكتور في تطوير الذات او كيفية التعامل مع الزوج ضروري ضروري
عشان اتلحقين على عمرج
و اذا تبين احط لج اسماء دكاتره ترا انا حاضره و بالخدمه
و الله يهدي سركم يارب

أنقر للتوسيع...

والله يا حياتي انتي الي فهمتيني عدل صج عاد انا حيل دمي حار وهو عارف هالشي قبل الزواج ترا احنا متزوجين على حب الله يرحم ذيك الايام انزين الحين بالضبط شنو اسوي معاه والله يا بنات اني على النيه ماشيه في هالدنيا صج عصبيه بس ما اعرف اسوي حركات قوليلي يا قلبي وين المحاضرات الي قلتي عليها بعدين اشلون ما ارد اذا احد دق عليج قالج راح اخذ ريلج منج واخليه يطلقج واخذه لبنتي والله بالحرف قالي جذي شنو اسوي انزين اشلون اتصرف

بنات انا ادري انه زوجي غلط معاي وانا رديت عليه بالغلط اكبر وصارت عناااااااد بس الحين اشلون ارده بس من دون ما انزل من كرامتي ادري تبون تقولون مافي كرامه بين المره وزوجها بس المقصد انه ما اعوده اني انا اراضيه واتنازل يعني بالضبط شنو اسوي؟؟؟ اشلون يعني اراجع افكاري وتصرفاتي اوكي لساني وامسكه وبعدين ؟؟؟؟