احتاج طريقة كوكيز

GAP^^الكبيرة قال:

حبيبتي كان ودي اساعدج.. بس للحين ما طحت على وصفه 100%
بس لقيت لج هالرابط فيه وصفات وايد وان شاء الله يعجبج

http://www.q8yat.net/showthread.php?t=127023

ولو حاطه الاسئله بقسم المطبخ احسن عشان اكثر عدد من البنات ترد عليج

أنقر للتوسيع...

NoWay2know قال:

انشالله البنات يفيدونج

أنقر للتوسيع...

miss elegant قال:

دشي هالسايت وادعيلي
www.joyofbaking.com

أنقر للتوسيع...

دمـوع الشـموع قال:

عزيزتي مافي وصفه 100%
لكن جربي خليط بيتي كروكر كوكيز بالشكولاته يجنن بس مدري وين يتوفر بالكويت
بالرياض موجود بالدانوب وهايبر بنده

أنقر للتوسيع...

جارة القمر قال:

مشكوريييييييييين

وتفضلي طلبج

\اصبع زبده (يسيح من غير نااار
2\نص كاس سكر اسمر مطحون <<فديت السمر هع هع
3\ملعقة حليب بودره
4\ملعقه صغيره بكنج بودر
5\كاس وربع دقيق (طحين <<هع هع
6\بيضه>وحده بس
الطريقه
تعجن وتوضع معها حبات من شوكلاته (هيرشي) الي على شكل دمعه :crying1:يم يم
البني طبعا وبعدين تاخذين بالملعقه وتحطينه بالصينيه وتدخلينها الفرن وتاكلينها
بس بعد ماطلعينها من الفرن مو تاكلينها وهي بالفرن
<<تخيلي نفسك داخله الفرن ومسكره على نفسك وتاكلين وهي مابعد خلصت يلا تساعدون بعض
عشان ثنتينكم تنطبخون هع هع هع
بالهناء والشفاء مطرح مايسري يمر


بسكويت بقطع الشوكولاته ((الكوكيز))

--------------------------------------------------------------------------------

المقادير:

3 بيضات -
كاس وربع سكر-
ثلاث ارباع كاس زيت -
نص ملعقة صغيره فانيلا -
3 ملاعق حليب جاف -
كاس حليب سائل ( خليه على جنب) -
3 ملاعق كبيره كاكاو بودره.



الطريقة:

تخلط هذه المقادير كلها ثم ناخذ كاس من الخلطه و الباقي نضيف عليه كاس و نص دقيق ابيض و ملعقه و نص كبيرة بكنج باودر
تخلط جميعا و توضع في الصينيه وندخلها الفرن بعد اخراجها يصب عليها الكاس الي تركناه و نبشر عليها الجالكسي

وبالعافيه



طريقة رهيبة لعمل الكوكيز بالشكولاته
المقادير:
2 كو جوز هند مبشور خشناً
علبة حليب مكثف المحلى (397غ)
ملعقة صغيرة من الفانيليا
1/4 كوب جوز محمص
1/4 كوب حبوب الشوكولاتة (شوكليت تشيب)
زبدة أو زيت ذرة

الطريقة:
يخلط جوز الهند مع حليب المكثف المحلى وتضاف الفانيليا والجوز وحبات الشوكولاتة ثم يشكل الخليط على هيئة أقراص مستديرة.
تدهن الصينية بزبدة أو زيت الذرة وترص أقراص البسكويت.
تترك في فرن حرارته متوسطة لمدة 10 دقائق حتى تنضج

ملاحظة:
يجب أن يكون جوز الهند خشناً حتى يتماسك الخليط ويمكن إضافة كمية أكبر من جوز الهند إذا كان الخليط رخواً
بالهناء والعافية

أنقر للتوسيع...

eman1234 قال:

دشي على موقع مارثا ستوارت عندها وصفااااات عجيييبة و لذية ونكهات و اشكال وايد ,,,
http://www.marthastewart.com/

أنقر للتوسيع...

Om-Ahmed قال:

انا ماخذة هالطريقة من كتاب عبير الراشد (الذواقة-الجزء الثاني) وايد حلوة وتضبط ...


المقادير:
3/4 كوب طحين
1/2 كوب سكر
3/4 ملعقة صغيرة بيكنج بودر
1/2 ملعقة صغيرة ملح
1/3 كوب كاكاو بودر
بيضة
3/4 ملعقة صغيرة فانيليا
1 ملعقة صغيرة نسكافية مذابة في 2 ملعقة كبيرة ماء دافئ
1/3 كوب كاكاو هيرشي
1/3 كوب جوز مجروش >>انا ماحطه
1/2 قالب زبدة >> مرة حطيت ساحت العجينه وايد وبدونه مافرق الطعم بس العجينه ظبطت


الطريقة:
-تذوب الزبدة عالنار ثم ترفع ويضاف الكاكاو البودر على الزبدة وهي حارة.
-تخفق البيضة مع الفانيليا والسكر ثم يضاف خليط الكاكاو والزبدة.
-يضاف خليط القهوة بالماء ثم الطحين ويقلب بملعقة خشبية.
-يضاف الكاكاو والجوز ويقلب بهدوء.
--> الخلط الزائد يزيد تماسك الكوكيز

في البايركس أو التيفال ضعي الورق المشمع وباستخدام ملعقة صغيرة ضعي كتلة من العجين مع ترك مسافات بينها وأدخليه فرن ساخن لمدة 10 الى 15 دقيقة


بالعافية

أنقر للتوسيع...

autointoxication قال:

جربت أول طريقة و كانت جداً ناجحة

الطريقة (بيتي كروكرز ) من الجمعية

حدها مضبوطة و الكوكيز يطلع لين مو يابس ، لين نفس كوكيز فدركرز




autointoxication حبيبتي من وين شريتي بيتي كروكر الكوكيز العادي مو الى على كاكاو

انا رحت كذا جمعية ومركز سلطان وسيتي سنتر ما لقيتها لقيت السوده الي على كاكاو جربتها بس ما طلعت حلوه

وانا قبلها كنت مجربة كوكيز بيتي كروكر العاديه حدها لذيذه وصج جنها جاهزة

الي يعرف من وين اشتريها يقولي بليز

أنقر للتوسيع...