رد: تجمع مواليد (ديسمبر) و??(يناير)
رحت الاربعاء وفحصتني الدكتوره لقته فاتح3 سم
وسوت لي توسعه طلعت روحي من العوار
وقالت ماتحتاجين طلق صناعي بتولدين لحالك
دخلت الولاده والمغص مقطعني شوي وبرد العوار
بعده بساعتين سووا لي توسعه ثانيه ونفس الشي العوار يزيد بحزتها بعدين يبرد
وبعده بساعتين عادوا لي التوسعه .....المشكله ان الرحم ثابت على 3 سم
وانا زهقت من وضعي وطلبت طلق صناعي
وفعلا عطوني بالدرب مع ابرة ظهر
والحمد لله بدأ الرحم يتوسع بس بطيئ
لما شافت الدكتوره وضعي طلبت انهم يزيدون الطلق
وبديت احس مع كل طلقه ان رحمي ينتفخ مع عواااار ليما تروح الطلقه
وطلبتهم يزيدون جرعة ابرة الظهر وفعلا زادوها
والحمدلله يارب بعد ماحسيت بعوار الا بوقت الدفع
والعصر ولدت
بس فعلا كنت خايفه يحولوني قيصريه لماشفت الرحم ثابت على3سم بس الحمدلله مع الدعاء والاستغفار الله سهل
واسأل الله ان يسهل على ازهار وباقي البنات ولادتهم
