ياهلا .. عندي لكم مكرونه طعيييييمه بالحيل واهم شي انها سهله وتسوينها بسرعه ماتاخذ من وقتك كثير تنفع لسحور .. ( طبعا سحور بدري مو تاكلين هالمكرونه وهمن تدبجينه نومه عاد تنقز مرررر 🤣) لانه قد حصل لي مره موقف من السحور المتأخر اكلت مكرونه اللي تجي علي شكل قواقع وبعدها شربت ماء كثير لانه خلاص شوي ويأذن الفجر المهم حسيت ان هالقواقع طفحن ببطني وماقدرت انام 😂 .. وعقبها صار سحوري الحمد لله بدري او إذا متأخر يكون خفيف ..
.
مكرونة الدجاج بالكزبرة 🌿
.
الطريقة .. بقدر نحمس بصل + ثوم مع شوي زيت + طماط + بهارات وكركم + ملح وفلفل اسود + صلصله طماط ونكون كريمين بالبهارات والصلصله لاننا بنخلط معه المكرونه .. المهم بعد ماتتسبك الكشنه + قطع صدور دجاج + شوي ماء لاني ابي كشنه الدجاج تكون رطبه وبعد ماتستوي + نص حزمه كزبرة .. .
بقدر ثاني اسلق مكرونه + ماء + شوي زيت + ملح وبعد ماتستوي المكرونه اخلطها مع كشنه الدجاج واتركهم يطبخون لهم عشر دقايق .. بعدها احطها بصينيه بايركس واصب فوقها الصوص الابيض (بقدر صغير قشطه + ٣ ملاعق جبن سايل + شوي ماء ونحركهم علي النار) .. ادخل الصينية الفرن من تحت وفوق حتي تتحمر واذا طلعت ارش علي الوجه كزبره 🌿 وبالعافيه عليكم ومن جد لذذذذذيذة 👌.