Avatar
اصابع البطاطس بالتونه
  • 6
  • Loading
  • 0
  • الثلاثاء, 15 أكتوبر, 2019 - 4 , مساءً
  • التقييم:
الطريقة و المقادير

صباحكم /مساءكم يسر لا يتبعه عسر

😋 اصابع البطاطس بالتونه😋
نقدمها من مطبخ كويتيات
المقادير:
١_ حبة بطاطس كبيره صحيحه ( غير مقطعه ) وبقشرتها مغسوله ومسلوقه لماتستوي بدون ماتهتري وشيلي قشرتها واهرسيها بالشوكه اوبآلة هرس البطاطس اليدويه
٢_ علبة تونه مصفاه جيدا من الماء اوالزيت
٣_ ربع كاس بصل اخضر مفروم
٤_ ربع كاس كزبره مفرومه
٥_ فصين ثوم مفروم
٦_ نص ملعقه صغيره لكل من كمون وكركم وبابريكا وفلفل اسود وملح بيضه صغيره .
لتغليف الاصابع :

بيضه مخفوقه _ بقسماط

زيت للقلي

الطريقه:

١_ اخلطي جميع المقادير واعجني لماتتجانس وسخني الزيت وقسمي العجينه لكور اصغر من حجم البيضه وشكلي كل كره على شكل اصبع واضغطي على طرفيها من فوق وتحت قليلا لتعطي شكل مرتب
٢_ واغمسيها في البيض ثم البقسماط وكملي الباقي وضعيها بالفريزر لثلث ساعه.
٣_ اقليها في الزيت على حراره متوسطه لماتتحمر وتقدم بالعافيه.
انا عملت منها كور البطاطس بالجبن وممكن تستغني عن التونه اوتستبدليها بدجاج اوسمك مسلوق ومفتت. حشيت الكور بقطعة جبن شدر وغلفتها بالبيض والبقسماط وبالفريزر شوي وتقلى وتقدم .
بالنسبه للبطاطس كثير يشتكون من عدم تماسكها خصوصا عند القلي تتفتت وتحوس الدنيا الحل هو :
اذا سلقتي البطاطس لازم تكون بقشرتها وبدون تقطيع عشان مايدخلها الماء واتركيها لماتستوي وبدون ماتنهري وشيلي القشره واهرسيها على طول وهي حاره ولاتحطيها بالخلاط بعدين تتعبك ماراح تتماسك عند التشكيل وفي القلي. وبعد التشكيل حطيها بالفريزر ثلث ساعه واقليها. .
💙💛
وبالعافيه
نقلا عن الشيف
omhajer1♥️♥️