فيليه الدجاج 🍔🍗❤️ المقادير ؛
صدور دجاج بدون جلد او عظم
لبن
ملح
بقسمات ( انا هنا استخدمت البقسمات الياباني يباع في التميمي )
شوي زيت زيتون
شوي خل ابيض
استخدمت بهار الشيف ماجيك ل فاهيتا الدجاج + بهار الشيف ماجيك للمشويات ( الباربيكيو ) طبعا تحصلونهم في التميمي واللي ماعندها تحط اي بهار تحبه
انا احبه حار شوي ف حطيت فلفل احمر
ثوم مهروس او معجون الثوم من ام اف
الطريقه ؛
يدق الصدر ب مطرقه اللحم حتى يكون رقيق او يقطع صدور الدجاج ل جزئين بالعرض لانه ابغي يصير نحيف وبسرعه ينضج
يتبل الدجاج ب نخلط مع بعض ( زيت الزيتون ، الخل ، البهارات ب انواعها ، الثوم ، الملح ) ونغطيه في الدجاج عدل ونتركه يتبل يفضل ليله كامله او ع الاقل ساعتين
بعدين احط في اللبن رشه بهار منوع وفلفل اسود
اغمس قطع الدجاج في اللبن اول بعدين في البقسمات
واحطه ع صينيه فيها ورق زبده وهكذا مع كل القطع لين اخلص الكميه اذا بفرزن الدجاج احط القطع مرتبه جنب بعض في صينيه ( ننتبه انا اقول جنب بعض مو فوق بعض ) وندخلها الفريزر لين تجمد بعدين احطها في اكياس مغلقه لحين الاستخدام ،، اللي تبغي تسويها ع طول تحطها بس ربع ساعه في الفريزر
بعدين تسخن الزيت واذا سخن اخفض النار حتى نضمن ان الدجاج ينضج من داخل وبس يقدم مع ساندويش البرغل او مع خبز وبطاطس اي شي تفضلونه 🌸