كبسه الروبيان ع طريقتي ..

المقادير
بصل
طماطم واحده
فلفل اخضر
معجون طماطم
بهار كبسه
ليمون اسود مطحون
ملح
هيل حب -اعواد دارسين -مسمار ( قرنفل)
زبده + زيت
رز
روبيان منظف و مغسول
فلفل حار حسب الرغبه
بطاطس مقطعه مكعبات كبيره مسلوقه عند الرغبه .. الطريقه :
يوضع البصل مع شوي زيت مخلوط مع زبده لان الزبده وحدها راح تحترق
ونحط معاه الهيل الحب و اعواد الدارسين والمسمار ونحرك لين يذبل
اذا ذبل احط البهارات و الليمون المطحون و معجون الطماطم واحرك لين تطلع ريحته
اضيف الروبيان واقلب شوي واحط الملح بعدين اضيف ماي
الروبيان بسرعه ينضج ماياخذ وقت ابدا ٥-١٠ دقايق
اذا نضج اقطع الطماطم ل ٤ قطع فقط واحطها مع الماي والفلفل الاخضر بعد اقطعه قطع كبيره واحطها معاه والفلفل الحار عند الرغبه
اكون غسلت الرز عدل واحطه فوق خليط الماي والروبيان واول ع نار عاليه بعدين بس يبدا يفور الرز اخفض النار لين ينضج ع راحته
كميه الماي يختلف حسب نوع الرز بس الاغلب لكل كاس رز كاسين ماي
ولكل كاس رز ملعقه ملح ،، ممكن اضافه قطع من البطاطس المسلوق عند الرغبه ( لان الروبيان بسرعه بينضج والبطاطس ماراح ينضج ف لكذا اسلقه قبل )
وبس اذا نضج وجف اقدمه وازينه بالبقدونس ❤️