ابي مطعم لبوفيه مقبلات صغير (معجنات - كبب )

حبايبي بسوي استقبال ولاده لما اطلع من الاربعين

ابي مطعم او مره يسوون بوفيه صغير بس معجنات وفطاير فنتق واشكالها حلوة.. مابي الفطاير العادية ..
مع جاي وقهوة والصحون الحلوة والمطاطير والدلال الكشخة والخدمه والطاولات .. وابي انا اختار الوان الصحون .

ابي شي سنع وامجربينه السنعين اللي مثلكم وايبيض الويه جدام الضيوف ..

في وحده اسمها ام طارق ولها اعلان بالوسيط .. امجربينها ؟؟

ياريت تقولون لي عل المطعم او المره اللي تسوي بوفيه شغل بيت مع الاسعار والرقم مرة وحده ما عليكم امر..

يلله همتكم :eh_s(9): :eh_s(9):

واكون شاكره لكم حبوبات

سامعه عن اماندا؟؟؟

عندها فطاير ملونه صغار يهبلون بس أعتقد بس تسوي فطاير وحلو بوفيه مادري والله

شوفي حبيبتي في محل بالسالميه صاحبته نبيله الكندي كل شي عندها ما تتعبين انا اشوف شغلها باستقبالات الولاده

محلها يم صالون الكرستال

انا طلبت مره من اسماء قبازرد شغلها غريب وراقي بس انتي تودين لها الصواني

مشكورين حبايبي عالردود الحلوة .. بس انا ودي ابمطعم اخذ منه كل شي

الاكل والصواني .. يعني بتاع كلله ..

ياريت باجي خواتنا يفيدوننا اكثر

عندج محل لوزان كويزين ورقمه 5628998 وعنده كل شيء

عندج الخباز يسوي خووش بوفيه استقبال وشغلهم حلوو

ارشحح الصافي شغلهم حلو وبوفيهم كامل مع الحلو والمعجنات والكبب والسيرفس والاماعين وكل شي
شغل مرتب وفناتك حلوه
مكانهم بالنزهه

ابيه لوزان كويزين اينن شغله وايد حلو.

أمبرس امس شايفته يهبل

مشكورين عالردود

ابشركم .. ولدت وسويت استقبالي .. وطلبت الاكل من:
مركز جونتيانا للعصائر- بلفروانية..

شغلهم رووووووووووووووعه وفطايرهم ومعجناتهم حلوة وشكلها عجيب وطعمها حلو
وكل من سأني عنهم
طلبت منهم المعجنات - حلو القهوة - العصاير - والقهوة والشاي العادي والزعتر
واماعينهم روعه مالت الاكل

بس عن جد ولله الحمد ..طلع شي ليبيض الويه جدام الضيوف

الحمدلله على السلامة
جم كلفج
وهل معاه فلبينيات للتقديم

حمدالله علي سلامتج ونفس سؤال فن؟

مبروك الافي ياساره ستايل ويتربى بعزج ممكن تعطيني رقم مركز جونتيانا ؟؟

سارونا
يالله جاوبي على اسئلتنا وينج
( *^* )

اي كان مع الاكل فلبينيات ..
انتي تطلبينهم طبعا .. الوحده اب10دك
ولبسهم امرتب ونفسهم حلوة ومحترمين حدهم
تخيلوا .. وحده منهم تكرمون كانت محصورة ومستحية تدخل حمام الضيوف..لأنه كان الوحيد اللي موجود قريب يم الصاله .. واللي قالتلي عنها خادمتنا .. ولما قلتها عادي دشي الحمام .. مسكينة ما صدقت واشكرتني ابكل ذوق وادب

انا طلبت منهم 3 فلبينيات .. ولبسهم بنطرون وجاكيت لونهم اسود وداخلهم قميص ابيض وورده حمرة على الرقبة .

تفاصيل طلبي :
2 ماعون فطاير ( اللي يكون اصغيرونو حق التقديم وفناتق يعني مو الفطاير المعتاده)
كل ماعون فيه ما يقارب 120 حبة
1 ماعون امصخن اصغار ( نقريبا 100 حبة)
1 ماعون ورق عنب بالزيت(ما انصحكم فيه لأنه ماكان حامض ذاك الزود وفيه تقريبا 100حبة)
2 ماعون حلو قهوة وكل ماعون فيه نوعين وكل نوع كيلو
(طلبت اول ماعون فيه حلو الهاف مون نفس مال امبرس وطعمه لذيذ-والماعون الثاني حلو كاكاو داخله بسكوت نفس امبرس وحلو كاكاو وداخله خدود بنات وسمسم بالسكر المحروق وكان طعمه غريب وحلو وااااايد)

وعطتني هدية مع الطلب : ( البودينج) اللي اهو قلاصات اصغار فيهم كستر وعليه كيوي ونعناع )

كذلك طلبت عصاير ..كلها كانت فريش .. واعصروها جدامي بلمطبخ .. يعني يايبين كراتين الفاكهه والخلاط وكل شي ..

مواعينها مالت الحلو والفطاير واااااااااايد حلوة .. وعندها كتالوج فيه صور مواعينها وفطايرها وحلوها ..

الضيوف كانو بحدود ال50 وحده .

انصحكم اتجربونها

هذا رقمها : 7512364
اسمها ام طارق -مصرية-(خوش مرة محترمة ونفسها حلوة وسدرها وسيع) اهي صاحبة المحل وتتعامل مع كويتية تطبخ لها

مكانها : الفروانية بجانب العربيد مال الدراريع .. المجمع اللي فيه دايسو .. اهي موجوده بالطابق العلوي

كلفني السعر : 130دك

بس انا كنت حاطه الطاولة اللي عليها البوفيه .. والصحون الصغاروالشوك والكلينيكس والمناقيش اللي الناس تاخذ فيها الفطاير .. لأنها اهي شغلها بس للتقديم مو بوفيهات .. وانا سويته بوفيه .. من جذي ما تحط اهي هالسوالف

دلول : طرشتلج رساله خاصه بس يقول لي ان رسايلج وايد وماتقدرين تستقبلين رسايل اكثر الا اذا مسحتي منهم

مشكوره حبيبه ماقصرتي

bnt q8 in usa قال:

مشكوره حبيبه ماقصرتي

أنقر للتوسيع...

العفو حبيبتي
:eh_s(17):

تم فبول النداء