- 66
- 0
- الجمعة, 28 يوليو, 2017 - 1 , صباحًا
- التقييم:
الطريقة و المقادير
جيب التاجر
المقادير :
توست (انا استخدمت بر علشان كذا لونه بني)
بيض
بقسمات
الحشو
لحم مفروم او دجاج مفروم او صدور دجاج مسلوق و منتف او مكعبات دجاج صغيره او اي حشو تفضلينه .. الطريقه :
يقطع البصل قطع صغيره و يحمر في قليل من الزيت الى ان يذبل ثم اضيف البهارات ( بهار منوع ، فلفل اسود ، شوي باربيكا )
يضاف اللحم او الدجاج الى ان ينضج اذا تحبين خلطي معاه جبن سائل بعد ماينضج … هذا بالنسبه للحشو
اما التوست
تاخذين ٢ توست و تحطينهم فوق بعض
وتفردينهم بالفراد او النشابه
تاخذين كاس وتقطعين دائره
وهكذا للكل حسب الكميه اللي تحبين
بعدين في بيض
وحاولي تشيلي البيض الزائد حتى مع البقسمات يصير مرتب
واخيرا في البقسمات ..
و نسخن الزيت ساخن جدا جدا
مجرد ماتحطين قطعه التوست بسرعه راح تتحمر ولا تشرب زيت ابدا
تقطعين قطعه التوست الدائريه بالنصف
تحشى باللي تحبين خيار ، طماطم ، جبن شذر مع اللحم او الدجاج
وتقدم بالعافيه
