سوينا عند زينب بس شعر
اختي عروس وتسريحتها ب390 بس
وانا ب190 واختي الثانيه ب160
حسبي الله عليهاا الله لايوفقها وتدرين ليش هالسعر عشان كنه حاطيم ميك اب بصالون ثاني وجايينها واول شي بلشت بالعروس وكنه نبيلها ستايل معين والله وكيلج طلعت جنها متهاوشه مع احد كشه مو عروس
وقلتلها مو عاجبتني التسريحه شنو هذا جاان ترد بكل وقاحه انا محد يأمرني ويقولي ابي ستايل معين انا بكيفي اسوي واختي المسكينه تبجي وبغت تخرب المكياج
جان اقولها غصبن عليج تعيدين التسريحه صج انسانه مو صاحيه مريضه وعادت التسريحه لها وسوتلي انا واختي من الخوف خوش تسريحه وطول الوقت تقولي ها بغيتي جذي والا جذي
وطلعت انا واختي بسرعه لان متأخرين عالصاله وانصمدنا وحنا نحاسب بس دفعنا شنسوي متأخرين ومانبي نتهاوش اكثر
والمسكينه العروس خليناها بالصالون جان تدق علينا وتقول تقولي ب390 ادفع والا لأ قلنا دفعي امرنا لله
انحاشي عن زينب صج مريضه ونفسيه جنه تسويلج ابلاش مو بفلوسج
روحي عند مريم خووش انسانه محترمه واهي اللي كانت تهدينا وتقولنا تصدقون انتو الوحيدين اللي خافت منكم