مساء الخير والسعادة❤️
.
وصفة خفيفة ومعروفة سويتها مع إضافة جميلة وصار الطعم ولا أروع جربوها وراح تعجبكم بإذن الله واعتمدوها بضيافاتكم راح تدعون لي ❤️ويلا نبدأ بسم الله مع👇🏻
.
🍨كاسترد البف باستري🍨
.
راح نحتاج (ثلاث أكواب حليب،ثلاث ملاعق مليانة كاسترد،ثلاث ملاعق سكر،علبة قشطة)نخلطهم تمام ونحطهم ع النار مع التحريك لغاية ماتثقل ونسكبها بكاسات التقديم وندخلها الثلاجة تبرد وتتماسك..
.
الخطوة الثانية: راح نحتاج مربعات بف باستري (أربع مربعات كافية) ندخلها الفرن من تحت وفوق لغاية ماتتحمر وبعد ونطلعها ونتركها تبرد..
.
عند التقديم نفتت البف باستري على الكاسترد ونرش عليها رشة(شيرة بالزعفران) ورشة فستق ونقدمها كمية لذاذة وطعم روعة..
.
لاتخافون من الشيرة ماراح تكون حالية الإضافة جداً متناسقة مع البف باستري والكاسترد راح تحسون بنكهة لذذذيذة جربوها بإذن الله بتعجبكم وبتنبسطون فيها❤️