جناط من قراطيس كاكاو ومقاطي بيبسي

السلام حبيباتي








اذا ممكن ألي اتعرف من وين اجناط ألي على كاروهات من اوراق الكاكاو او من مقاطي بيبسي من وين احصلهم؟؟


ارجو المساعدة

ولكم دعاء الصحه والعافية انشاءالله

:tek:

القراطيس ----- من لندن

من اي محل بالضبط واذا اكو سايت حقهم؟؟

وينكم هديتوني ورحتو

ماعرفت شنو تبين بالضبط

شلون احط صورتها ماني عارفة؟

شدعوة ماكو وحدة اتعرف...ألي اتعرف وحدة بالمنتدى اتبيع اوتطلب اتقولي ؟؟

ماكو احد؟؟

شنو المنتدى مافيه احد..رحتو نمتو عشان الدوامات ههههه شدعوة راح ادعيلها ألي اتوفرلي طلبي..انشاءالله المتزوجة الله يرزقها الذرية الصالحة والريل ألي مايقولها لا وسفرها هسنة المكان ألي تبية ..
والبنات الله يرزقها الزوج الصالح والذرية الصالحة وحبج حب مالة حب.. بس تكفون ابي الجنطة شلون؟؟

والله ماعرف للأسف

بس قلت ارفع موضوعج بما انج دعيتي لنا دعوات حلوة

ان شاء الله تلاقينها

هلا يالغاليه ابشري انا انشالله اقولج من وين تشترينها

واعطيج العنوان بالكويت مع الرقم بعد اشتبين

عنوان المحل : مس لندن - الفروانية - مجمع مغاتير التجاري مقابل جمعية الفروانية - الميزانين محل رقم 26
هاتف : 4773133
ترقبوا فرعنا الجديد في المنشر .

خدمة التوصيل : دينارين لأي منطقة بالكويت

عساني كفيت ووفيت والله دورت لج الصوره بس مالقيتها للأسف
بس انا عارفه اللي تقصدينها وتلقينها بهالمحل دقي وتأكدي

بعد عمري والله كل من رد علي وهم ألي مارد وانشاءالله الله يعطيكم امرادكم ويرزكم ويرزكني وياكم السعادة وراحة البال والزوج والذرية الصالحة بالرب العالمين..

حبيبتي انا شفتها في معرض دار اللولو اللي في بيت بالسره بس اللي سمعته انا ما سالت سمعت بيعونها على 120 شوفي لاحظي اني قلت انا مادري سالت اختي واهيا قالتلي ان هذا سعرها على حسب ما المره عارضتها بس انتي شوفي اذا سوو معرض روحيلهم بس اللي اتوقعه ان اللي اتبيعها جنه صاحبه المعرض وانشااءلله تحصلينها حبيبتي

انا بصراحه استغليتها لانها من قراطيس اشدعوا بهالسعر

انا اقولج قعدي لحقي بهاليهال من يخلصون من حلاو والا كاكاو لقطي القراطيس وجفسيهم لين اتيمعين كميه وقعدي لزقي _03ba:

اتغشمر معاج

بالانترنت سعرها مايعدي 30 دينار

في احد يقدر يطلبها لنا ام راكان وله عموله

هي تنباع بـ 90 دينار

اي والله جان زين .. انا بعد أبيها

وين أحصلها على النت

و شنو ماركتها

من زماااااااان و انا أدورها

أمي الحين مسافره أوربا .. وودي أوصيها عليها .. لكن ما أعرف ماركتها و لا وين تنباع هناك!!

حطوا صورتها يمكن نعرفها؟؟؟؟؟؟؟؟؟؟؟؟؟؟؟؟؟؟؟؟؟

تنباع بالامازون سعرها 50

والله شفتها بموقع ب 45 دينار او الثاني ب 30
انا ما اقدر اطلب شي الحين لات طالبه من كذا موقع صارلي فوق ال 10 ايام او ماوصلوا الاصندوق