مطبق باللحم المفروم
المقادير
بصل
لحم مفروم
ملح
بهارات
شده بقل ( كراث )
طماطم مقطعه مكعبات صغيره
٣ بيضات
شرائح سبرنغ رول او المطبق نوع دليتا اللي بالزيت ،،
خليط الالصاق( طحين مع شوي ماي )
الطريقه :
يشوح البصل مع قليل من الزيت الى ان يذبل
تضاف البهارات واللحم المفروم
والملح يترك الى ان ينضج
نقطع الكراث قطع صغيره ( يفضل يكون كميه كبيره ) وتخلط مع اللحم
ثم تضاف الطماطم المقطعه و البيض وتخلط مع بعض و كذا يكون خلصنا الحشو
ناخذ شرايحه مربعه ونحط حواليها خليط الالتصاق طحين مع ماي واحط الحشو في النصف الاول واثنيها يعني بتكون ع شكل مستطيل ( نصف مربع )
وكذا لين تخلص كل الكميه .. ندهن صاج ب زيت خفيف و نحطها ع الصاج لين تتحمر من الجانبين واذا نضجت اقصها بالنصف وارتبها في الصحن
وممكن تسوينها بالفرن تدهنين الصينيه وتحطينهم و تمسحين ع كل قطعه شوي زيت ،، وبعد ممكن في قلايه فيلبس تمسح كل قطعه بقليل من الزيت وتوضع في الاله
ع درجه حراره ١٦٠
يقدم مع ليمون وبس بالعافيه 👍