موضوعي يبيله ردود منكم .... :)(البويات)

السلام عليكم شلونكم بنات و شخبارك ؟؟

حبيت اقولكم موضوعي هو ... ان اكثروا البويات بالمدارس خصوصا ثنويه الحكوميه و شنو السبب اللي خلاهم جذي .. هل سبب الوالدين ولا قله الوازع الديني و عدم التربيه ...
و حتى سوالف الاعجاب بالبنات و الابلات

و في مره صار بوحده موقف مع البويات ... ردوا علي بتعاليقكم و نصايحكم علشان يفيد الجميع ..









:tek:

رد: موضوعي يبيله ردود منكم ....

انا عن نفسي في طالبه بصفي بويه وايد تفرض نفسها غصب ازفها ماكو فايده وان بنت عندي جاوبت خطأ تسترجل بصوت خشن وتقول احسسسسسن غلط اوديها الاداره ماكو فايده لا كشكول ولا واجب ولا شي بس مجرد زياده عدد

والطامه الكبره القروب اللى ملتمه عليه بويات ثنتين معجبين فيني يمرون صوب قسم العربي ويقولون الابله اليديده مزه ؟؟
المدرسه الاولى تطلع تزفهم وفصلوهم مرتين همن الحاله كسيفه عندهم
البلوه لما استدعوا ام وحده فيهم اطلعت مسترجله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ماقط صادفتهم

وان شالله مااصادفهم..

والله يهديهم يارب..

وضحت العنوان

بصراحة شاكرتج على هالموضوع اللي بصراحة يبيلها ردووود
والبويات حاله انتشرت بشكل مو طبيعي وبذاتن بالمدارس المتوسطة والثانوية
و سببه الاهل لعدم اهتمامهم فيهم ولعدم حرصهم على بناتهم وياكثرهم عندنا يمه يخرعون
والأعجاب ماتخلى من المدارس بس الله يعين شنسوي ومشكورة على الموضوع اللي محتاج احد يتكلم عنه

الصراحه يا بنيات

ايام الثنوي كان في بويات عندنا

وكنت وحده منهم جم مرة اخترع واقول امبيه صبي بنات وبالاخير تطلع بنت لووول

تطلع فلانه يعني ولو تشوفون اسمها حده ناعم يعني

المهم

انا كلمت هالبنات وقعدت وياهم سوالف بشكل عادي وطبيعي

اهم بنات حالهم حالنا .. عاد الحين مادري اذا الوضع تغير ..

بس ترا اهم حيل عاديين و طبيعيين مثلنا ..

وسبب الزياده

اقولج شغله عن وحده منهم

مانت تلبس عبايه جتف و حجاب

جدام اهلهم بنات

بس من تدش المدرسة

شوف عيني .. اوووول ما تعبت البوابة الخارجية .. نفصخ الحجاب و تقط العبايه و تصير بوية :/

بالعربي .. في بعضهم جدام اهلهم بنات بس ويا ربعهم

وبنات في بعضهم ما ينلامون

انا اعرف وحده خوش بنت والكل يمدحها

مسكينة من ظروفها مرات تتمنى انها صبي

والغلطة غلطة اهلها .. صراحه ..

بس الحمدلله هي عارفه حدودها .. ادعولها الله يثبتها

وفي بنات :/

في بنت كانت اهي مسترجلة واخوانها جنوس :s:s:s:s:s

لووول الوضع خارب عندهم ..

الابو متوفي والام مرة كبيرة :/

الله يستر علينا بس

والله يهدي

وااااي احنا مدرستنا فيها بويه حدها تخوف و تلوع الجبد

و في مره تهاوشنا معاها و رحنا عند الوكيله و الوكيله وقفت معاها و قهرتنا
و هالبويه الحين بس تشوفني تبتسم بويهي و لما أمر يمها تنحاش
الصراحه آنا خايفه من هالشي

و بعد في بنات متحجبات من أول ما يدشون المدرسه سيده يفصخون الحجاب و يرفعون هالشعر و يوقفونه و أشكالهم تخرع جنهم بويات و حركاتهم بعد و مشيتهم حدهم يخرعون :cxxxp:

و أعتقد سبب انتشارهم قلة التربيه من الأهل الصراحه :eh_s(1):

الله يعقلهم يا رب و يهديهم

الله يكافينا شرهم يحفظ بناتنا
قبل جم يوم شفت ثرثه بالمرينا
شكلهم يلوووووع الجبد مؤرف

شاكره لج على هلموضوع المهم ...راح أجاوبج بشكل صريح

في مجتمعنا ما في مصارحه بين الأهل و الأبناء إتجاه الموضوعات "الجنسية" الهامة ...و عندنا مقوله مشهورة دايما نقولها لما تكبر تتعلم ...العيال كبروا و دخلوا جامعات و على وش جواز و هلمقوله مازال الأهل يقولونها ...المشكلة حتى في مناهجنا ما فيها هلموضوعات الهامة جدا جدا.
فطبعا أول سبب أهوا التربية ..التربية لازم تكون أكثر إنفتاحا و إنضباطا...

بالنسبة للإعجاب فهوا أمر طبيعي جدا ...و لكن ..لازم يكون في ضابط ...يعني تدرون في بداية سن المراهقة يصير في ثورة في الهرمونات ...و هذا أمر طبيعي ...و يصير تفكير البنت أو الولد مختلف...و يسعون و يبذلون مجهودات كبيرة عشان يجذبون الإهتمام خصوصا إذا ما في إبداء للإعجاب من قبل الأهل...الأهل التوجيه من هلناحية و إشباع الأبناء عاطفيا ..وحده تسأل يعني أحط الحب بتوست و المديح بقلاص عشان يشبعون ؟
أقول لأ طبعا و مو شرط يكون بشكل دايركت ...يعني ممكن بالكلمة بتربيت بالإبتسامة نشبعهم عاطفيا ....

ليش البنت تميل للتشبهه للرجال؟
لإن مجتمعنا ذكوري ..و شايفة إن هلصورة راح تدعمها من عده نواحي...و الله أنا شفت منهم وايد و لكن ...بالإحتضان تقدرين تكسبين الطالبة لو كنتي معلمه و لاحظتي غن في طالبة بويه ..و أساسا ما في شي إسمه بويه أو جنس ثالث أو خامس أو سابع ...الله خلق الذكر و الأنثى و في حالات نادرة جدا جدا المخنثين و هلشي يكون عيب خلقي يحسم من قبل الدكتور....فالموضوع يحتاج لوقفة مدروسه مو الكلام بشكل عشوائي...إحنا محتاجين لقدوة و إعلام هادف...يعني أغلب المسلسلات اللي قدمت فيها هلصورة عن البنت المسترجلة أو أخيرا الولد الترف...وايد ساذجة و ما فيها معالجة ..فأقول حق هلمخرجين و الكتاب يا تتكلمون بالعلم صح يا ما تتكلمون عن هلصور في المحتمع ...الموضوع محتاج لحكمة مو لصدمة تشل التفكير..الواحد لازم يتعامل مع الأمور بشكل طبيعي و أرجع اقول لازم الواحد يكون على درجة كبيرة من العلم عشان يقدر يتعامل مع المشاكل....المعلمات لازم تحاول تقرى أكثر عن هلفئة عشان يعرفون مفاتيحها ...

كانت معكم فوزية الدريع ...أقصد البطريقة البردانة من تلفزيون ألاسكا فرع حولي عند بقالة السعادة

أقصد التشبهه بالرجال مو للرجال...للرجال شكو ...من البرد يعد شسوي...بدلياتي حياتي لووووووووووووووووووووووووووول

غن=إن

مصختها بالبدليات ..بس البدليات أسلوب حياة

و مش حتقدر تغمض عينيك خخخخخخخخخخخخخخخخخخخخخخخخخخخخخخ

لوووووووووووول بطروقه فديتوووج يازينج وزين بدلياتج و ردودج

كل ماشوفج اشتهي اكل من البطريق

لوووووووووووووووووووووووووووووووووووووووووووووووووووووووووووووووووول

ما يصيرلي ... أنا بطريقة من القطب الشمالي ..المطعم اللي عندكم من قطب حولي

والله الحين البوياات زادووا بدرجه موطبيعيه
واكثر البوياات الحين من جدام الاهل بقمه الانوثه ومن وراهم بويه
وانا الصرااحه الوم الاهل لازم يتفاهمون معاهم ويكونون مقربين من عياالهم وخصوصن بسن المراهقه
واذا شفت ولاعرفت ان بنتي بويه ولا شي اتفاهم معاها مو ازفها واتهاوش واصرخ واطردهاا من البيت واكثر الاهالي الحين كلاااا صراخ ومايتفاهمون مع عياالهم
ومره قعدت مع بويه وقالتليي قاعده بشقه مع مجموعه بوياات واكثرهم اهاليهم طاردينهم ..؟ لييييييييش جذي ؟!!

واشكرج يوخيتي على الموضوع المهم والراائع

بثانويتنه جذي وايد بويات

وفي بنات بالثانويه جنها صبي واتقول انا بويه وانشوفها بالطلعه مكياج وحاله


عندنه بويه اذا حطت كحل امها اتقولها مسحي مو حلو عليج ويهج وي اتصيري بنيه
اتيي تبجي لما تسولف هم في اهل مو شي

ثاااااااااااااااااااااااااااانكس أم عبدالمحسن

و إنتي الروعة و مشاركاتج دايما مميزة (من غير مجامله)

و أرجع و أقول مصارحه الأهل و إحتضانهم اهم شي