بنات محتاجه مشورتكم عسي ربي يجعل لنا من كل ضيق مخرجا

السلام عليكم
مو عارفه اشلون ابدا بس حسبي الله ونعمه الوكيل 000 لي اخت موظفه دبر لها مكيده وحسبي الله علي من ظلمها المهم طلب المدير نقلها ولما سالت عن السبب رفض ورجعت البيت وشرنا عليها اشتكي روحي طالبي تقول وانا طالعه من الدوام وابجي سمعت من الصوت القوي بذوني يقولي رفعي شكوتج لله وبس وتقول اقسمت ما اشكي الا لله في جوف الليل ظلمي وبالفعل قعدت تصلي ليالي اشوفها جوف الليل وتسوي استخاره اذا وجودها بالعمل خير او شر لها _ لانه طعم الظلم مر _دعوه المظلوم ترفع للغمام ويقول الرب جل وعلا وبعزتي وجلالي لانصرنك ولو بعد حين
وحلمت بنات ذيك اليوم وقت الفجر بحيه كبيره تسعي علي مكتبها وتقول انا قلت لكم ماني رايحه الدوام وتصرخ وفجاه فزت عطينها ماي وسمينا عليها
ومن يومها اول ما تروح الدوام تييها ضيجه كبيره
شاريكم بنات شنو هذا

لاتسير حياتها على اساس حلم
و إذا هي استخارت
و شافت انة دوامها فيه ظليمة و أذى لها
خل تنتقل او تشتكي

و الله ييسر لها امرها و ينصرها على من ظلمها

الله يعينها ويفرج همها ان شاء الله

ان كان المكان اللي انتقلت له زين خل تبعد عن المشاكل

واهي ادرى بظروفها

أختي الظلم الحين صار عند الناس عادي الله يسامحهم

بس خلي اختج تنتقل عن هذا المكان والله يوزع الارزاق مو لازم هذا المكان احسن ما تفقد معاشها اللي تعيش منه حرام

الله يعينها والله الظلم يذبح الواحد الله لا يوري احد هالموقف


قوليلها تصلي و تدعي و الله راح ينورها ان شاء الله

و دام مو مرتاحه من الدوام خل تطلع وايد ابركلها بدال لا تتبهذل و يلبسونها مصيبه اكبر من الظلم

حشاكم عيال الحرام اللي ماعندهم ذمه ولا ضمير متروسين بكل مكان هالايام

حسبي الله ونعم الوكيل في كل ظالم


الله ينصرها عليهم و يرد كيدهم بنحرهم

و احلامها تنبيه من الله

الله يجريكم الجنه كل وحده كلفت نفسك عناء الرد وعسي ربي يريح بالكم بالدنيا والاخره
صحيح الظلم موجود لكن في منتقم جبار اهو ياخذ الحق
وامس قريت بمفسر الاحلام جابيته من السعوديه انه الحيه عدو ومكيده لانه سبحان القران مذكور الحيه بالقران في قصه موسي وفرعون اشلون جمع السحره واراد ان يدبر مكيده لسيدنا موسي عشان ما يتبعونه فلما القي عصاه موسي فاذا حيه تسعي
انا فسرت الحلم سبحان الله والعلم عند الله انه ربي راح ينصرها علي من ظلمها مثل ما نصر موسي علي فرعون
واهي للحين صابره وتنطر فرج الله جلا وعلا

الله يسعدها ويفرجلها ان شاء الله

حسبنا الله ونعم الوكيل ..

لا تظلمن اذا ما كنت مقتدرا .. فالظلم يأتيك آخره بالندم

نامت عيونك والمظلوم منتبهه ... يدعو عليك وعين الله لم تنم


شوفي مريت بتقريبا بنفس قصة اختك وبشريها ان نصر الله قريب (( نصر من الله وفتح قريب ))
وانا بيت الشعر هذا حافظته واكرره لنفسي وصدقيني بتشوف حوبتها فيهم

الله ينصرنا على من ظلمنا

ماكو الا العافيه وخليها تثق بالله سبحانه وتعالي وبنفسها وماكو الا كل خير حبوبه

الله يوفقها والجميع وانا وياكم**

أسأل الله العظيم رب العرش العظيم في هذه الساعه ان ينصرها بنصر يسمعه القاصي والداني عليها بالدعاء في السجود