تعبت من الاشقر وبصبغ شعري غامج واخاف ينتلف بالمره شسوي ...؟؟

حبيبتي انا حاسه فيج لان كنت وايد اصبغ شعري اشقر بس بصراحه انتلف عدل والحين صارلي تقريبا شهر صابغته بني قامج وحيل مكثفه العنايه فيه جلسات علاج بالصالون و شريت علاجات واتحلس واتملس جود انشالله يرد مثل اول .. نصيحه مني نطري عليه شويا واذا حدج لايعه جبدج صبغيه بني قامج او متوسط مو اسود ديربالج .. تحياتي

حبيبتي الموضووع حده سهل وانا توني صابغه شعري بالبيت فوق الهايلاايت لان مو عااجبتني الصبغه وكان عندي صبغ بالبيت اشقر رمادي واشقر رمادي فااتح من غارنيييه عجييبه هالمااركه انصحج فيها لانها ما تخرب الشعر وترطبه ما ينشف عقبها كلها مواد طبيعيه والواانها حلوة عاد طلع اللون حلو مو فاااتح واايد صاير لو لايت حتى بالصالون من يومين شافو شعري وعجب خبيرة الشعر هههه

صبغيه غامج وافتكي, انا صبغته اشقر فاتح شهر 7 الي طاف وتنتف شعري عاد عالكريسماس صبفته بني غامج وافتكيت..
الحين المشكله ان الجزء الي كان اشقر صاير يلوع الجبد لان متنتف والباجي الغامج حلو ويلمع, الحين ببدي فيه علاج من الصالون بس ما ني عارفه اي صالون اروح..
طبعا قاعده استخدم كريستاس كعنايه حق شعري..

والله وانا نفس معاناتكم بس المشكله مافيني صبر على الاشقر لووووووووووووووووووووووووووووووول





واللحين نفسي اغمج شعري لان شعري تعب ومنتف ويلوع الجبد

والله انا مثلكممممم تااالي قلت بس ستوووووووووووووب

رحت الجمعيه وشريت صبع بني 3 علب لان شعري طويل ما اذكر اسمه لكن شكله مستطيل اخضر سعره اب 1.100 تقريبا ورديت البيت وقلت بسم الله حطيييته من ساعه 4 لييييين 8 تسبحت لوووووووووول صج بايعتهااااااا بس اللون صاار مو طبيعييي صج فيني خصل شقره بس بين الشعر ومع الاستشوااار مينوووونه صارت صبغتي لوووووول على قولتهم المثل زرع الميانين يطلعه مادري على روس القرعان ،،، نسيت انا لما سويت هالحركه قلت توبه اشقر شعري والعب فيييييييييه وكاني اعتني فيه دهن حمام زيت كل شي على الاقل ارد شعري الأول والله على نيتي طلعت النتيجة

واي خوفتوني اناقريب باصبغ بس موثلجي لاموف عنابي اوعسلي
لي سنتين عن الاشقر نفسي في هاللون بس احس يقطع الشعر حتى اخويا يقولي اصبغي مؤقت تنصحوني ؟ ؟
وايش برناماجكم للعنايه بالشعر؟؟

حبيبتي نفس ما قالولج صبغي بني غامج بدون خوف
ونصيحة للجميع ...اسرع علاج للشعر بدال الكورسات اللي بتاخذينها من الصالونات
نصها مضمووون ونصها غش بغش!!!
سووا كيراتين ياجماعه رووووعه
يعالج بصورة كبيرة وهمن يفرد الشعر وتوخرين عن السشوار اللي يحرق الشعر
بس اهم شي الصالون اللي تسوون فيه لازمثقة واحسن كيراتين البرازيلي
واذا ودكم تسألون عن صالون زين سألوني

وي عاد انا ودي اصبغ اشقر
جنج خرعتيني

لا لا تصبغينه الحين نطريه عليه عالاقل 6 اشهر .. ماعليه نصيحة نطري .. نططططططررررررررري
وبعدين شوفي الشعر اللي بقمة الراس واشتري صبغة نفس لونه يا من فيفا يا قارنييه انا بصراحة جربت فيفا وايد حلو وخفيف عالشعر بس انا دايما اسود صبغته 3 مرات اسود .. وقاطعه الحين ..
والله نصيحة نطري جم شهر بعدين صبغيه بعدين عقب الصبغة سوي كيراتين وابدي عناية

حبيبتي لا تنطرين صبغيه الحين غامج احسن بس مو أسود
انا نفسج وتوني صبغته بالبيت اشتريت جارنييه جوكليت وصبغته بس المشكلة من جم غسلة فتح وبينت الخصل
لازم كنت اخذ لون اغمج شوي وعلى فكرة صبغة جارنييه حيل خفيفة على الشعر ماتنتف الشعر لاتحاتين
المهم تاخذين لون غامج لأن راح يفتح بسرعة اخذي بني غامج
وأهم شي امبولات للشعر أو دهن مع حمام زيت اذا تسبحتي
ولا تستخدمين شامبو مع بلسم