المقادير:
سمك سبيطي بدون الراس / البهارات ( ملح / كركم / زنجبيل / فلفل اسود / كمون ) شرايح ليمون / ثوم / زيت زيتون / عصير الليمون / بشر الليمون / بصل / ثوم / هرده / صنوبر / لوز / كزبره / بقدونس
التحضير👩🏽‍🍳
اول خطوه احط من البهارات على ملعقه ثوم واضيف عليه عصير ليمون وشويه من بشر الليمون وزيت الزيتون وابهر السمكه بالبهارات بعدين اصب عليها الصلصه اللي سويتها واوزع عليها شرايح الليمون واسكر عليها وابهرها من برا واحطها بصينيه الفرن مدهونه مسبقاً بزيت الزيتون واصب عليها من صوص الثوم والبهارات وادخلها الفرن لمدة ٤٠ – ٤٥ دقيقه
ثاني خطوه احط بالمقلى شويه دهن وانزل عليه ٤ بصلات شرايح واضيف عليهم ملعقتين ثوم وملعقه ملح احط بماعون نص كوب هرده اضيف عليه ربع كوب عصير ليمون وشويه ملح وفلفل اسود واخلط المقادير مع بعض واخففها بالماي شوي شوي واضيف عليها كركم وكمون وفلفل اسود واصبها على البصل واتركه على نار هاديه بعدين احطها على السمكه وارش عليها كزبره وبقدونس وشويه من المكسرات صنوبر ولوز
ثالث خطوه احط بمقلى ٣ بصلات مفرومين واقلب فيه حتى يتغير لونه اصب عليه كوبين ماي بعدين اشخله واصبه على العيش
رابع خطوه احط بالجدر دهن وزنجبيل وفلفل اسود وكمون وكركم واحمس البهارات شوي واصب عليه العيش واحركه شوي اقلبه مع البهارات واصب عليه ماي البصل واضيف ملعقتين كبار من البصل المحموس وازيد عليه شوي ماي واتركه على نار هاديه وازينه بالمكسرات والبقدونس واقدمه مع السمك وبالعافيه💕