صج محتاجة مساعدتكم .......:)

مرحبا كويتيات شلونكم و شخباركم إن شاء الله بخير و مبارك عليكم الشهر مقدما الله يبلغنا وياكم هالشهر الفضيل (( آآآآمين )) بصراحة محتاجة مساعدتكم في موضوع يخص رقيجتي مسكينه من تزوجت ما ترقعت تقول أحس إني لما أدش شقتي مثل المذبوحه و كل ما تنام تتحلم إهيا و ريلها نفس الحلم تقريبا إن في في فار قاعد يدز السرير من مكانه و طلع التفسير إن في واحد حاسدكم و تصدقون عقب ما يابت ولدها كل يوم مناحة و بجي و ما تبي تطلع من بيت أهلها يعني أمها المسكينه تبجي يالله البنت ينكسر خاطرها و تروح شقتها إهيا الحين صارلها 7 أشهر طالعه من النفاس و تقول ما نمت مع ريلي إلا 4 مرات و كل مره اموووووووت من البجي المهم ريلها الطيب راح أهو معاها حق أحد المشايخ و قرا عليهم و طلع إن الريل ما فيه شي و العين حيل قوية بس على رفيجتي و تحتاج جم قراية و تصير بإذن الله زينه و لما عرف إن العين مو عليه قال ماراح نروح مره ثانية ( طلع مو خوش واحد ) و إهيا المسكينه حيل تعبانه أمها تقرا عليها بس تقول أنا ما عرف حق هالاشياء و قالولها غن في وحده تقرا في مسيد بالقادسية و أخذت رقمها بس طلع الرقم مفصوول الله يخليكم طالبتكم و أتمنى إنكم تساعدوني إذا تعرفون وحده ثقة تقرا تكون تخاف الله و تعرف حق هالسوالف تقولي و انا انتظر ردودكم و تفاعلكم

لاحول ولا قوة الابالله ...انصحج تخلينها تقرا البقره يوميا لان قرايتها على نفسها افضل او تشغلها بشقتها وتخليها على طول شغاله .والله يعافيها

في اشرطة رقية شرعية خليها تسمعها

راح ارسل لج موقع فيها رقية شرعية للشيخ عبد العزيز السدحان تحطه بالجوال وتسمعه
وربي يشافيها
ولاتترك اذكار الصباح والمساء

مشكورة أختي سنا و شذى على تفاعلكم معاي و مشكورة شذى على الموقع بصرااحه واايد مفيد

الله يعينها ، أم سارة آنا أقول بدال ما تروح حق وحدة تقرى عليها ،خليها تقرى إهيا على نفسها ، وعليها بصورة البقرة ، وخليها تقرى الإخلاص والمعوذات وتمسح على جسمها ، وإذا في بيتها صور خليها تشيلهم لأن الملائكة ما تدخل بيت في صورة ، وعليها بالدعاء ، وأسأل الله العظيم رب العرش العظيم أن يفرج لها كربتها