بغير ستايلي منو تشترك معاي .....

السلام عليكم و رحمة الله و بركاته.......... بنات انا مفكره اغير شكلي و اهتم بنفسي و بسوي رجيم و اضعف و ابي اشتري كريمات من الصيدليه حق بشرتي ... و بسوي خلطات حق شعري ... و ابي اغير رسمة حوجبي و اكثفهم ..... و ابي اوحد لون جسمي من فوق لي تحت ....و بصبغ شعري صبغ بلاعشاب عشان ما يطيح شعري .... و هم بحط حنه لانه قبل فتره تقريبا شهرين كان شعري اشقر صيغته بني ذهبي و بعدين سويت خلطة بلحنه و حطيتها و طله اللون عجييييييب حده علي ......... واي احب الاهتمام و هسوالف و بهتم باظافري لانهم لينين حيل و يتكسرون بسرعه

بالصراحه احلا

انا معاج بس شلون ماابي اروح نادي ولا ابي اشترك بخلطات للشعر ومالي خلق حمامات مغربيه ولا ابي اتحرك من مكاني كسسسسسسسسل موطبيعي بس سهر وبلعه ونوم لووووووووووول

حلو الإهتمآم

والأحلى نتآيجه

بس وين نجيب الهمه والعزم

< كسوله حدهآ


آنآ ويآكم .. بس دورو شي مآيتعب ههههههههااي


آنآ عن نفسي
آبي آمتن شوي (خمس كيلوآت تقريبآ)
وآبي أهتم بـ شعري .. لأن توني قصيته وآبي أهتم فيه قبل مآيتقصف
وآبي طبعآ لون وآحد للجسم
وآبي بشرهـ فيس جنـــآإن .. أومنيه حيآتي آستغني عن الفآونديشن وبشرتي تكون بلآ عيوب


آمآ ستآيلي ..
مآبي أغيرهـ
لأن أحب الشعر الأسود
وأحب الميك أب النآعم
وحوآجبي آشقر الزآيد بس بدون مآأغير رسمتهم


< كثر قرقتج :>



و بـ التوفيق لـ إلكل

انا معاج


انا ودى انزل وزني تقريباااا 7 كيلوو وخاطري جسمي ينشد حيل


انا مادري شفيني رخوه موشااده حيل



وقاعده اعتني بشعري

حنه _ زيت للشعر_ تونيك بليل وصبح مع حبوب للشعر

بشرتي احس مرهقه حيل

يمكن لانى مسويه رجيم ونازله 7 كيلوو

بخااطري اطق ابرة نظاره برمضاان عشان العيد


وصايره علي طول بسبااحتى حمام مغرربي وسنفره ولازم ارطب جسمي


بس للحين لونى ماتوحد حييل


والله يعين

خوووووووووش موضوووووووووووع

بنات انا صارلي فتره مبلشه بهالموال وطبعا لي الحين ما خلصت لان كل شي حلو يبيله صبر وطولة بااال ووقت طبعا

اول شي بلشت بريجيم صج انه متقطع بس ما اوقف اخربط شوي وارجع اكمل احسن من ولا شي ومن احس ان جسمي بدا يترهل امشي على الجهاز الي عندي بالبيت او العب ريااضه وشريت شريط تمرينات علشان العب معاه بالاضافه لكريم التخسيس الي من اواضب عليه احس بفرق
من ناحية البشره قمت احاول استخدم اشياء طبيعيه حق بشرتي وكثر ما اقدر ابتعد عن الكريمات الكيميائية مثلا قمت احط على ويهي هردة وعسل مع جسمي طبعا عقب ما احط الخلطات وفي محل بالافنيوز توني متعرفة عليه يم كارفور اسمه لوكسيتان كل منتجاته طبيعيه استانست عليه جربت المنظف مالهم بزيت الزيتون عجيب وناوية اشتري اشياء ثانيه بعد خصوصا السبا هوم وهي عبارة عن شغلات تحطينها بالبيت جنج رايحه مسويتهم بسبا ودي اخذهم بس ناطره المعاش هههه
وهم استعمل صابونه لاني احب الصابون وما استغني عنه مالت دي اكس ان الي بمجمع الوطنيه استانست عليها وكل ما تخلص اشتريها حق جسمي وويهي
بالنسبة لخلطات الجسم صارلي فترة استعمل خلطة الكركم وخلطة العروس وهردة مع عسل بس لي الحين مالاحظت نتايج ملموسه لاني استخدمهم قطااعي
ولاسناان مهمه بعد لا تنسونهم المعجون المبيض لان الاسنااان وااايد تغير الشكل فاهتموا فيها

اما طقوس قبل النوم قصه ثانية : حاطة سلة يم مخدتي فيها الاشياء الي لازم احطها قبل لا انام واااايد مهمين وقمت ما اقدر استغني عنهم وما تاخذ من وقتي دقايق بس تفرق وااايد
كريم تحت العين انا استعمل استي لودر بس بيخلص وباشتري فيجي لانه يمدحونه واحطة بعد على الخطوط التعبيرية على قولتهم صوب الحلج
كريم الليل
خلطات تبييض للاماكن الحساسة او كريمات حسب الي استعمله ايامها
كريم المسااج امسج بطني مع الاويل قبل لا انام علشان يشد بطني واذا لي خلق اسوي تمرينات معده وانا بفراشي منسدحه
كريم القدمين مهم بعد استعمل فازلين بس دهني وريحته خايسه بس مفيد جدا بس ناويه اغيره اخذ مال بوتس او بودي شوب يمكن
مرطب شفايف مهم بعد
وكريم مرطب اخر شي وممكن يبيض ادهن فيه الي اقدر عليه من جسمي وفي كريمات تقشير احطها على ظهري علشان توخر اثار الحبوب عطتني اياهم د نورة الصليلي وحق ويهي بعد


انشالله ما اكون طولت عليكم بس ودي تستفيدون من تجربتي لان والله العظيم من تحبين نفسج وتشوفين نتيجة اهتمامج راح يتغير كل شي فيج وراح تشوفين الدنيا احلى وانتي احلى وثقتج تزيد وتستحلين كل شي على ويهج وجسمج وتبدعين باللبس والمكياااج

موفقين جميعا

للرفع

للرفع ..

لو ما الكسل الي فيني كاان كل شيي سويييته
الله يعيني على نفسي كأني سوداانيه وكل يوم اقول بعدين ببدى بعدين ببدى
اضاهرر فلسفتي للحيااه الراااحه الراااحه الرااحه ثم النووم واانا ماادري لووووووووول

انا بديت اسوي ليزر حق جسمي عشانف افتك من الشيره لانها تبقع بشرتي
واستخدمت غشوول نتروجينا مع التقشير والماسك والحمدلله ويهي صار لون واحد كان قبل فيني حساسيه يعني نص ابيض نص احمر بس الحين الحمدلله وايد فادني هالغسول العجيب
ومفكره اقص شعري بس مادري اي قصه اختار مع العلم انه طويل وايد بس بقصه لانه بدا يحت
وهم بسوي تبييض اسنان ومفكره احط غمازه :>
بس عندي مشكله بنات انا ابي ازيد وزني والحمدلله قام يزيد بس المشكله انه كله رايح صوب الكرشه مادري شسوي اخاف اسوي رياضه وارجع اضعف
يعني ابي امتن بس مابي كرشه ابي يتوزع بآماكن ثانيه شنو الحل؟؟