بسبوسه بالنوتيلا
  • 96
  • Loading
  • 0
  • الأحد, 25 أكتوبر, 2020 - 4 , مساءً
  • التقييم:
    (2 votes, average: 5.00 out of 5)
الطريقة و المقادير

ياهلا .. لاتفوتكم بسبوسة النوتيلا ياعشاق الشكولاطة 😋.. وصفه جديده تصف مع وصفاتي للبسبوسه 🤗 للامانه اخذت الفكره من مبدعتنا @chef_hessa .. لكن سويتها بطريقتي خليتها ملغمه تلغيم بالنوتيلا وطلعت مجرررمة 👌😍 .. .
الطريقة .. طبعاً علبه القشطه مثل التاج هي المقياس اللي نقيس فيه المقادير .. .
بخلاط الكيك .. نخلط 2 بيض + علبه قشطه + علبه سكر + ملعقه صغيره فانليا ونخلطها خمس دقايق + علبه زيت + علبتين سميد + علبه جوزهند + علبه حليب بودره + ملعقه كبيره بكنج بودر + ملعقتين كبار شكولاطه بودره + ملعقه صغيره نسكافيه +ثلاث ملاعق كبار نوتيلا ونخلط خمس دقايق حتي تمتزج المقادير زين .. واذا طلع الخليط معكم ثقيل ممكن نزيد شوي ماء .. وبعد كيذا نصبها بصينيه وعلي الفرن وبعد ماتستوي نخليها تبرد تماما وهمن نقطعها ونسوي خطوط من النوتيلا .. طبعا هالمره مانسقيها نستله ولاااا شيره حتي ماتكون حاليه مره لان فيها نوتيلا من داخل وعلي الوجه لكن اذا حابين ممكن تسقونها شوي مرة نستله حتي ترطبها .. بس من جد لاتفوتكم اليييييمة بقوه واذا حابين نكهه النوتيلا اكثر ممكن تحطون اكثر من ثلاث ملاعق وعاد انتم براحتكم .. وياعساها بالعافيه علي قليباتكم وان شا الله تعجبكم ❤️

الوسوم: