حبيبتي لازم اول شي تمسحين بشرتج بتونيك يفضل مرتين باليوم وهذا يعتبر تطهير لها يعني ازالة الشوائب والجراثيم والغبار والاشياء الصغيره اللي ماتشوفها العين المجرده وانا احب تونيك لانكستر اينن ويعطي نظاره وحيويه للويه مو طبيعيه
وانصحج بالغسول بعد اللي وياه اينن وبعدين حطي سيروم هذا علشان يعالج اي مشكله فبشرتج من بثور او جفاف او دهون او اي افراز تفرزه البشره يكون له نتيجه عكسيه عليج وهذا اللي يخلي بشراتنا شاحبه وتعبانه ومرهقه والسيرم مهم وانا استخدم سيرومهم بعد استيلودر
همن بعد الكريم المرطب والمعالج المكثف هذا بعد السيروم مباشره وفيه حمايه ضد اشعه الشمس اللي تضر وايد البشره وتسبب بقع داكنه وكلف ونمش وغيره من المشاكل اللي مانقدر نسيطر عليها عقب فوات الاوان وتكون صعب التخلص منها
فدرهم وقايه خير من قنطار علاج <<عرفتي شلون اهيى فاهمه وجذي من كثر روحات المستوصف وتشوف هالحجي لوول
المهم نرد لموضوعنا
وترى كل هذيلي تحطينهم قبل المكياج وايد حلوين اولا يعطونج نضاره اتينن ونعومه وحتن الكريم الاساس يصير لونه واحد ويخفي عيوب البشره ويساعد همن والاهم ان مايمتص ويهج اقصد بشرة الويه وايد حساسه والميكب كله كحول وكيماويات ومركبات البشره ماتتحملها جم ساعه وهذا اللي يضرنا واحنا ياغافليين لكم الله يعني وايد يفيد ان البشره ماتاكل وتتغذي من المكياج بالعكس الطبقه بتكون حمايه وبنفس الوقت علاج للبشره بالوقت اللي انتي كاشخه ومستانسه على بشرتج بالمكياج اتمنى تكون وضحت هذا برنامجي والحمدلله بشرتي وايد مرتاحه وحلوه برغم اني مااستغني عن المكياج اي وهالله هالله بالماسكات الطبيعيه يعني موز وعسل وهمن حليب وخيار على العيون يسحبون الهالات السوداء اللي تخلي البنت شكلها شاحب وتخفي انوثتها واهم شي العيون لان الارهاق يطلع فيهم اول شي والحليب ممتاز للبشره يعطيها طراوه ونعومه وااذا ماتحبين حطي روب ترى اينن على الويه وحطي وياه نص موزه وقفشه عسل بعد وايد ممتازيين بس الروب يحطونه اللي مسويين ليزر بس لانه يكثر الشعر هذي معلومه مهمه واتمنى اكون ماكثرت حجي عالفاضي واستفدتوا مني حبايبي وربي يسعدكم فبشراتكم يارب
