بطاقتي المدنيه

السلام عليكم ورحمة الله وبركاته





انا بصراحه منزمان ادش المنتدى واقره مواضيعه وايد حبيته والحين اول مره سجلت بالمنتدى وشاركت فيه


بنات انا عطيت رقمي المدني حق وحده اعرفها مو رفيجتي وايد بس وحده معاي اعرفها دقت علي قالتلي بطلعلج شغله من النت ضروري بس عطيني رقم بطاقتج المدنيه
انا انصدمت يعني بصراحه شكو اعطي رقمي بطاقتي المدنيه حق اي وحده ما اعرفها عدل صج اني اقعد اسوف معاها ونسولف عن نفسنا بس مو لدرجة ادخلها بخصوصياتي جذي والمشكله هالموقه انا اعرفه قلتلها خلاص انا ادش شان تقولي اشفيج عطيني رقمج خل اشوفلج الحين وهالموقع طبعا يطلع بياناتي اسمي الكامل وكل شي عني وانا عطيتها ودشت والحين متحسفه وخايفه بصراحه يعني هذا رقم بطاقتي مو لعب واسمي وهالزمن يخرع
وانا بعد وسواسيه
اشرايكم بنات يعني تقدر تسوي اي شي يضرني برقم بطاقتي واسمي ولا شنو ريحوني بلي زانا وسواسيه وهالبنيه ما اعرفها عدل مو واثقه فيها بليييييييييز ريحوني قوليلي شي ؟؟؟؟

ومشكورين

حبيبتي عادي لا تحاتين يعني شنو تقدر تسوي
بس اطلع بياناتجج بس الي اعرفه ان لو دخلتي رقم بطاقتج مثلا بالمرور لازم بعد لوحة سيارتج

وغير جذي بعد وين اممممممممم


والله ما ادري بس انا اقولج لا عادي كا رفيجتي تعرف رقم بطاقتي من وراي طبعا وتسوي برنتات وخلي تبي تسوي الي تسويه بلعنه ماهمتني

وادري ان مره مزوره شهادة راتب بعد بس والله صوبي ماتقدر وين قاعدين وانا مرات اشيك ع سالفة الكفالات وجذي لان ماتقدر دام الاصليه مو عندها يعني شنو تقدر تسوي بالرقم بياناج

خل اطلع وشنو يعني

عااااااااااااااااااااادي واثق الخطا يمشي ملكا


وقولي حق امج من باب الاحتياط عادي ي قلبي لا تحاتين ولاشي

لا باذن الله ما تقدر تعوذى من الشيطان الرجيم وقولى اللهم انى استودعك رقمى واسمى اللذى لا تضيع ودائعه
وقولى اللهم اكفنى فلانه بما شئت وصلى ركعتين ان الله يجعل مخاوفك مو محلها ويسخرها لك
الله ييسر الامر حبيبتى بس لا تكررينها اختى الغاليه استودعك الله اختى

شنو هذا الموقع اللي يطلع البيانات ......ابيه لو حتى بالخاص
و لا تحاتين .. ان شاء الله ما يصير الا كل خير

لا ارتاااااااحى ما تقدر تسوى شى لازم حضورج وبعدين اساليهااا شنو الموقع هذااا؟ شوفية انتى

اي والله صج شنو هالموقع؟؟ ههههههههههههههههه


حبيبتي اذا راده ع ارقام البطاقة المدنيه تراااا منثووووووورة بكل مكااان الهب والدب ممكن يطلعها سهالة..مثلا الوزارات الحكوميه وهالسوالف الي عسى ما طلع قرار باسم شخص او معامله الا وتلقين رقمة المدني تحت اسمه..يعني لو منو يبيه يحصله .. بس محد يقدر يسوووي شي اهو الي يغث بس انه موضووع لقااافه ممكن يشوفون شكثر عليج مخالفات كفالات ..الخ..لا والي الحين صاير ممكن بظغطة زر على الانترنت يعرفون اذا انتي رافعه قضيه او مرفووع ضدج .........يعني ما يفيدهم رقمج المدني بس يقدرون يتلقفون على معلوماتج الشخصيه

لا ماتقدر تسوى شى لا تخافين .

والله مادري
بس ديري بالج اختي مو كل واحد يطلب اي شي عطيتيه لو شنو
الدنيا تخرع

شنو هالموقع
دزولي اياه الي يعرفه حتى لو بالخاص بليز

حدج وسواسيه تعوذي من الشيطان موصاير الا كل خير ان شاء الله وقفت على البطاقه المدنيه؟؟؟؟؟؟؟

لاتحاتين ماتقدر تسوي شي

انشالله ماكو شي

هاااااااي


حبيبتي عني انا احسها غلط يعني شكو تطلع بياناتي شتبي فيها


وبعدين الغاليه ترى تقدر تقول انها انتي وتطلع بطاقه نفس بطاقتج وتسوي كفالات حق ناس واااايد

يعني اذا سويت اي شي او يالج بلاغ من المخفر علشان كفاله ولا شي

يعني والله ما تسوى عليج

وبعدين شنو هذا الموقع بالضبط ؟؟؟

لا تخافين ماتقدر تسوي شي وديربالج تعدينها

بنات الموقع هذا موقع ديوان الخدمه المدنيه قالتلي خل ادش واشوفلج يمكن طلع اسمج منزلين اسامي يديده
وانا قلتلها خلاص انا ادش شان تقولي اشفيج انا بدش الحين وانا استحيت اردها او احسسها اني مو واثقه فيها

ومشكورين على المشاركه ريحتوني
وادري غلط المفروض ما اعطي اي احد شي يخصني

...................................................................