صينية البطاطس المكسيكية 🍴🌽🍅🍲🔥
Mexican Potato🍴🌽🍅🍲🔥 الطريقة سهلة جدا:
اسلقي بالماء بطاطس بقشره لمدة عشرين دقيقة تقريبا إلى ٣٠ دقيقة.
طلعيه وحطيه في ماء بارد وقشريه.
قطعي البطاطس إلى حلقات أو مربعات حسب رغبتك.
هاتي صوص الطماطم الجاهز مثل اللي بالصورة وهو أنواع ومتوفر بكل سوبرماركت وإذا لقيتوا المكسيكي منه بيكون أحسن شي وإذا ماحصلتوه أي صوص مكرونة جاهز.وأنا أرشح الاثنين اللي تحت وبعض الصوص يكون حار وهذا المطلوب والأطعم😋
غطي قاع الصينية بشوية من صوص الطماطم وافرشي فوقه حلقات البطاطا وغطي بباقي الصوص.
اللي تحبين وزعيه فوق البطاطس مثل: ذرة/فاصوليا سوداء/فاصوليا حمراء/فلفل بارد الوان/فلفل حار
غطيها بجبن تشدر مبشور وجبن موزاريلا ودخليها الفرن لحد مايذوب الجبن وعند التقديم زينيها بالفلفل الجلابينو ورشة بصل أخضر أو بقدونس أو كزبرة.
عند التقديم:قدميها مع الكريمة الحامضة (sour cream) وبالعافية.
ملاحظة:ممكن تعملون الصوص بالبيت وهذه مقاديره:
١طماط معلب / بصل مكعبات/فلفل بارد مكعبات /فلفل حار مفروم / نصف كوب كاتشب /نصف كوب ماء/ثوم بودرة وحبة ماجي وممكن تستغنون عن الماجي وضعوا ملح.
كشني البصل بشوية زيت زيتون وأضيفي باقي المقادير وخليها على النار نصف ساعة تقريبا وتكون جاهزة. إذا تحبونها ناعمه اطحنيها بخلاط الطماط واذا تحبونها قطع خلوها مثل ماهي.
اقتراح/ممكن تعملينها في قوالب الورق المقواة الخاصة بالكيك والاستخدام بالفرن المربعات أو الدوائر وتدخلينها الفرن وإذا خلصت حطي فوقها ملعقة كريمة حامضة ..