وجهي شااحب تعبان ايش اسوي؟

من جده ومكه

يا قلبي الله يعينج ،،، انا بعد بشرتي تعبانة ووجهي شاحب من فقر الدم وسوء التغذية وقلة النوم
كثري من الماء والسلطة ،،، ونامي كويس ،،، وبالنسبة لليزر انصحك فيه بس شوفي عيادة كويسة في السعودية ،،، انا سامعة عن مستشفى سعد زين وفي وحدة فاتحة عيادة في الدمام بس ما اعرف اسمها،، انشالله اكون فدتك يا بنت ديرتي

اسفة ما انتبهت انج من جدة ،،، اكيد بتلاقين عيادة ليزر
موفقة

الحمدلله انام كويس واتغدى ومافيافقردم مدري ايش السبب
يمكن من كثرالفتله اوعدم العنايه بالوجه ووجهي يشحب بالذات لمااكون مسافره يخرع ولالمااروح مشوارفي الشمس

حبيبتي كثري من المااااء والفواكه والخضار

ويوميا مرتين مرري قطعة ثلج على وجهج وغسلي بماء ورد وبرتقال

بيتغير ويهج حيل

وسوي تنظيف بشره

الله يعينك حبيبتي

انا وجهي تعبان لاني اسهررررر


ان شاء الله تلقين حل

طيب ايش استخدم كرريمات خلطات اشياء تنور وجهي
هل الفتله لهادور في البشرة؟

اب لعيونج ان شاء الله البنات يفيدونج

حيلج بعصير الجزر

للرفع

طبعا حبيبتي الفتله لها دور كبير والله بتلاحظين ويهج تغير من تبدبن تسوين ليزر. هذي اول خطوه لازم تسوينها هذا غير الراحه النفسيه والثقه اللي رح تحسين فيها ان ويهج مافيه شعر وهالشي رح ينعكس على بشرتج. وكثري من الماي والسوائل والترطيب بالكريم المناسب
وربي يوفقج

ان شاءالله اسوي ليزر بس اعرف فين في السعوديه
بس اتوقع اهلي يسولي اذاجاءالنصيب خخخ
لكن ممكن تعطوني مستحضرات حلوة تنور الوجه

كثري من عصير الطماط الطازج والخضرا الورقة بتشوفين وجهج احمر

طبعا مايحتاج اقولج البنات كفو وفو ان لازم تكثرين من المـــــأااااي وعصير البرتقال الطازج والفواكة ولا تسهرين ترا وربي السهر يدمر الجسم تدمير .. نامي عدل تقريبا 8 ساعات كافية لا تقلين ولا تزيدين ولا تجابلين الكمبيوتر واجد لان الشاشه تشفط السوائل من الوجه وانتي اكيد لاحظتي نفسج لمن تقومين من الكمبيوتر تحسين وجهج تعبان وانا لاحظت هالشي على نفسي وعلى كل اللي يقعدون عالكمبيوتر ...

واكو شغلة اليوم سويتها انصدممممت منها واللله اليوم شربت جاي أعشاب ( علاقة جاي زعتر من معجزة الشفاء وعلاقة جاي اخضر مخلوط بزنجبيل ودارسين من ابن سينا) عقب ماخلصت الكوب خذيت العلاقتين وطلعت اللي فيهم وفركت فيهم وجهي احسسسه صار حاااار طبعا من الزنجبيل والزعتر والدارسين وصار احمر خليته يمكن 10 دقايق وانا افرك فيه يوم غسلت ولا احس وجهي حييييل مشدود وانقباض ماقدر اوصفه لج جربوها بنات وبتدعون لي وحيييل صاافي ورب الكعبه يوم نزلت تحت سالت اختي جان تقولي مساماتج حيل صغرانه ؟!! وربي احسه حيل مشدود روحي جربي هالطريقة

وفي شغلة بعد حطي روب + هردة كل يوم حطي منها خليها تجف على وجهج وبعدين غسلي وعقبها حطي ماي ورد + ماي زهر

حطي غسول معقم انا استخدمه لمن امسح بالكلنكسه ( ولاحظي اكون توني طالعه من المسبح يعني نظيفة عدل) امسح بالكلنكسه وانتي بكرامه القى جلد ميت بني < وع لوعت جبدج ادري بس النتيجه راح تنسيج لوعه الجبد جربي وراح تدعين لي طبعا الغسول اسمه Teen Derma من Isispharma هذه صورته وتلاقينه بأي صيدلية عندكم

امم هذا اللي يخطر على بالي لكن صدقيني اذا انتي مهتمه بالخضرة والفواكهة ماراح تحتاجين هالغسولات لان امي وجدتي ماكانو يعرفون هالسوالف بس بشرتهم صافية وبيضاء ماشالله بس حنا اللي مخرب علينا أكلنا اللي مو صحي أتمنى أفدتج وبلغيني بالنتايج

رفع

حبيبتي لازم بالاول تسوين فحوصات دم

لاالحمدلله ماعندي فقردم
بس انامااكل فواكه ولااشرب عصيرات الاناادرا اتوقع له دور