خدامه نيباليه ؟؟

مرحبا بنات شلونكم



شراايكم بالخدم النينـال من ناحيه التنظيف والترتيب ورعايه الاطفال اللي جربتهم تقولنا تجربتها وبجم خذتهم ؟؟ وجم معااشها ؟؟ أنا عن نفسي سمعت انهم غبياات حييل وماايفهمون بسرعه يعني فييهم تتنح انتو شرايكم ؟؟؟

و الله وحشني المنتدى و وحشتني المشاركات
يا جماعة الوحدة من غير خدامة الله يعينها ما يمدي
ما يمدي :krkrkr:
المهم عالسريع اقولك من واقع تجربتي
خدامتي القديمة تعبتني حيل بالتعلوم:eh_s(14): و اللغة احس صعبة عليهم مو نفس الهنود بس بعد 6 شهور صارت تمام سرعة و ترتيب و نظافة
بس انا اقولك لازام مراقبة و تكونين حريصة عشان تعلم و هم ما تكسل
بصراحة كنت مرتاحة منها بس انا
و الحين توني استلمت وحدة من يومين و عندي حالة استنفار سوي جذي و حطي جذي انا اقولك خيتها صغيرة حيل بس شكلها تفهم و الله و تسوي اللي اقولها عليه و الله يهديهم و يعينا و الواحد يتق الله فيهم و الله المستعان

تسلمييين يا ام يوسف ع الرد وماقصرتي .. يلا بنااات وين مشااركااتكم ؟؟؟ ننطركم

انا عندى نيبالية فيها نسبة قليلة من الغباء والبرود بس حنونة على عيالى و تعبت فى تعليمها اول ما جت وترى الخدم يبيلهم مراقبة

والله الصراحه عند اهلي وحده وربي نظافه وترتيب وسريعه وشغلها ماشالله عليه بس صج ترى كل شي لازم تعلمينها بالاول وبعدين اتركيها اهي تقوم بشغلها طبعا لازم تكونين طيبه معاها علشان تكون مطيعه لج

بس شنو دينهم سالي قبل لا تطلبين لانهم مو مسلمين ما دري شنو ديانتهم
علشان جذي ما عليهم اقبال

مو شي محد مدحهم,,,,اسالي عنهم

والله عند امي صارلها 3 سنين اول ما وصلت كانت صغييييييييييييره عمرها 21 و حدها خام ما تعرف شي الحين تتكلم احسن من اهل البيت وتطبخ وتشيل وذكييييييييييييييييييه فوق هذا هاديه مالها صووووت .. واهي الي كانت تنفسناا لمنا نولد ومع عيالنا حيل زينه مسنعتنا لدرجه خواتي قامو يغرونها بالفلوس عشان تخدم عندهم بس قالت مابي برجع ديرتي لاهلي..وراحت احس النيباليات اهون من الاندنوسيات السحوورة ومن السيلانيات الي مقزره شغله بوصاخه ! ولا هالاثيوبيات يخرعون ويطلعون مفاصيخ وفوق هذا عصبيات !!

السلام عليكم
اختي ما انصحج النيبالية تجيس عيالج لانهم بوذيين .. جيبي مسيحية اهون
بس من ناحية النظيم هم صج يبيلهم وقت و يعلون القلب على ما يتعلمون بس اذا تعلمت خوش وحده هذا الي اشوفه بالبيوت الي حوالي مو في بيتي

لااااااااااااااااااااااااااااااااااااااااا

لااااااااااااااااااااااااااااااااااااااااااااااااا تكفين لاااااااااااااااااااااااااااااا ولاتفكرين

وصاخه انا يبت وحده شكلها نظيفه وطيبه طلعت العكس عزكم الله 24 ساعه ايدها بخشمها وتمش على ملابس ولدي اكثر من مره

واقول يمين تسوي يسار اناديها طاااااااف وكله منفسه وايدها ثقيله كسرت كل شي

وامي نفس الشي وحماتي 3 نفس الشي والسحر وكلي الله مااتصحج ولاتفكرين نصيحه مني لج

والله كانت عندي نيباليه جبتها ماتفهم شي وصج ايدها ثقيله بس علمتها عدل صارت تهبل نظيفه وسنعه واعتمد عليها وكانت حييييل زينه مع ولدي وحتى الطباخ علمتها.. واختي هم عندها وحده ونفس الشي..وراحت واحتمال تردلي بس جبت وحده وهم نيباليه صح مو نفس هذيج بس هم زينه.. انا من وجهة نظري الخدامه على المره بكل شي انتي اللي تعلمينها.. ولاحظة شغله بهالجنسيه انهم محترمات من ناحية الرجاجيل ويحبون العيال حيل..بس في منهم يجون من القرى الفقيره حيل اهم اللي يلوعون الجبد ووصخين..

انا صديقتي تمدحهم