كنافه بالمقلا سريعه 👌🏻
المقادير
نصف علبه كنافه السمبله
اصبع زبده ١٠٠ غرام يعني نصف كوب زبده مذابه
٢ ملعقه كبيره سكر بودره
الحشو هنا استخدمت قشطه طازجه تباع بالكيلو
وجبن موزريلا
التغطيه :
شيره او قطر
التزيين ؛
فستق ورد محمدي
الطريقه
تفرم في محضره الطعام الكنافه لين تصير ناعمه
تخلط معها الزبده والسكر بودره ( خلطت معها شوي ماي ورد مخلوط معاه زعفران حتى يعطي لون طبعا هالخطوه غير ضروريه ابدا )
ناخذ مقلا حجم صغير استخدمت تقريبا بحجم ١٥ سم
طبعا لك الحريه في اختيار الحجم
هالكميه سوت لي ٢ بهذا الحجم
المهم ادهن المقلا بالزبده واحط طبقه خفيفه من الكنافه وارص عليها بالملعقه وارفع الجوانب بحيث يصير فيها تجويف في النصف
بعدين حطيت القشطه وجبن الموزريلا
واخيرا طبقه ثانيه من الكنافه تغطي القشطه وتكون خفيفه بعد حتى تنضج بسرعه
احط الفرن ع نار هادئه جدا واحط المقلا فوقه واحركه بشكل بطيء حتى تتحمر من كل الجهات بنفس المستوى مجرد ماتتحمر الاطراف اخذ صحن واقلب فيه الكنافه
وبحذر ارجع الكنافه للمقلا طبعا ع الجهه اللي مانضجت بتكون ونفس الطريقه وبعدين انزلها في صحن واسقيها الشيره وازينها وحلاتها تنوكل حاره 😋
ماتاخذ اكثر من ٥ دقايق والطعم 👌🏻اللي تبغي كميه اكبر تضاعف الكمية