انا بنت وموبنت

مرااااحب للكويتيات
انا بصراحه ماعرف شي في المكياج لا اعرف احط وتمكيج مثل البنات واتمنى انكم تساعدوني اني اصير :eh_s(17): انثى!!:eh_s(17): اول شي شنو تنصحوني اني اشتري مكياج اي ماركه الكحل والروج والشدو والفرش وكل شي يتعلق في المكياااج وطريقة عمل الشدو والكحل ومشكورييييين:eh_s(9): :eh_s(9): :eh_s(9): :eh_s(9):

واالله كنت بساعدج بس انا مثل حالتج ومفكرة اتعلم على المكياج قلت بدخل دورة اتعلم بس لازم اشتري مجموعه مكياج قبل احسن

شوفي اخذيها نصيحه

كل يوم انتي فاضيه العبي بالكياج وجربي على نفسج

مع الاستمرار ايدج راح تعود على الريش والرسمه

والالوان اللي تصلح لج واللي مو حلوه عليج

وطبقي على صور مكياج عاجبج ..

وبس

واذا تعلمتي ادخلي دورة مكياج ..

واتمنى اني افدتج

مشكورة شمعنه يعني ماتصحنوني ادخل دورة وانا مااعرف

انا مفكرة اشتري مكياج بعدين اتعلم من دورة برايكم اجرب بنفسي احسن

والله انا هه اطقطق بالمكيااج بس مو ميح نفسكم

سمعي يا قلبي

عاد جتلج اللي تنصح...((اللي يسمعها يقول حنان دشتي))

شوفي انا مثلج ..ما اعرف شيء

اللهم قلم كحل وماسكرا وحمره وكريم وبسسس
شدو واي لاينر..احلم فيهم..

بس اللي سمعته ..لازم تجربين على عمرج ..كل يوم وانتي فاضيه ..لعبي بلمكياج
لين ما تخذ ايدج عليه ..وتفنييننيين

انا الصراحه ما احب احط مكياج واتعب ..واخر شيء امسحه (( ام العجز))

والله انا اعرف بنات خذوا دورة عند ايمان اشكناني واااايد استفادوا

ويقولون اذا خذيتي الدورة كاملة عندها بو 10 ساعات تعطيكم اخر يوم

اشرطة بسام فتوح هدية....اللي ينباعون ب 20 و30 دينار

عشان تستفيدون من اللي علمتكم اياه .....بصرااااحة خوش شي

بس اهي تعطي دورة شخصية يعني لازم موعد قبل شهر او شهرين اتوقع

الكياج عالم واسع مو مال رد واحد ماراح يفي بالغرض...بس مثل ما قالوا البنات شخبطي بويهج لما تتعلمين ...إذا عن الآيلانر السائل أنصحج بمال بودي شوب لأن فرشته وايد سهلة و راكزة يعني مو مثل الريشة .
قلم الكحل عندج قلم ماك وايد حلو وفي واحد بوطقة شاريته من الحواي وايد حلو أسمه لايراlyra ...لا بغيتي تحطين خط ضعيف بري القلم و تخيلي نفسج جنج بتحكين عيونج بالقلم (عاد مو تحكينهم حيل) إمشي على خط الرموش و حكي ...هالطريقة تملي لج الفراغات بين الرموش لا بغيتي تحطين مكياج ناعم.
أما عن الشدو فيعتمد على الفرشه ...إذا حطيته بالفرشه إلي راسها اسفنجي مدور راح يطلع لج لون بتركيز عالي ... هالفرشة زينة حق المبتدئين ...حطي طبقة من اللون و بعدين نعمي أطرافها بأصابعج راح يطلع اللون سموكي (متدرج)...بعدين عندج الفرشه الشعر تنشر اللون اكثر يعني ما يكون وايد متركز و متكتل مثل الفرشة الاسفنج ...بس كلما صغرت هالفرشة كلما زاد تركيز اللون و العكس اذا كبرت راح ينتشر اللون اكثر.

أكمل إلي أقدر عليه



فرشه شعر مدورة ...لنشر اللون ...و طبعاً كلما صارت الفرشه أصغر كان تركيز اللون اكثر و إذا كانت أكبر راح ينتشر اللون أكثر فأحنا إذا نبي نسوي ظلال سموكي نستخدم الفرشه الصغيرة المدورة أو الأسفنج و نحط اللون على الجفن المتحرك بعدين ننشر أطراف اللون بشكل دخاني بالفرشه الأكبر أو بواسطة اصبعج (ترى الأصابع وايد مهمة و تعطي لمسة حلوة على المكياج) أو بهالفرشه


إلي تستخدم حق القوس إلي يفصل بين الجفن المتحرك و عظمة الحاجب



هذي يسمونها الفرشة المشطوفة ...تنفع إذا بتسوين خط بالشدو (طبعاً راح تحطين الشدو على طرف الفرشة) و تقدرين تبللين الفرشه بماي أو بكريم علشان يطلع اللون متركز أكثر...و تنفع هالفرشة إذا تبين تسوين خط كحل يعني رسمي خط كحل بوطقة أي شي و بعدين رتبيه بهالفرشة.

نصيحة لاتشترين مكياج قبل الدورة لان هناك يعلمونج شنو تشترين احسن شي من كل ماركة

الفاونديشن اختاريه حسب نوعية بشرتج (دهنية جافة مختلطة عاديه....)
ما أنصحج بماركة معينة بس أصعب شي اختيار الفاونديشن فإنتي سوي الآتي:
روحي المحل و ويهج نظيف و مافيه ولا نتفه مكياج و تكونين منظفته و مرطبته عدل.
قولي حق الي تبيع عن نوعية بشرتج و لما تعطيج إلي يناسبج جربيه على بقعة من ويهج وشوفي لونه ...فري على أكثر من ماركة و جربي (عادي آنا لا بغيت أشتري فاونديشن كله أطلع ويهي مبقع).أو إنج تجربين الكريم على كل ويهج و تنطرين عليه نص ساعة أو ساعة (فري بالسوق لا تشترين الكريم على طول) و شوفي نفسج إذا إنتي لي ألحين مرتاحة عليه و عاجبج.
أو إنج تاخذين سامبل (عينة من الكريم) و تجربينه في البيت قبل لا تشترينه ...عندج ماركات مثل كلارنس و ديور و سيسلي كلها تعطي عينات مجانية حق الفاونديشن.

فديييييييييييتكم والله وماقصرتوا وراح ابدا اجرب على نفسي لين اتعلم ونصايحكم راح اطبقها وربي لايحرمني من بنات المنتدى مشكورين

كاكاوة سايحة مشكووووووووووووووووووووووووووووووورة

مشكوووووووووووووووووووووووورة


مشكوووووووووووورة



ويعطيج اللللللللللللللللللللللللللللللللللللللللف عافية


وايد استفدت من كلامج ......... صج مشكورة

نبع الطفولة قال:

كاكاوة سايحة مشكووووووووووووووووووووووووووووووورة

مشكوووووووووووووووووووووووورة


مشكوووووووووووورة



ويعطيج اللللللللللللللللللللللللللللللللللللللللف عافية


وايد استفدت من كلامج ......... صج مشكورة

أنقر للتوسيع...

واي يا حياتي العفو أخجلتيني:eh_s(22): بس طبعاً هذا مو كل شي بالمكياج ...أنصحج تاخذين دورة و تتعلمين على ويهج كلما فضيتي.