تأثير المنتدى عل الحياة الزوجيه

السلام عليكم بنات

اشلوونكم او شخباركم

انا عضوة يديه بالمنتدى اليوم سجلت و هذي اول مشاركه لي

موضوعي ان شاء الله ما يزعج احد بس ودي اجمع الآراء عليه

السؤال بسيط و ياريت يجاوبون عليه الي لهم خبره

شنو تاثير المنتدى على حياة المراة المتزوجة ؟

هل له تأثير سلبي او ايجابي؟ (ايجابي انه تاخذ معلومات مثلا، و سلبي انه تقارن نفسه اب غيره او احد يوشه مثلا عل اشياء ما كانت تسويه)


و اذا حطين منافعه اب كفه و اضراره بالكفه الثانيه، اهي تكون له ثقل اكثر؟

يريت ما عليكم أمر يكون الجواب مع الشرح

مشكورين حبايبي:edbf4317b9:

انا اكثر وحده تاثرت بالمنتدي
وتاثيرايجابي جدا
حياتي صارت افضل
وكبرت
ونضجت وتعلمت واااااااااايد من تجارب غيري
ومريت بمواقف ماساعدني فيها الا خواتي بالمنتدي ونصايحهم
وتعرفت علي بنات هني اكثر من خوات وصديقات احب اذكر بعضهم بالاسم ، بنت الكويت ، جولي ، رفرف ، نفيشه ، جوريه ، كيكه (المشرفه)، زينه ، مسك3 ، بامبينا ، احلي الجياكر وبنات وايد

أنا أحس المنتدى بيتي الثاني والمكان اللي ألقى فيه كل شي يفيدني .. ووايد استفدت من خبرات بعض الخوات يزاهم الله خير

وانا عندي قناعه اني أخذ الايجابيات واترك السلبيات اللي القاها بأي مكان مو بس بالمنتدى

ايجااااااااااااااااااااااااابي
وايد استفدت وكونت صداقات حلوه

بس يمكن هالشي خلاني وايد اقعد عالنت لوووووووول وياخذ وقتي

بس الصراحه استفدت وايد وبالعكس صج تشوفين مصايب غيرج تهون عليج مصيبتج

وايد منكم شاف هالموضوع و تجاهله

و غيرهم تسائلوا شنو حكمتي من وضع هالموضوع

بس الموضوع وايد اخطر من الي تتوقعونه

احنا بالبيت نمر بتجربه وايد وايد صعبه و اختي اسطوريه عززت كلامي

انا أخوي حاليا عل وشك ينفصل من مرته بسبت تعلقها بالنت والمنتديات:0bee2e8d89:

النت اخذ كل وقتع تسهر طول الليل عليه والصبح كل نايمه

اهملت بيته و عياله و ريله

تر انتوا ما اتخيلوون في بنات ما يعرفون اشلوون يتحكمون اب وقتهم و صارت المنتديات كل حياتهم

و احنا عندنا مثال حي بالبيت

لازم يكون في تنظيم من ادارة المنتديات ان الوحده مثلا حده ترد عل 4 مواضيع باليوم و تحط موضوعين باليوم بس

و هذ اذا كانوا الي قايمين عل الايداره يخافون على حياة الزوجيه لعضواتهم بالمنتدى و يحبون لهم الخير

و آسفه اذا ضايقت احد اب كلامي

و اتمنى لكم التوفيق

موضوع حلو و شكرا لج عليه و بصراحه وايد استفدت منه على الاقل يمر يومي و انا مستفيده شي او متعلمه شي ما عرفته من قبل

و الله يعينكم على ما بلاكم بس كان المفروض ان اخوج يشيل النت من البيت اساس و يحط شروط لرجوعه

و الله يستر عليكم

موضووعج وااايد حلو يا حلى الدنيا وبصراحه المنتدى اثر على حياتي تأثير ايجابي من ناحيه حل المشاكل والاستفاده من جميع المواضيع الموجوده فيه وذكرنا بأشياء واايد احنا كنا ناسينها ورجعناها....وبدوري انا اشكر كل القائمين على هذا المنتدى ويعطيهم الف عافيه

المنتدى بيتي الثاني والبنات اخواتي كلهم
الصراحة اشكر اشكر اشكر اختي العزيزة بنت الكويت ودموع الكويت واشكر جميع المشرفات على جهودهم الجبارة في هذا المنتدى
الصراحة شي ما استغنى عنه صج صار شي ادمان يعني مااقدر يمر يوم ما ادش النت احس اني ضايعه
بس لابد من اني اضبط وقتي
بيتي وزوجي وعيالي اول ومن ثم الانترنت بعد ماخلص كل واجباتي ادش المنتدى واتعلم واخذ خبرات الجميع في اي شي ابيه في حياتي

واى المنتدى بصراحه صار جزء من حياتى بس مو مخرب على بيتى لما ينامون اعيالى اشبك وريلي اصلا يرد متاخر واذا رد اهو بعد يجابل النت
واشكر بنت الكويت وايد وادعيلها من كل قلبى اهيا والمشرفين على المنتدى ابصراحه وايد استفدت اشياء خذيتها من المنتدى

انا بصراحه استفدت من المنتدى وايد وخاصه من نصايح الاخت نفيشه غيرت حياتي الزوجيه وااااايد وقربت ريلي مني بدرجه غريبه لدرجة ان الكل قام يشك اني مسويتله سحر لان وحيد اهله ودلوع الماما فجأه صار مجابل البيت والبنات

واستفدت من الاكلات الحلوه اللي موجوده بالمنتدى ومثل ما يقولون اقرب طريق الى قلب الرجل معدته

انا مثل كل الخوات اللي قبلي استفدت واااايد من المنتدى وياليتني عرفته من زماان جان ماطحت بأخطاء المفروض ماطيح فيها

وبالنسبه لمرت اخوج تلاقينها توها هابه بالانترنت اكثرنا كنا جذيه اول ماهبينا فيه والحمدلله الحين اقدر اتحكم بوقتي

ومخصصه له

ساعه بالكثير ساعتين باليوم

بس بالنسبه لايام العطل لا... آخذ راحتي لان زوجي في الغالب يكون سهران بالديوانيه

موضوعج حلو

المنتدى واااايد حلو وانا وايد نفعني بوايد اشياء يمكن ما احط مشاكلي بس تمر علي سوالف تفيدني وايد هذا غير انه عرفني على بنات والنعم فيهم كلهم بصراحه حسبه خواتي

وفعلا المنتدى ياخذ الوقت كله تقريبا وانا بصراحه ريلي يغار من المنتدى نعم يغار وحيل من المنتدى ماكان جذي كلش بس شافني حيل متعلقه فيه قام يناجرني يقول لي ودي يمر يوم وما اشوفج مجابله لابتوبج

وصار لي فتره مقلله حيل من دخول المنتدى ومجابل الكمبيوتر مع انه قلبي معلق بالمنتدى احبه حب مو طبيعي بس طبعا بيتي اولى واشوف لي الفرص المناسبه اني ادش لما يكون نايم او طالع من البيت او لاهي بشي ادش المنتدى على طول

والله يصلح بيت اخوج وكلموا البنت وعقلوها وكلموا اخوج انه يعطيها فرصه والله يعينكم

يعطيكم الف عافيه يا بنات و ردوكم فعلا حلوه و مفيده

و الطريقه الي تفضلت فيها الأخت deyaana سواه اخوي و قاله ماكو نت الاول والاهم البيت جان ترد عليه اذا بتاخذه انا بروح اشتريلي واحد و مالك حق تحرمني

والمشكله ان اخوي بيتاوي و ماله اب سوالف الدواوين والسهر و اهي كل امطنشه و عالنت

لين قبل فتره اخذ النت و قاله ماكو نت لأنه صج عصب و قالها انا علمتج عليه مو عشان تطنشيني و تهمليني عشان تستفيدين و شنو كانت النتيجه اطلعت من البيت و راحت بيتهم

حسبي الله و نعم الوكيل عليه

و على قولت القايل افعل خيرا تجده شرا و هذ الي صار معاه المسكين

مشكورين وايد وايد وايد كلكم بلا استثناء

والله انا استفدت وايد الصراحه
ماشالله البنات بالمنتدى يساعدون بعض وايد
اذا ابي طبخات حلو متوهقه سيدا المنتدى
وانا حامل امور وايد عرفتها
حتى المول استفدت منه وايد شفت شغلات حلوه وشريتها
ركن التنظيف من تجارب البنات وايد استفدت
خلطات شعر وللجسم
الصراحه صج صج بيتي الثاني
واذا الوحده مقصره ببيتها عشان منتدى فهذا لان اهي ماتعرف تنظم وقتها
طول ما ريلي بالبيت اجابله
بس يطلع اشبك
خوش موضوع

مشكووره عالرد حبيبتي

و اتمنالج وكل بنات المنتدى كل خير و مافيه الصاح لبيتكم

اول ماعرفت والشتركة بالمنتدى كنت مجابله النت على طول لانه استفت منه وايد وايد بس لاحظت زوجى موعاجبه الوضع صرت اشبك اذا كان بره البيت ومشكوره اختى على الموضوع

حياكم الله بنات

و ردودكم وايد حلوه