مندي بالفرن
المقادير
رز
ماء
زبده & زيت
بهارات حب ( اعواد قرفه او دارسين ، حبات هيل ، قرنفل او مسمار ، فلفل اسود حب )
فلفل اخضر بارد مقطع حلقات
بصل مقطع صغار
ثوم مهروس
الدجاج :
دجاج حسب الكميه
زيت زيتون
شوي خل ابيض
كركم
بهار منوع
ملح
ثوم مهروس ( انا حطيت معجون الثوم من ام اف )
الطريقه :
نغسل الرز جيدا ويوضع جانبا في صينيه فرن
يوضع البصل ومهروس الثوم مع بهارات الحب مع الزيت والزبده ع النار ويقلب لين يذبل وتطلع ريحه البهارات
نحط خليط البصل فوق الرز ونحط ملح ونخلطهم مع بعض
نضيف كميه ماء مناسبه للرز
لكل كوب رز = ٢ كوب ماء
لكل كوب رز = ملعقه طعام ملح
هذي القاعده العامه ممكن ينقص شوي او يزيد حسب نوع الرز
بعدها اوزع ع الوجه حلقات الفلفل الاخضر واعلف الصينيه بالقصدير مرتين .. اسوي ثقوب بالسكين متفرقه في انحاء القصدير والحين اجهز الدجاج
اخلط مقادير التتبيله مع بعض ماعدا الملح
انظف الدجاج واغلسه كويس اسوي خطوط بالسكين في الدجاج واملحه .. اتحط التتبيله فوق الدجاج وبعدين احط الدجاج فوق القصدير اللي سويناه فيه ثقوب يعني فوق صينيه الرز .. اغطي الدجاج ب قصدير مع الصينيه وندخلها الفرن النار من اسفل لين تنضج تقريبا ساعه ونصف افتح قصدير الدجاج وامسح الدجاجه ب زعفران واخليها تتحمر ويقدم مع الرز
اللي تحب تشعل فحمه وحده وتحطها في وسط فنجان وسط الرز و تطفيها ب زيت وتغطي بالقصدير ع الرز والدجاج حتى ياخذ الريحه و النكهه وبس 🌸
انا هنا زينته ب بطاطس مقطع مكعبات ومقليه و بقدونس