- 24
- 0
- الأربعاء, 24 مايو, 2017 - 2 , مساءً
- التقييم:
الطريقة و المقادير
😋 مكرونة البشاميل بالكوسا
.
تسلقين مكرونه في ماء، ملح و زيت .. وفي قدر ثاني تحمسين اللحمه المفرومه بدون زيت ثم تضيفين البصل المفروم و الثوم المهروس و تقلبين لين يستوي اللحم .. ثم تضيفين البهارات و الملح و معجون طماطم و تقلبين .. ثم ضيفي كوسا مقطعه صغار و شوي ماء مغلي و غطي القدر و اتركيه على نار هاديه يتسبك و تستوي الكوسا .. في هالوقت تسوين صوص البشاميل: لكل كوب ماء تحطين ملعقتين حليب بودره و ملعقتين طحين و ملعقه جبن سايل و تحركين على النار لين يثقل الصوص.. انتي سوي الكميه اللي تناسبك
في الصينيه تحطين طبقة مكرونه و معها بشاميل و تخلطين ثم تحطين اللحمه المفرومه ثم طبقه ثانيه مكرونه و تصبين عليها البشاميل ثم دخليه الفرن يتحمر من فوق .. لذيييييذه و بالعافيه 😋
