سؤال لطالبات كلية التربية جامعة الكويت(المقابلة)

وضحت العنوان..

وان شاءالله البنات يفيدونج..

موفقه يارب..

والله ألي أعرفه بعد القبول في كلية التربية يسوون لج مقابلة بتاريخ هم يحددونه ...

ولا تتخوفين منها اسألتهم عامة وعادية .. تاخذين رقمج وتنطرين أهم شي روحي مبجر ..

أنا سألوني عن الفرق بين التاريخ والجغرافيا وأوجه المفاضلة بينهم !

وبنت خالتي قالوا لها إذا طالب ملقوف عندج شتسوين !

اسئلة سخيفة والتقييم يحطونه في ملفج بس ما أعتقد له أهمية ولا في سقوط ولا يحزنون ..

بالتوفيق .

سقووووووووط مره وحده ؟؟؟؟؟؟؟؟؟؟
اصلا المقابله بس شكليه ومالها معنى ..
وعلى حسب منو اللي يقابلج في ناس من الزهقه يستهبلون على راسج وفيه ناس تسال اسئله عاديه وتنصحج ..
والمقابله اذكر سووها حقنا باول اسبوع بالجامعه يمكن ثالث يوم , تروحين التوجيه وتاخذين ورقه فيها اسمج والموعد وبس ..

انا اسالتني وحده شنو تبين تتخصصين , قلت رياض اطفال عاد قالت ويييه اشلج فيه ومن هالكلام , يعني مثل تنصحني وتبي تشوف رده فعلي ..

وفي بنات قالوا نبي رياضيات عاد جنه ريال اللي سالهم قالهم 1+1 يساوي جم قالتله البنت 2 قالها لا 1 , يعني يعبطون على راسج حدهم سخيفيين ..

واللي انسألت منو وزيره التربيه ومن هالامور ..
بس السؤال اللي لازم تتوقعينه ليش تبين هالتخصص ؟؟

المقابله اتذكر كانت باول اسبوع بالجامعه ويسألونج أسأله عاديه

انا أسألوني شنو تسوين بوقت الفراغ

شنو تبين تخصصين وليش ؟؟ واعرف وحده سألوها منو مدير الجامعه ؟؟

أهم شيء عندهم يعرفون مخارج الحروف عندج ووو بس ماتوقع فيها سقوط كلش ..

انزين بنات اللي تغيب وماتروح المقابلة شو يسون لها؟؟

كويتيه انا وايد اسمع بنات يقولون احنا ماسوولنا مقابله ..
يعني يمكن ماتكون مهمه , بس انتي روحييها مو خسرانه شي ..

ههههههههههااي

ذكرتيني بالمقابله قبل 7 سنوات

سألوني الدكاترة جم محافظة بالكويت

الحمدلله جاوبت صح

لا تحاتين ترا المقابله خررررررررررطي

على فكره انا خريجه من الجامعه من سنتين

الله يوفقج

انا اسألوني حكمتج بالحياه خخخخخخخخخخخخخخخخخخخخخخخخخ


واذكر الفت حكمه ... قعد الدكتور يضحك خخخخخخخخخخخخخخخخخخخخخخخخخخخخخ


حدي انحرجت ..