- 75
- 0
- السبت, 27 أبريل, 2019 - 2 , صباحًا
- التقييم:
الطريقة و المقادير
المقادير
👩🏽🍳 كوبين طحين / ملعقه صغيره دارسين / ملعقه صغيره بيكنج باودر / ملعقه صغيره بيكربونات الصوديوم / قالب زبده بحراره المطبخ / نص كوب زيت / كوبين ونص جزر مبشور / كوب اناناس مبشور / كوب جوز محمص ومطحون خشن / ثلاث ارباع كوب سكر اسمر / ثلاث ارباع كوب سكر ابيض / ٤ بيضات / فانيليا / رشة ملح
التحضير 👩🏽🍳 اول خطوه احط بالماعون الطحين و الدارسين والبيكنج باودر و بيكربونات الصوديوم ورشة ملح
ثاني خطوه اخلط بالخلاط اليدوي نص كوب زيت وقالب الزبده والسكر الاسمر والابيض لما ينخلطون عدل مع بعض انزل عليهم البيض وحده وحده واخفقهم عدل واحط عليهم شوية فانيليا وخلطة الطحين اللي خلطها بالخطوه الاولى انزلها شوي شوي والاناناس والجزر واخلطهم اخر شي احط كوب الجوز واخلطهم عدل واقسم المقدار بصينيتين مدهونين بالزيت والطحين وادخلهم الفرن على درجه حراره ١٧٥ من ٣٠-٤٠ دقيقه
كريمه الكيكه👩🏽🍳 ٣٠٠جرام جبن فلادلفيا ونص قالب زبده بحرارة المطبخ / بشر برتقاله / فانيليا وكوبين سكر ناعم
اخلط الجبن مع الزبده والفانيليا وبشر البرتقاله بعدين انزل عليه السكر الناعم مع استمرار الخلط وادخلها الثلاجه.
اطلع الكيك من الفرن واتركه يبرد تماماً واحط بصحن التقديم شويه من الكريمه واحط اول كيكه واحط فوقها شويه من الكريمه وافرشها على كل الكيكه واحط الكيكه الثانيه على الاولى واغطيهم كلهم بالكريمه واحط من الجوز المحمص المطحون على اطراف الكيكه وازينها بأشكال الجزر او اي شي تحبونه وادخلها الثلاجه الى وقت التقديم
و بالعافيه💕
