رد: القدرات
السلام اشلونج اختي حوريه
انا 12 علمي و قدمت امتحان القدرات 3 مرات
و ذاك اليوم يتنا وحده من موكز القياس و تطوير التدريس الي بالجامعه حتى انها اتفهمنا طريقة الامتحان
اول شي لازم اتحددين الكليه الي انتي تبينها و بعدين تختارين المواد اهما 3 مواد الانجليزي و الكيميا و الرياضيات
و بما انج ادبي فراح تختارين الانجليزي و لازم اول شي اتحددين الكليه الي تبينها
في بعض الكليات يدخل فيها درجة امتحان القدرات كمعدل مكافئ و بعضها لأ
و مثل ما انتي عارفه مو كل الكليات تقبل التخصص الادبي و عندج كلية العلوم الاداريه الحين قامت تقبل الادبي فلازم تمتحنين رياضيات لانه يدش بالمعدل المكافئ
بالنسبه للتسجيل للإختبارت
* يتم التسجيل للإختبارات بشهر واحد و يتم الاعلان عنه في الجرايد
* يتم التسجيل للاختبارات في صالة القبول و التسجيل التابعه لعمادة القبول و التسجيل بمبنى شويخ و يتطلب التالي :
- البطاقه المدنيه الاصليه
- رسم و قدره 5 دنانير للاختبار الواحد
- صورة شخصية حديثه
و تقدرين اتحددين الامتحان يكون اب لغه انجليزي او عربي