برياني الدجاج
المقادير

٣ حبات بطاط نقطعهم مكعبات و نقليهم
٣ الي ٤ حبات بصل
علبتين روب
٤ حبات طماط
البهارات ( ٢ ملعقه وسط ملح – ملعقه وسط فلفل اسود و – كمون – تندوري – كارى )
٨ الي ١٠ حبات ثوم
زنجبيل
الخضره بتكون شويه كزبره ونعناع
بهارات غير مطحونة علي عدالها ( ورق غار – هيل – دارسين – مسمار – جوزه الطيب )
حبه ماجي
دجاجه مقطعه ٨ قطع
٣ اكواب عيش ( الرز )
اول شي راح نحط البهارات علي الدجاج

بعدها نحمس البصل لين يحمر و نحط الثوم و الزنجبيل عليها
بعدها نضيف الخضره و نحمسه شوي وبعدها نحط الدجاج و البهارات الغير مطحونة علي عدالها
ونصكر عليه عشر دقايق ونحطه علي النار الهاديه
بعدين نضيف عليه معجون و كيوب ماجي و الطماط
ونخلطه ونرد نصكر عليه
وبعد ٣ دقايق نضيف البطاط
ونرد نصكره
ربع ساعه و بعدين نحط علبتين روب ونرد نخليه ربع ساعه

وبعدها نطفي النار و نشيل الدهن الزايد

لازم يكون العيش ( الرز ) حزتها جاهز

نحط بالجدر ماي مع شويه عيش و ٣ ملاعق وسط ملح
وبعد ما يستوى ثلاث ارباع سوي نشخله من الماي

بعدها نحط جدر جديد نحط فيه دهن حمسه الدجاج وبعدها نحط عليه نص كميه العيش و نحط فوقه الدجاج و نرد نحط باجي العيش ونرشه بماي ورد و عصفر وشويه من الدهن الي شلناه ونصكر عليه بنار هاديه….. وعليكم بألف عافية …👌