بس يقولون شغلهم حلو مافيـه عوار قلب أعتقد يعتمد على البيولوجيا والجراثيم وجذي .. 
انا اعرف عنهـا
تخصصـاتها ::
1) علاج طبيعي PT
2) الأشعة RS + NS
3) المختبرات الطبيـة MLS
4) إدارة المعلومات الطبية HIA
أول سنة تاخذين المواد الأساسية الي اهيا ( كيميا فيزيا بيولوجيا انجليزي ) جذي ... وعقبها تتخصصين .. ونظام الدراسه نظام سنوات .. وكل التخصصات بهالكليـة تخصصات نادرة يعني يعطونهم مكافأة التخصص النادر السنة الثالثه .. 950 دينار للطالبات .. و1500 للطلبة .. وكل كورس يعطونهم مكافأة 350 دينار .
تخصص الأشعـة ينقسم حق قسميـن أشعـه نووية وأشعـة تشخصية والمواد الطاغيـة فيه اهيا الفيزياااا و لمه تشتغلين تسوين أشعـه حق النـاس وطبعاً اتصال مباشر مع المرضى .. ويعطونهم جنـه بدل خطـر وعندهم جهاز يقيس التعرض للأشعة ويقولون عادي نادر ما الواحد يتعرض للأشعـه وتسبب له خطورة يعني اللي يدرس صح ماكو عليه خطورة انشالله
تخصص العلاج الطبيعي لازم يكون عندج قدرة على تحمل المرضى و اهوه أقرب تخصص حق الطـب و راح تستفيدين منه بحياتج العامة وتقدرين تفيدين أهلـج فيه وايد حلو بس حيل دسم وفي احتكاك مع المرضى واتصـال مباشر وياهم بس كمية المعلومات فيه وايد كبيرة بالنسبة حق سنين الدراسه أعرف وحدة من اهلي متخرجه من هالتخصص مستمتعه وايد فيه وتقول وناسه لمه اعالج شخص واسمع دعائه حقي بس تعـب وارهاق وهذا شي طبيعي بأي مجال يتعلق بالطب.
تخصص المختبرات الطبيـة الاتصال فيه غير مباشر مع المرضى يعني انتي بعالم والمرضى بعالم
إدارة المعلومـات تخصص يعتمد على الإدارة والكمبيوتر وهالسوالف يعني إذا تحبيـن الكمبيوتر وايد راح تحبين هالتخصص
وملاحظة بسيطه لازم يكون قلبج قوي عشان تدخلين كليـة الطب المساعد لأن فيه مادة اسمها التشريح هاذي مادة إلزامية حق كل الطلبـة الي يروحون سنة ثانيـة نظري وعملي وطبعا بالمشرحة تقعدين مع الجثث .. ! يقولون عادي مع الايام تتعودين ويصير شي عادي وماتخافين بالعكس بس ما عدا تخصص الأشعة والعلاج الطبيعي ياخذون مادة التشريح الثانيه.
وان شاء الله أفـدتج ..
:ggdw:
